1 Петр 4:8 - Сибэтиэй Биибилийэ кинигэлэрэ

⁸ Туохтааҕар да бэйэ-бэйэҕитин ис сүрэххититтэн таптааҥ. Таптал үгүс аньыыны-хараны бырастыы гыннарар.

1 Петр 4:8 ပူးပေါင်းရင်းမြစ်များ

Аман өһө 10:12

Абааһы көрсүүттэн айдаан тахсар, оттон таптал атаҕастабылы бырастыы гынар.

Аман өһө 12:16

Акаары өһүргэммитэ тута биллэр, оттон өйдөөх, үөҕүллэн да баран, истибэтэх курдук туттар.

Аман өһө 17:9

Ким тапталга дьулуһар, ол хоргуппутун умнар, ким хоһох хостоһор, ол доҕоруттан матар.

Аман өһө 18:13

Ситэ истибэккэ эрэ хоруйдааһын – ааргы быһыы, сааттаах суол.

1 Коринф христианнарыгар 13:1

Өскөтүн мин араас омук, бэл Аанньал да тылынан саҥарар буолан бараммын – сүрэхпэр таптала суох буоллахпына, ол аата мин – таҥкыныыр эрэ алтаммын, чылыгырыыр эрэ чуорааммын.

1 Коринф христианнарыгар 13:4

Таптал тулуурдаах, амарах санаалаах, таптал ордугурҕаабат, таптал арбаммат, улаханнык санаммат,

Колосс христианнарыгар 3:14

Итиэннэ туохтааҕар да бу этиллибит өрүттэри барытын ситимниир, ситэрэн биэрэр тапталга дьулуһуҥ.

1 Фессалоника христианнарыгар 3:12

Айыы Тойон эһиги бэйэ-бэйэҕитигэр итиэннэ бар дьоҥҥо тапталгытын, эмиэ биһиги эһиэхэ тапталбытын курдук, муҥура суох күүһүрдүөхтүн, Айыы Тойоммут Иисус Христос бары сибэтиэйдэрин кытта кэлэригэр эһиги сүрэххит Аҕа Таҥарабыт иннигэр эҥкилэ суох ыраас буоларын туһугар, эһигини бөҕөргөтүөхтүн! Аминь.

2 Фессалоника христианнарыгар 1:3

Бырааттарбыт, эһиги итэҕэлгит үүнэн, хас биирдиигит бэйэ-бэйэҕитигэр таптала күүһүрэн иһэрин иһин, биһиги кырдьыгы көрөр дьон сиэринэн өрүү Таҥараҕа махтана сылдьыахтаахпыт.

1 Тимофейга 1:5

Оттон биһиги ирдэбилбит сыала-соруга – ыраас сүрэхтэн, үтүө суобастан уонна истиҥ итэҕэлтэн үөскүүр таптал.

Еврейдэргэ 13:1

Доҕотторуом, эһиги бэйэ-бэйэҕитигэр бырааттыы тапталгыт уостары билбэтин.

Иаков 5:12

Уонна, бырааттарым, хаһан да андаҕайбат буолуҥ, халлаанынан да, сиринэн да, атын тугунан даҕаны андаҕайымаҥ; эһиги сөп диэбиккит чахчы сөп буоллун, суох диэбиккит чахчы суох буоллун, оччоҕо дьүүлгэ туруоххут суоҕа.

Иаков 5:20

кини билиэх тустаах: аньыылааҕы албын суолуттан эргилиннэрбит киһи дууһатын өлөр өлүүттэн быыһыаҕа, үгүс аньыытын-харатын бырастыы гыннарыаҕа.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

3 Иоанн 1:2

Таптыыр оҕом, мин эн тускар – барыга бары ситиһиилээх буоларгар, дууһаҥ чөлүн курдук, доруобуйаҥ эмиэ чэгиэн-чэбдик буоларыгар – Таҥарабыттан көрдөһөбүн.