1 Петр 4:17 - Сибэтиэй Биибилийэ кинигэлэрэ

¹⁷ Дьүүллээһини Таҥара Бэйэтин дьонуттан саҕалыаҕа; өскөтүн дьүүл маҥнай биһигиттэн саҕаланар буоллаҕына, Таҥара Евангелиетын ылыммат дьону дьэ ханнык бүтэр уһук күүтэрэ буолуой?

1 Петр 4:17 ပူးပေါင်းရင်းမြစ်များ

Лука 23:31

Киил маһы маннык кэбилиир буоллахтарына, хаппыт мас хайдах буолуой?»

Рим христианнарыгар 1:1

Таҥара Евангелиетын бар дьоҥҥо иһитиннэрэргэ талыллан ыҥырыллыбыт Апостолтан, Иисус Христос кулута Павелтан.

Рим христианнарыгар 2:9

Куһаҕаны оҥорор киһи, бастатан, иудей, ол кэннэ атын омук дьонун дууһаларыгар курутуйуу, кыараҕастыйыы ыган кэлэр,

Галатия христианнарыгар 3:1

Оо, толкуйа суох галаттар! Эһиги Евангелиены истэргитигэр Иисус Христос, көрөн турдаххытына, тиириллибит курдук ойууламмыта буолбаат! Оччотугар ким эһигини итинник абылаата?

Галатия христианнарыгар 5:7

Эһиги сүүрэр түһүмэххитин бэрт үчүгэйдик саҕалаабыккыт эбээт. Оччоҕо бу ким эһигини тохтотон, кырдьыкка бас бэриммэт буолан хааллыгыт?

Галатия христианнарыгар 6:10

Онон бириэмэ өссө баарын тухары, бар дьоҥҥо үтүөнү оҥоро сылдьыаҕыҥ, ордук биир итэҕэллээхтэрбитигэр кыһаллыаҕыҥ.

2 Фессалоника христианнарыгар 1:8

Таҥараны билбэттэри уонна Айыы Тойоммут Иисус Христос Евангелиетыгар бас бэриммэттэри суостаах уот ортотугар иэстиирин саҕана, буолуоҕа.

1 Тимофейга 3:15

Баҕар, барбакка тардыллар түбэлтэбэр Таҥара Дьиэтигэр – Тыыннаах Таҥара Сиэркэбигэр – хайдах туттан-хаптан сылдьары билэргэр көмөлөөх буолуо дии саныыбын. Таҥара Дьиэтэ – дьиҥ кырдьык тулхадыйбат тулааһына, халбаҥнаабат чиҥ тирэҕэ.

Еврейдэргэ 11:8

Итэҕэлинэн Авраам, Таҥара ыҥырарын истэн, нэһилиэстибэ ылар дойдутугар тиийээри, ханна баран иһэрин билбэтэр да, суолга туруммута.

Еврейдэргэ 2:2

Аанньалларынан этиттэриллибит тыл чиҥэ бэрт буолан, онтон ханнык да туорааһын, бас бэриммэт буолуу сөптөөх буруйга тардыллар эбит буоллаҕына,

Еврейдэргэ 2:4

Таҥара итини барытын эҥин араас сөҕүмэр бэлиэтинэн, дьиктитинэн, араас күүстээх дьайыытынан итиэннэ Бэйэтин көҥүлүнэн Сибэтиэй Тыынын биэртэлээн туоһулаан турар буолбатах дуо?

Еврейдэргэ 3:6

оттон Христос – бу дьиэни салайар Таҥара эрэллээх Уола. Онон биһиги эр санаабытын, киэн туттар эрэлбитин тиһэҕэр тиийэ бигэтик энчирэппэккэ тиэртэхпитинэ, Кини дьиэтэ буолабыт.

Еврейдэргэ 5:9

итиэннэ ситэн-хотон баран, Кинини истэр дьоҥҥо барыларыгар үйэлэр тухары быыһанар төрүөт буолбута.

1 Петр 2:5

Уонна бэйэҕит эмиэ тыыннаах таастар буолаҥҥыт, Таҥара сөбүлүүр духуобунай сиэртибэтин Иисус Христоһунан биэрэр Кини сибэтиэй үлэһиттэрэ буолар туһугар, духуобунай дьиэ буола үүнэн-үрдээн иһиҥ.

1 Петр 2:8

Онон Таҥара тылын истэр эрээри, бас бэриммэт дьон бүдүрүйэллэр – кинилэр анабыллара оннук.