1 Петр 3:16 - Сибэтиэй Биибилийэ кинигэлэрэ

¹⁶ Үтүө суобастаахтык олоруҥ, оччоҕо эһигини хара санаалаахтар диэн үөҕэллэриттэн Христоһу итэҕэйэр үтүө олоххутун баһааҕырдааччылар бэйэлэрэ кыбыстыахтара.

1 Петр 3:16 ပူးပေါင်းရင်းမြစ်များ

Матфей 5:11

Эһиги, Мин туспуттан үөҕүллэ, үүрүллэ, холуннарылла да сылдьаҥҥыт, алгыстааххыт.

Апостоллар 24:16

Мин эмиэ кинилэр курдук, суобаһым Таҥара да, дьон да иннигэр өрүүтүн ыраас буоларыгар дьулуһабын.

Апостоллар 28:22

Ол эрээри санааҕын истиэхпитин баҕарабыт. Ити үөрэх туһунан сир-сир аайы мөккүһэллэрин истэ сылдьабыт».

Рим христианнарыгар 9:1

Христос иннигэр кырдьыгы этэбин, сымыйалаабаппын, ону миэхэ Сибэтиэй Тыынынан суобаһым да бигэргэтэр –

2 Коринф христианнарыгар 1:12

Биһиги бу дойдуга, чуолаан эһиги ортоҕутугар Таҥараҕа сөбүлэтэр курдук аһаҕастык, истиҥник – сирдээҕи муудараска буолбакка, Таҥара илгэлээх үтүө санаатыгар салайтаран олорбуппутун суобаспыт туоһулуурунан киэн туттабыт.

2 Коринф христианнарыгар 4:2

ол оннугар кистэлэҥ сааттаах дьайыылары ууратан, ханнык да албыннааһына, Таҥара тылын токурутуута суох, кырдьыгы аһаҕастык биллэрэн, Таҥара иннигэр бэйэбитин хайа баҕарар киһи суобаһын дьүүлүгэр биэрэбит.

1 Тимофейга 1:5

Оттон биһиги ирдэбилбит сыала-соруга – ыраас сүрэхтэн, үтүө суобастан уонна истиҥ итэҕэлтэн үөскүүр таптал.

2 Тимофейга 1:3

Түүннэри-күнүстэри өрүү эйигин өйдөөн-санаан туран үҥэрбэр, өбүгэлэрим курдук эмиэ ыраас суобастаахтык сулууспалыыр Таҥарабар махтанабын.

Титкэ 2:8

этэр тылыҥ ыйааһыннаах, лоп бааччы үтүө тыл буоллун, оччоҕо утарсааччылар биһиги туспутунан туох да дьиэктээҕи кэпсиир кыахтара суох буолан, бэйэлэрэ саатыахтара.

Еврейдэргэ 13:18

Биһиги туспутугар үҥэ сылдьыҥ. Туохха да буоллун, барытыгар чиэһинэй буолуохпутун баҕарар буоламмыт, суобаспыт ыраас диэн биһиги эрэнэ саныыбыт.

Еврейдэргэ 9:14

Бэйэтин эҥкилэ суох сиэртибэ быһыытынан Таҥараҕа Сибэтиэй Тыынынан бэриммит Христос Хаана хайдахтаах күүстээх буолуой! Биһиги дьиҥнээх, тыыннаах Таҥараҕа сулууспалыырбыт туһугар, Кини Хаана биһиги суобаспытын өлүүгэ тиэрдэр дьайыылартан ыраастыаҕа.

1 Петр 2:12

Таҥараны итэҕэйбэт дьон ортолоругар үтүөкэн олоҕунан олоруҥ; оччоҕо, үтүөнү оҥороргутун көрдөхтөрүнэ, эһигини хара санаалаахтар диэн үөхпүттэрин да иһин, Таҥараны кэлэр Күнүгэр айхаллыахтара.

1 Петр 2:15

Өйө суох ньүдьү-балай дьон ону-маны тыллаһыытын биһиги үтүөнү оҥорон тохтоторбутугар Таҥара баҕарар,

1 Петр 2:19

Олоҕо суох атаҕастабылга түбэһэн баран, Таҥараны санаан эрэйи-муҥу тулуйар киһи, Кини хайҕалын ылыаҕа.

1 Петр 3:21

Бу барыта – эһигини быыһыыр сүрэхтэнии уобараһа. Сүрэхтэнии – эт кирин суунуу буолбатах, Таҥараҕа үтүө суобаһы эрэннэрии – Иисус Христос тиллиитинэн биһигини быыһыыр.

1 Петр 4:4

Итэҕэйбэт дьон аны билигин эһиги кинилэрдиин содурдук быһыыламмат буолбуккутун дьиибэргииллэр, ол иһин эһигини үөҕэллэр.