1 Петр 2:15 - Сибэтиэй Биибилийэ кинигэлэрэ

¹⁵ Өйө суох ньүдьү-балай дьон ону-маны тыллаһыытын биһиги үтүөнү оҥорон тохтоторбутугар Таҥара баҕарар,

1 Петр 2:15 ပူးပေါင်းရင်းမြစ်များ

Саалтыр 5:5

Эн кэрээнэ суох быһыыны сөбүлээбэт Таҥараҕын; нэгэй киһи Эйиэхэ ыалдьыттаабат.

Аман өһө 9:6

Уонна аны акаарытык быһыыланымаҥ, оттомноохтук олоруҥ, үтүө өй суолун-ииһин тутуһуҥ.

Матфей 25:2

Кинилэртэн биэһэ муударай өйдөөх, биэһэ муударайа суох этилэр.

Матфей 7:26

Оттон Мин бу этэр тылбын истэр эрээри, толорбот киһи – ол дьиэтин кумах үрдүгэр туттубут толкуйа суох киһи курдук буолуо.

Рим христианнарыгар 1:21

Ол гынан баран кинилэр Таҥара туһунан билэн да баран, Таҥараҕын диэн айхаллаабатахтара, махтамматахтара, хата ол оннугар өйдөрө-санаалара сүпсүккэ ылларан, ньүдьү-балай сүрэхтэрэ эбии ыаһырбыта;

Галатия христианнарыгар 3:1

Оо, толкуйа суох галаттар! Эһиги Евангелиены истэргитигэр Иисус Христос, көрөн турдаххытына, тиириллибит курдук ойууламмыта буолбаат! Оччотугар ким эһигини итинник абылаата?

1 Фессалоника христианнарыгар 4:3

Таҥара эһиги ыраас буоларгытыгар, содурдук быһыыламмаккытыгар баҕарар.

1 Фессалоника христианнарыгар 5:18

туохха барытыгар махтана сылдьыҥ: Христос Иисуһу итэҕэйэр олоххутугар Таҥара эһигиттэн оннугу эрэйэр.

Титкэ 2:8

этэр тылыҥ ыйааһыннаах, лоп бааччы үтүө тыл буоллун, оччоҕо утарсааччылар биһиги туспутунан туох да дьиэктээҕи кэпсиир кыахтара суох буолан, бэйэлэрэ саатыахтара.

Титкэ 3:3

Хаһааҥҥыта эрэ биһиги эмиэ им балай, өһөс, муна-тэнэ сылдьар дьон этибит, араас аньыылаах баҕа санаа, бары кыдьык кулуттара буоларбыт, хара санааҕа, ымсыыга быһа сиэтэн олорбуппут; биһигини абааһы көрөллөрө, биһиги эмиэ бэйэ-бэйэбитин абааһы көрсөрбүт.

1 Петр 2:12

Таҥараны итэҕэйбэт дьон ортолоругар үтүөкэн олоҕунан олоруҥ; оччоҕо, үтүөнү оҥороргутун көрдөхтөрүнэ, эһигини хара санаалаахтар диэн үөхпүттэрин да иһин, Таҥараны кэлэр Күнүгэр айхаллыахтара.

1 Петр 3:16

Үтүө суобастаахтык олоруҥ, оччоҕо эһигини хара санаалаахтар диэн үөҕэллэриттэн Христоһу итэҕэйэр үтүө олоххутун баһааҕырдааччылар бэйэлэрэ кыбыстыахтара.

1 Петр 3:17

Ол эбэтэр, куһаҕаны оҥорон эрэйдэниэхтээҕэр, Таҥара көҥүлүнэн буоллаҕына, үтүөнү оҥоро сылдьан эрэйдэммит ордук;

2 Петр 2:12

оттон итилэр буоллаҕына бэйэлэрэ да өйдөөбөт суолларын үөҕэллэр. Кинилэр ситэн ылан өлөрүллэр, айылҕалара тардарынан эрэ сылдьар дьиикэй кыыл курдук имири эстиэхтэрэ.

Иуда 1:10

Балар буоллаҕына оннооҕор тугу билбэттэрин кытары үөҕэллэр; оттон дьиикэй кыыл курдук айылҕалара тардарынан эрэ билэр суоллара кинилэргэ алдьанар-сатарыйар төрүөттэрэ буолбут.