1 Петр 2:11 - Сибэтиэй Биибилийэ кинигэлэрэ

¹¹ Таптыыр бырааттарыам! Бу дойдуга эһиги кэлии дьон, ааһан иһэр айанньыт эрэ буоларгыт быһыытынан, көрдөһөбүн: дууһаҕытыгар утары турар эт-хаан кыдьыктарыттан тэйэ туттуҥ,

1 Петр 2:11 ပူးပေါင်းရင်းမြစ်များ

Саалтыр 39:12

Айыы Тойон, хаһан да аҕыраабатын Эн миэхэ амарах сыһыаныҥ; миигин куруутун араҥаччылаатын Эн бигэ тапталыҥ, Эн кырдьыгыҥ.

Лука 21:34

Сүрэххит көртөн-нартан, арыгыттан, олох түбүгүттэн бэрдийбэтин, ити эппит Күнүм күүппэтэх кэмҥитигэр соһуччу тиийэн кэлбэтин туһугар, эһиги бэйэҕитин көрүнэ сылдьыҥ:

Апостоллар 15:20

Биһиги кинилэргэ сурукта суруйуоҕуҥ. Моисей Сокуона былыр-былыргыттан хас куорат аайы үөрэтиллэрин, субуота ахсын синагогаларга ааҕылларын быһыытынан, эһиги эмэгэт таҥараларга сиэртибэлэнэн киртийбит астан, содур быһыыттан, муомахтанан өлбүт кыыл-сүөл этиттэн, хаантан туттунуҥ, тугу бэйэҕитигэр баҕарбаккытын атыттарга оҥорумаҥ диэҕиҥ».

Апостоллар 15:29

эмэгэттэргэ сиэртибэлэммит астан, хаантан, муомахтаммыт сүөһү этиттэн туттунуҥ, содурдук быһыыланымаҥ, бэйэҕитигэр баҕарбаккытын атыттарга оҥорумаҥ. Маны тутуһар буоллаххытына, бэрт сөпкө гынаҕыт. Этэҥҥэ буолуҥ».

Рим христианнарыгар 12:1

Онон, бырааттарым, Таҥара амарах санаатын туһугар эһигиттэн көрдөһөбүн: бэйэҕитин бүүс-бүтүннүү Киниэхэ сөбүлэтэр тыыннаах сибэтиэй сиэртибэ быһыытынан Таҥараҕа бэриниҥ – ол буолуо эһиги Киниэхэ дьиҥ духуобунай сулууспаҕыт.

Рим христианнарыгар 7:23

эрээри, эппэр-хааммар адьас туора сокуон дьайа сылдьар: ол сокуон өйүм-санаам биһириир Сокуонун кытта утарсан, миигин эппэр-хааммар иҥэ сылдьар аньыы сокуонун хаайыылааҕа гынар.

Рим христианнарыгар 8:13

сатарыйбыт айылҕаҕыт баҕатын батыһан олордоххутуна, эһиги өлүөххүт, оттон айылҕаҕыт аньыылаах дьайыыларын Тыын көмөтүнэн өһөрдөххүтүнэ, олоххо тиксиэххит.

2 Коринф христианнарыгар 5:20

Онон биһиги Христос аатыттан толору боломуочуйалаах илдьиттэр буолабыт, биһиги уоспутунан Таҥара Бэйэтэ бар дьону ылыннарыылаахтык ыҥырар; ол иһин биһиги «Таҥараны кытары эйэлэһиҥ» диэн Христос аатынан көрдөһөбүт.

2 Коринф христианнарыгар 6:1

Биһиги, Таҥара үлэтин толорсор дьон, Киниттэн бэлэх ылбыт илгэлээх үтүөҕүтүн халтайга хаалларымаҥ диэн, эһигиттэн көрдөһөбүт.

2 Коринф христианнарыгар 7:1

Онон, таптыыр бырааттарым, биһиги, маннык эрэннэриини истибит дьон, эппитин-сииммитин, дууһабытын киртитэр бары куһаҕантан ыраастанан, Таҥараттан толлон тураммыт, сибэтиэй олохтонуоҕуҥ.

Галатия христианнарыгар 5:24

Христос үөрэнээччилэрэ эттэрин-хааннарын имэҥнэри-дьалыҥнары барытын кириэскэ тиирбиттэрэ.

Эфес христианнарыгар 2:19

Эһиги аны кэлии туора дьон буолбатаххыт, сибэтиэйдэр биир дойдулаахтара, Таҥара дьиэ кэргэнэ буолаҕыт;

Эфес христианнарыгар 4:1

Онон мин Айыы Тойон туһугар хаайыллан олороммун, эһигиттэн көрдөһөбүн: Таҥара ыҥырыытыгар толору эппиэттиир дьоһун олоҕунан олоруҥ,

2 Тимофейга 2:22

Эдэр саас имэҥиттэн куот; ыраас сүрэхтэн Таҥараны ыҥырааччылары барыларын кытта бииргэ кырдьыгы, итэҕэли, тапталы, эйэни-или тутуһарга дьулус.

Еврейдэргэ 11:13

Кинилэр бука бары итэҕэллэрин энчирэппэккэ өлбүттэрэ; төһө да эрэннэриллибити ылбатахтарын иһин, ону ыраахтан эҕэрдэлии көрөллөрө итиэннэ бэйэлэрин бу сиргэ ааһан иһэр айанньыттарбыт, кэлии дьоммут дэнэллэрэ.

Еврейдэргэ 6:9

Ол эрээри, таптыыр бырааттарым, төһө да маннык эттэрбит, эһигини быдан ордук туруктаахтар, быыһанар суолу тутуһаллар диэн эрэнэ саныыбыт.

Иаков 4:1

Эһиги өстөһүүгүт, иирсээҥҥит барыта хантан күөдьүйэн тахсарый? Эккитигэр-хааҥҥытыгар охсуһар кыдьыктаргытыттан буолбатах дуо?

1 Петр 1:1

Атын дойдуларга кый бырах тарҕанан, Понт, Галатия, Каппадокия, Асия уонна Вифиния сирдэригэр олорооччуларга, Аҕа Таҥара эрдэттэн анаабытынан, Тыын сибэтии гыныытынан, Иисус Христоһу истэргэ уонна Кини Хаанынан ыраастанарга талыллыбыттарга бука барыларыгар – Иисус Христос Апостола Петртан. Эһиэхэ бары илгэлээх үтүөнү кытта эйэ-ил үүнэ-үксүү туруохтун!

1 Петр 1:17

Өскөтүн эһиги хас биирдии киһини, кимиттэн-тугуттан тутулуга суох, тугу оҥорбутунан көрөн дьүүллүүр Судьуйаны Аҕабыт диир буоллаххытына, бу сирдээҕи олоххут кэмин Киниттэн толлон-торуттан туран атаарыҥ.

1 Петр 4:12

Таптыыр бырааттарым! Эһигини уотунан тургутар быһыыга-майгыга түбэстэххитинэ, дьиктиргээмэҥ, атаарҕыы санаамаҥ,

2 Петр 3:1

Таптыыр бырааттарыам! Бу хайыы-үйэ иккис сурукпун эһиэхэ суруйабын. Суруктарбар хайатыгар да эһиги өйгүтүгэр ыраас санааны уһугуннаран, сибэтиэй пророктар урут өтө көрөн эппиттэрин итиэннэ эһиэхэ бэйэҕит Апостолларгыт тиэрдибиттэрин – Быыһааччы Айыы Тойон кэриэһин – өйдүү сылдьаргыт туһугар, санаттым.