1 Петр 1:25 - Сибэтиэй Биибилийэ кинигэлэрэ

²⁵ оттон Айыы Тойон тыла үйэлэр тухары өлбөт-сүппэт». Бу эһиэхэ иһитиннэриллибит Евангелие туһунан этиллэр.

1 Петр 1:25 ပူးပေါင်းရင်းမြစ်များ

Саалтыр 102:12

Илин арҕааттан ырааҕын саҕа ыраатыннарда Кини биһигиттэн бары аньыыбытын-буруйбутун.

Матфей 5:18

Кырдьыгы этэбин эһиэхэ: сир-халлаан турарын тухары, Сокуон биир да кыракый буукубата, биир да кэрдииһэ халбаҥныа суоҕа – барыта туолуоҕа.

Лука 16:17

Ол эрээри Сокуон биир да сурааһына сүтүөн кэриэтэ, сир-халлаан дөбөҥнүк сүтүөҕэ.

Иоанн 1:1

Аан бастаан Тыл баара, Тыл Таҥараҕа баара, Тыл Таҥара этэ.

Иоанн 1:14

Тыл Киһи буолан Киниэхэ толору баар илгэлээх үтүөнэн, кырдьыгынан сыдьаайан, биһигини кытта олорбута, онон биһиги Кини кэрэмэн килбиэнин, Аҕа Төрөппүт соҕотох Уолун килбиэнин, көрбүппүт.

1 Коринф христианнарыгар 2:2

Эһиэхэ сылдьар кэммэр мин Иисуһу – кириэскэ тиириллибит Христоһу – эрэ билэргэ, онтон атыны барытын таһыччы умнарга быһаарыммытым.

Эфес христианнарыгар 2:17

Кини кэлэн эһиэхэ, ыраах да сылдьааччыларга, чугас да баардарга эйэ туһунан иһитиннэрбитэ,

Эфес христианнарыгар 3:8

Бу илгэлээх үтүө бэлэх, сибэтиэйдэртэн саамай кыраларыгар, миэхэ, Христос хайдахтаах курдук баайын атын норуоттарга иһитиннэрэрим,

1 Петр 1:12

Урут кинилэр тугу өтө көрөн эппиттэрэ (ону билигин – Евангелиены иһитиннэрэр дьонунан – халлаантан ыытыллыбыт Сибэтиэй Тыын эһиэхэ биллэрбитэ) – ол барыта бэйэлэрин эрэ тустарыгар буолбакка, эһиги тускутугар буоларын Таҥара кинилэргэ арыйбыта. Бу кистэлэҥи бэл халлааҥҥа баар Аанньаллар кытта өҥөйөн көрүөхтэрин баҕараллар.

1 Петр 1:23

Эһиги өлөр-сүтэр сиэмэттэн буолбакка, өлбөт-сүппэт сиэмэттэн – Таҥара үйэлэр тухары тыыннаах тылыттан хат төрөөбүккүт.

1 Петр 2:2

быыһанар курдук үүнэн тахсар туһугар, саҥа төрөөбүт кыһыл оҕолуу, Таҥара тылын ыраас үүтүн иһэргэ дьулуһуҥ.

2 Петр 1:19

Онон пророктар тыллара чахчылааҕын биһиги бигэтик билбиппит. Күн улам сырдаан, сүрэххитигэр сарсыардааҥҥы сулус сыдьаайыар диэри, эһиги бу тылга, хараҥа сиргэ сырдатар сибэтиилинньиккэ курдук, олус сөпкө тардыһаҕыт.

1 Иоанн 1:1

Биһиги эһиэхэ аан бастааҥҥыттан Баары: Кими истибиппитин, илэ харахпытынан көрбүппүтүн, анаарбыппытын, илиибитинэн таарыйбыппытын – Олох Тылын иһитиннэрэбит.

1 Иоанн 1:3

Эһиги биһигинниин бодоруһаргыт туһугар, биһиги тугу көрбүппүтүн-истибиппитин эһиэхэ иһитиннэрэбит, оттон биһиги Аҕалыын уонна Кини Уола Иисус Христостуун бодоруһабыт.

Арыллыы 14:6

Онтон халлаан үөһүнэн атын Аанньал сир үрдүгэр олорооччуларга – хас биирдии омукка, биис ууска, тылга, норуокка – үйэттэн үйэлэр тухары өлбөөдүйбэт Евангелиены илдьэ көтөн иһэрин көрбүтүм.