1 Петр 1:18 - Сибэтиэй Биибилийэ кинигэлэрэ

¹⁸ Билэргит курдук, эһиги өбүгэлэргититтэн утумнаабыт сүпсүктээх олоххутуттан алдьанар-кэбириир үрүҥ да, кыһыл да көмүскэ атыылаһыллыбыт буолбатаххыт,

1 Петр 1:18 ပူးပေါင်းရင်းမြစ်များ

Саалтыр 39:6

Элбэх да дьиктини, Айыы Тойон Таҥарам, Эн оҥороҕун, элбэҕи да, биһиэхэ анаан, торумнуугун! Ким Эйиэхэ тэҥнэһиэҕэй! Төһө да ону иһитиннэрэ, кэпсии сатаабытым иһин, киһи барытын ситэн ааҕар кыаҕа суох.

Саалтыр 62:10

Оттон мин тыыммар туруммуттар сир түгэҕэр түһүөхтэрэ,

Марк 8:37

Киһи бэйэтин олоҕун тугунан толуйан ылыай?

Рим христианнарыгар 1:21

Ол гынан баран кинилэр Таҥара туһунан билэн да баран, Таҥараҕын диэн айхаллаабатахтара, махтамматахтара, хата ол оннугар өйдөрө-санаалара сүпсүккэ ылларан, ньүдьү-балай сүрэхтэрэ эбии ыаһырбыта;

1 Коринф христианнарыгар 3:20

Өссө маннык баар: «Муударай өйдөөхтөр өйдөөҕүмсүйэллэрэ туох да көдьүүһэ суоҕун Айыы Тойон билэр».

1 Коринф христианнарыгар 6:20

Эһиги ыарахан сыанаҕа атыылаһыллыбыккыт, онон эккитин-сииҥҥитин, дууһаҕытын – бүтүн бэйэҕитин Таҥара бас билэрин быһыытынан, эккитинэн да, дууһаҕытынан да Таҥараны албан аатырдар гына олоруҥ.

1 Коринф христианнарыгар 7:23

Таҥара эһигини ыарахан сыанаҕа атыыласпыта, онон дьон кулута буолумаҥ.

Эфес христианнарыгар 4:17

Онон мин эһиэхэ Айыы Тойон аатыттан өйдөтөн этэбин: мантан инньэ аны сүпсүктээх санаалаах атын норуоттар курдук быһыыланымаҥ.

Титкэ 2:14

Христос биһигини хара дьайга кулуттааһынтан толуйан ылаары, үтүөнү оҥорорго ис дууһатыттан дьулуһар ураты норуот гына Бэйэтигэр ыраастаан ылаары, олоҕун толук уурбута.

Еврейдэргэ 9:12

Кини оҕус да, козел да хаанын буолбатах, Бэйэтин Хаанын илдьэ, Сибэтиэйтэн Сибэтиэйгэ биирдэ бүтэһиктээхтик киирэн, биһигини үйэ-саас тухары толуйан ылбыта.

1 Петр 1:7

Уотунан ыраастаннар даҕаны, син биир кэбириир-алдьанар хайа да кыһыл көмүстээҕэр эһиги тургутууну ааспыт итэҕэлгит ордук күндү буолан тахсыахтаах. Оччоҕо эһиги Иисус Христос кэлэр Күнүгэр Кини хайҕалын ылыаххыт, үрдүк чиэскэ, албан аакка тиксиэххит.

1 Петр 4:3

Урут, олоххут ааспыт кэмигэр, Таҥараны билбэт омуктар курдук кирдээх олоххо, араас дьаллыкка, арыгыга ылларан – искит уйарынан аһаан-сиэн, эмэгэттэргэ сүгүрүйэн түктэри быһыылана сылдьыбыккыт да сөп буолуо.

1 Иоанн 3:5

Кини биһиги буруйбутун-аньыыбытын киэр илдьээри кэлбитин, Бэйэтэ туох да аньыыта суоҕун билэҕит.