1 Иоанн 5:7 - Сибэтиэй Биибилийэ кинигэлэрэ

⁷ Халлааҥҥа үс туоһу баар: Аҕа, Тыл, Сибэтиэй Тыын. Бу Үс биир сомоҕолор.

1 Иоанн 5:7 ပူးပေါင်းရင်းမြစ်များ

Саалтыр 33:6

Хараххытын Киниттэн араарбакка, сырдыы-сыдьаайа сылдьыҥ, оччоҕо эһиги сирэйгит хаһан да кытарыа суоҕа.

Матфей 17:5

Маны этэн бүтэ илигинэ, эмискэ сандаархай былыт кэлэн кинилэргэ сыдьаайбыта, былыт быыһыттан саҥа дуораһыйбыта: «Бу баар – Мин үтүө көҥүлбүн толорор Тапталлаах Уолум; Кинини истиҥ!»

Матфей 18:16

оттон тылгын истибэтэҕинэ, киниэхэ бэйэҕин кытта биир, эбэтэр икки киһини илдьэ тиий, тоҕо диэтэххэ, „ханнык баҕарар дьыала икки, эбэтэр үс туоһулаах буолуохтаах“;

Матфей 28:19

Онон бараҥҥыт, бары норуоттары Мин үөрэнээччилэрим буолалларыгар уһуйуҥ. Кинилэри Аҕа, Уол, Сибэтиэй Тыын аатыгар сүрэхтээҥ уонна

Иоанн 1:1

Аан бастаан Тыл баара, Тыл Таҥараҕа баара, Тыл Таҥара этэ.

Иоанн 10:30

Аҕам биһикки – биирбит».

Иоанн 12:28

Аҕаа! Бэйэҥ ааккын албан аатырт». Маны эппитигэр халлаантан: «Албан аатыртым, өссө даҕаны албан аатырдыам!» – диир саҥа иһиллибитэ.

Иоанн 14:17

Аҕам эһиэхэ Кырдьык Тыынын – бу дойду көрбөт да, билбэт да буолан, ылынар кыаҕа суох Тыынын – ыытыа; оттон эһиги Кинини билэҕит – Кини эһигини кытта баар, Кини эһиги искитигэр буолуоҕа.

Иоанн 15:26

Аҕабыттан ыытар Уоскутааччым, Аҕабыттан кэлэр Кырдьык Тыына, эһиэхэ кэллэҕинэ, Мин туспунан туоһулуоҕа.

Иоанн 5:26

Аҕа, Бэйэтэ олох төрдө буоларыныы, Уолун эмиэ олох төрдө гыммыта,

Иоанн 8:18

Бэйэм туспунан Мин Бэйэм туоһулуубун, итиэннэ Миигин ыыппыт Аҕам эмиэ Мин туспунан туоһулуур».

Иоанн 8:54

Иисус эппитэ: «Мин Бэйэбин Бэйэм албан аатырдынарым эбитэ буоллар, ол кураанах албан аат буолуо этэ; ол гынан баран Миигин Аҕам албан аатырдар, оттон эһиги Кинини „биһиги Таҥарабыт“ диэн ааттыыгыт.

Апостоллар 2:33

Кини үөһэ, Таҥара уҥа өттүгэр, ылыллан, Аҕата эрэннэрбитин – Сибэтиэй Тыыны – биһиэхэ ылан ыытта. Ону эһиги бу билигин көрдүгүт-иһиттигит.

Апостоллар 5:32

Маныаха биһиги да, Таҥара Киниэхэ бас бэринээччилэргэ биэрбит Сибэтиэй Тыына да туоһу буолабыт».

1 Иоанн 1:1

Биһиги эһиэхэ аан бастааҥҥыттан Баары: Кими истибиппитин, илэ харахпытынан көрбүппүтүн, анаарбыппытын, илиибитинэн таарыйбыппытын – Олох Тылын иһитиннэрэбит.

1 Иоанн 5:6

Бу Кини буолар: уунан, хаанынан уонна Тыынынан, уунан эрэ буолбакка, хаанынан эмиэ кэлбит Иисус Христос. Тыын эмиэ Кини туһунан туоһулуур, тоҕо диэтэххэ, Тыын – кырдьык.

1 Иоанн 5:8

Сиргэ эмиэ үс туоһу баар: тыын, уу уонна хаан, бу үс бары биири этэллэр.

Арыллыы 19:13

Таҥна сылдьар таҥаһа хаан буолбут. Кини аата – «Таҥара Тыла».