1 Иоанн 4:7 - Сибэтиэй Биибилийэ кинигэлэрэ

⁷ Таптыыр бырааттарым! Бэйэ-бэйэбитин таптыаҕыҥ. Таптал Таҥараттан кэлэр, онон таптыыр киһи барыта Таҥараттан төрөөбүт буолан, Кинини билэр.

1 Иоанн 4:7 ပူးပေါင်းရင်းမြစ်များ

Иоанн 13:34

Мин саҥа кэриэһи эһиэхэ биэрэбин: бэйэ-бэйэҕитин таптааҥ. Мин эһигини хайдах таптаабыппыный да, эһиги эмиэ ол курдук, бэйэ-бэйэҕитин таптааҥ.

Иоанн 17:3

Эйигин, соҕотох дьиҥнээх Таҥараны, уонна Эн ыыппыт Иисус Христоскун билии – бу баар бараммат олох.

1 Коринф христианнарыгар 8:3

Оттон Таҥараны таптыыр киһини Таҥара билэр.

2 Коринф христианнарыгар 4:6

Тоҕо диэтэххэ, «хараҥаттан сырдык тыктын» диэбит Таҥара, Иисус Христос сирэйигэр сыдьаайбыт Бэйэтин килбиэнин биллэрэн биһигини сырдатаары, сүрэхпитигэр күндэлэс сырдыгынан сыдьаайбыта.

Галатия христианнарыгар 4:9

Оччоҕо билигин эһиги Таҥараны билэр дьон, ордук чуолкайдык эттэххэ, Таҥара билэр дьоно, эмиэ туох туһуттан айылҕа мөлтөх, туох да көдьүүһэ суох күүстэригэр төннөөрү, кинилэргэ хат хабалаҕа киирээри гынаҕыт?

Галатия христианнарыгар 5:22

Оттон Тыын биһиги сүрэхпитигэр тапталы, үөрүүнү, эйэни-или, кытаанах тулууру, үтүө санааны, амарах быһыыны, итэҕэли,

2 Тимофейга 1:7

Таҥара биһиэхэ биэрбит Тыына биһигини куттас оҥорбот, күүстээх оҥорор, тапталы, чөлү хараныыны иитэр.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

1 Иоанн 2:10

Быраатын таптыыр киһи сырдыкка сылдьар, онон кини туохтан да иҥнибэт;

1 Иоанн 2:29

Кини кырдьыксытын билэр буоллаххытына, кырдьыгы оҥорор киһи барыта Киниттэн төрөөбүтүн эмиэ билиэхтээххит.

1 Иоанн 2:3

Биһиги Кинини билбиппитин Кини кэриэстэрин тутуһарбытынан билэбит.

1 Иоанн 2:4

«Кинини биллим» дии сылдьан, Кини кэриэстэрин толорбот киһи – сымыйаччы, оннук киһи сүрэҕэр кырдьык диэн суох;

1 Иоанн 2:7

Таптыыр бырааттарым! Мин эһиэхэ саҥа кэриэһи буолбакка, эһиги аан маҥнайгыттан билэр, былыргы кэриэскитин суруйабын. Былыргы кэриэс – эһиги хара маҥнайгыттан истибит тылгыт.

1 Иоанн 3:9

Таҥараттан төрөөбүт киһиэхэ Таҥара сиэмэтэ баар, онон кини аньыыны оҥорбот, Таҥараттан төрөөбүт буолан, аньыыны оҥорор кыаҕа суох.

1 Иоанн 4:11

Таптыыр бырааттарым! Таҥара биһигини ситигирдик таптаабытын кэннэ, биһиги эмиэ бэйэ-бэйэбитин таптыах тустаахпыт.

1 Иоанн 4:12

Таҥараны ким да хаһан да көрбөтөҕө, ол гынан баран, бэйэ-бэйэбитин таптыыр буоллахпытына, биһиги сүрэхпитигэр Таҥара баар, ол аата Кини таптала биһиэхэ дьиҥ чахчы сиппит-хоппут.

1 Иоанн 4:16

Биһиги, Таҥара биһигини таптыырын билэн, Кини тапталын итэҕэйбиппит. Таҥара – таптал, онон таптыыр киһи Таҥараны кытта биир буолар: кини сүрэҕэр Таҥара баар.

1 Иоанн 4:20

«Таҥараны таптыыбын» диир эрээри, быраатын абааһы көрөр киһи – сымыйаччы: хараҕын далыгар сылдьар быраатын таптаабат киһи хайдах хараҕар көстүбэт Таҥараны таптыаҕай?

1 Иоанн 4:8

Таҥара – таптал. Таптаабат киһи Таҥараны билбэт.

1 Иоанн 5:1

Иисус Мессия буоларын итэҕэйэр киһи Таҥараттан төрөөбүт; оттон Төрөппүтү таптыыр киһи Киниттэн Төрөөбүтү эмиэ таптыыр.

2 Иоанн 1:5

Онон, күндү хотун, билигин саҥа кэриэһи буолбакка, хара маҥнайгыттан истибит кэриэспитин тоһоҕолоон туран, бэйэ-бэйэбитин таптыаҕыҥ диэн эһигиттэн көрдөһөбүн.