1 Иоанн 2:6 - Сибэтиэй Биибилийэ кинигэлэрэ

⁶ Кинини кытта биир буоллум диир киһи, Кини олорбутун курдук, олоруохтаах.

1 Иоанн 2:6 ပူးပေါင်းရင်းမြစ်များ

Саалтыр 85:13

Эн миэхэ бигэ тапталыҥ муҥура биллибэт сүдү; мин дууһабын Эн үтүгэн түгэҕиттэн өрүһүйдүҥ.

Матфей 11:29

Мин бурҕалдьыбын ылан кэтиҥ, өһүөмньүтэ суох, көрсүө буоларга Миигиттэн үөрэниҥ: Мин өһүөмньүтэ суохпун, сымнаҕас сүрэхтээхпин, онон эһиги дууһаҕытыгар уоскулаҥы булуоххут.

Иоанн 13:15

Манан, Мин тугу гыммыппыный да – эһиги эмиэ оннук гынаргыт туһугар, эһиэхэ холобур көрдөрдүм.

Иоанн 15:10

Мин Аҕам ыйбытын толороммун Кини тапталыгар олорорум курдук, эһиги эмиэ Мин ыйбыппын толордоххутуна, Мин тапталбар олоруоххут.

1 Коринф христианнарыгар 11:1

Мин Христоһу холобур туттарым курдук, эһиги эмиэ миигин холобур туттуҥ.

Эфес христианнарыгар 5:2

Христос биһигини таптаан, биһиги туспутугар Бэйэтин сайа илгийэр кэрэ бэлэх, Таҥараҕа сөбүлэтэр сиэртибэ быһыытынан биэрбитин курдук, эһиги эмиэ тапталынан салайтаран олоруҥ.

1 Петр 2:21

Таҥара эһигини тулуурдаах буоларга ыҥырбыта, тоҕо диэтэххэ, Христос эмиэ, Кини суолунан барарбыт туһугар биһиэхэ холобур көрдөрөн, биһиги туспутугар эрэйдэммитэ.

1 Иоанн 2:28

Онон, оҕолоор, Кини кэллэҕинэ куттаммат, саакка-суукка киирбэт туһугар, Кинилиин биир буолуҥ.

1 Иоанн 2:4

«Кинини биллим» дии сылдьан, Кини кэриэстэрин толорбот киһи – сымыйаччы, оннук киһи сүрэҕэр кырдьык диэн суох;

1 Иоанн 3:24

Кини кэриэһинэн олорор киһи Кинини кытта биир буолар, кини сүрэҕэр Таҥара баар. Оттон Таҥара биһиги сүрэхпитигэр баарын Кини биһиэхэ биэрбит Тыыныттан билэбит.

1 Иоанн 3:6

Кинилиин биир буолбут киһи аньыыны оҥорбот, оттон аньыыны оҥорор киһи Кинини көрбөтөх да, билбэтэх да.

1 Иоанн 4:17

Таптал биһиги сүрэхпитигэр оннук ситэн-хотон, биһиги бу дойдуга, Кини олорбутун курдук олорор буоламмыт, Дьүүл Күнүн бигэ эрэмньилээх көрсөр кыахтаахпыт.