1 Иоанн 2:17 - Сибэтиэй Биибилийэ кинигэлэрэ

¹⁷ Бу дойду имэҥниин-кыдьыктыын симэлийэ сүтүөҕэ, оттон Таҥара көҥүлүн толорор киһи үйэлэр тухары олоруоҕа.

1 Иоанн 2:17 ပူးပေါင်းရင်းမြစ်များ

Матфей 24:35

Сир-халлаан суола суох симэлийиэҕэ, оттон Мин тылым симэлийиэ суоҕа.

Рим христианнарыгар 12:2

Бу аньыылаах дойду сиэрин-майгытын батыһымаҥ, ол оннугар Таҥара көҥүлүн, Кини тугу үтүө, сөптөөх, эҥкилэ суох үчүгэй диирин билэр туһугар, өйдүүн-санаалыын төрдүттэн уларыйыҥ.

1 Коринф христианнарыгар 7:31

бу аан дойду дьарыгын дьарыктанааччылар дьарыктаммат курдук буолуохтаахтар. Ол тоҕо диэтэххэ, бу билиҥҥи аан дойду өр барыа суоҕа.

Еврейдэргэ 10:36

Таҥара көҥүлүн толорон, эрэннэриллибити ыларга эһигиттэн улахан тулуур эрэйиллэр.

Марк 3:35

Ким Таҥара көҥүлүн толорор, ол Мин быраатым, балтым уонна Ийэм буолар».

1 Фессалоника христианнарыгар 4:3

Таҥара эһиги ыраас буоларгытыгар, содурдук быһыыламмаккытыгар баҕарар.

Иоанн 4:14

Оттон Мин биэрэр уубун иһэр киһи үйэ-саас тухары утатыа суоҕа. Мин биэрэр уум киниэхэ киирэн, бараммат олоххо сүүрүгүрэ устар дьүүктэ уута буолуоҕа».

Саалтыр 143:10

Эйиэхэ, ыраахтааҕыларга кыайыыны бэлэхтээччигэ, кулуккун Давиды кыырыктаах кылыстан быыһааччыга.

Матфей 7:21

Миигин: „Тойонуом! Тойонуом!“ – диэччи эрэ барыта Халлаан Саарыстыбатыгар киирбэт – Мин Халлааннааҕы Аҕам көҥүлүн толорооччу эрэ онно киириэҕэ.

Иаков 4:14

Эһигини бэл сарсын туох күүтэрин билбэккит буолбат дуо? Эһиги олоххут диэн тугуй? Быстах кэмҥэ тахса түһэн баран, уостан хаалар паар буолбатах дуо?

Иоанн 6:58

Бу – Халлаантан түспүт килиэп. Кини эһиги өбүгэлэргит сиэбит маанналарын курдук буолбатах: кинилэр сиэн да баран өлбүттэрэ, оттон бу килиэби сиир киһи үйэлэр тухары олоруоҕа».

Матфей 21:31

Кинилэртэн хайалара аҕатын көҥүлүн толорбутуй?» «Бастакыта», – диэн хоруйдаабыттара. «Кырдьыгы этэбин, – диэбитэ Иисус, – түһээн хомуйааччылар уонна содур дьахталлар эһиги иннигитигэр Таҥара Саарыстыбатыгар киирэн эрэллэр.

1 Фессалоника христианнарыгар 5:18

туохха барытыгар махтана сылдьыҥ: Христос Иисуһу итэҕэйэр олоххутугар Таҥара эһигиттэн оннугу эрэйэр.

Колосс христианнарыгар 4:12

Эһиэннэриттэн Епафрас, Иисус Христос кулута, эһиэхэ эҕэрдэтин ыытар. Эһиги бары өттүнэн ситэн-хотон, Таҥара көҥүлүн хото толорор дьон буолан, сүһүөххүтүгэр бигэтик тураргыт туһугар, кини өрүү туруулаһан туран үҥэр.

Аман өһө 10:25

Күүстээх силлиэ түһүө да, сидьиҥнэри имири сотуоҕа, оттон кырдьыксыт үйэ-саас тухары тулхадыйыа суоҕа.

Колосс христианнарыгар 1:9

Дьэ ол иһин, итини истибит күммүтүттэн ыла, эһиги тускутугар Таҥараҕа үҥэрбитин быспакка, Кини эһиэхэ бары муудараһы, духуобунай өйү-санааны кытта Бэйэтин көҥүлүн толору билэр кыаҕы биэрэригэр көрдөһөбүт.

Иоанн 7:17

Кини көҥүлүн тутуһуон баҕарар киһи бу үөрэх Таҥараттан кэлбитин дуу, эбэтэр Мин Бэйэбиттэн үөрэтэрбин дуу билиэҕэ.

Саалтыр 90:9

Эрэлим Айыы Тойон диэбитиҥ, Үрдүктэн Үрдүгү дурда-хахха туттубутуҥ иһин,

Саалтыр 39:6

Элбэх да дьиктини, Айыы Тойон Таҥарам, Эн оҥороҕун, элбэҕи да, биһиэхэ анаан, торумнуугун! Ким Эйиэхэ тэҥнэһиэҕэй! Төһө да ону иһитиннэрэ, кэпсии сатаабытым иһин, киһи барытын ситэн ааҕар кыаҕа суох.