1 Фессалоника христианнарыгар 5:27 - Сибэтиэй Биибилийэ кинигэлэрэ

²⁷ Бу суругу сибэтиэй бырааттарбытыгар барыларыгар ааҕаргытыгар Айыы Тойон аатынан көрдөһөбүн.

1 Фессалоника христианнарыгар 5:27 ပူးပေါင်းရင်းမြစ်များ

Матфей 26:63

Иисус саҥарбатаҕа. Онуоха архиерей эппитэ: «Тыыннаах Таҥара аатынан Эйигин модьуйабын: биһиэхэ эт – Таҥара Уола Христос Эн дуо?»

Марк 5:7

күөмэйин муҥунан: «Эн миэхэ тугуҥ кыһалҕатай, Иисус, Үрдүк Таҥара Уола? – диэн үөгүлээбитэ. – Таҥара туһугар Эйигиттэн ааттаһабын, миигин муҥнаама!»

Апостоллар 1:15

Биир оннук күн Петр үөрэнээччилэр ортолоругар туран (барыта сүүс сүүрбэччэ киһи мустубута) эппитэ:

Апостоллар 19:13

Бэл сорох устугас иудейдар, тыыннары үтэйээччилэр, куһаҕан тыыннарга буулаппыт дьоҥҥо Айыы Тойон Иисус аатын ааттаан холонон көрөллөрө. Кинилэр: «Эһигини Павел үөрэтэр Иисуһун аатынан үтэйэбит», – дииллэрэ.

Колосс христианнарыгар 4:16

Бу суругу аахтаххытына, Лаодикия сиэркэбигэр эмиэ аахтараарыҥ, оттон Лаодикияттан кэлбити эһиги эмиэ ааҕаарыҥ.

1 Фессалоника христианнарыгар 2:11

Хас биирдиигитин, аҕа оҕолорун такайарыныы өйдөтөммүт, эһигини Бэйэтин Саарыстыбатыгар, килбиэннээх сырдыгар ыҥырбыт Таҥара иннигэр дьоһун олоҕу олороргутугар көрдөһөр этибит. Ону эмиэ билэҕит.

2 Фессалоника христианнарыгар 3:14

Бу суруйбуппутун истибэт киһини болҕомтоҕо ылыҥ уонна, кыбыстарын туһугар, кинини кытта алтыһымаҥ;

1 Тимофейга 1:18

Уолум Тимофей, эн тускунан урут төлкөлөммүтү өйдөөн туран, эйиэхэ кэриэспин этэбин. Итэҕэлгинэн, үтүө суобаскынан сэбилэнэн, ол этиллибитин курдук, хоһууннук туруулас. Сорох-сорохтор суобастарын сүтэрэн итэҕэллэрэ самныбыта;

1 Тимофейга 1:3

Македонияҕа барарбар эйигин Эфескэ хаалаҥҥын, сорох-сорохтортон атыны үөрэтэллэрин тохтотоллорун, үһүйээннэринэн, төрдүлэрин-уустарын кэмэ суох түөһүүнэн дьарыгырбаттарын ирдээ диэн көрдөспүтүм. Итинник дьарык мөккүөргэ эрэ тиэрдэр буолан, Таҥара итэҕэл көмөтүнэн ситиһэр соруга туоларыгар туһалаабат.

1 Тимофейга 5:21

Таҥара иннигэр, Айыы Тойон Иисус Христос уонна талыллыбыт Аанньаллар көрөн турдахтарына, эн кими да чорбоппокко, кимин-тугун көрбөккө бу ыйбыппын-кэрдибиппин тутуһаргар ыҥырабын.

1 Тимофейга 5:7

Онон туох да омсото суох буолалларын туһугар, кинилэргэ итини өйдөтөр буол.

1 Тимофейга 6:13

Барыга барытыгар олоҕу биэрэр Таҥара иннигэр уонна бу итэҕэли Понтий Пилакка үтүө быһыылаахтык туоһулаабыт Христос Иисус иннигэр мин эйиэхэ кэриэс тылбын этэбин:

1 Тимофейга 6:17

Бу үйэҕэ байбыт-тайбыт дьону үрдүктүк сананымаҥ, эрэбилэ суох баайгытынан тумус туттумаҥ, үөрэ-көтө олорорбут туһугар, биһиэхэ барыны барытын өлгөмнүк биэрэр тыыннаах Таҥараҕа эрэниҥ диэн өйдөтө сырыт.

2 Тимофейга 4:1

Таҥара иннигэр итиэннэ, ыраахтааҕылыы кэллэҕинэ, тыыннааҕы да, өлбүтү да барытын дьүүллүөхтээх Айыы Тойон Христос Иисус иннигэр мин эйигиттэн көрдөһөбүн:

Еврейдэргэ 3:1

Онон, Халлааҥҥа бииргэ ыҥырыллыбыт сибэтиэй бырааттарбыт, өйгүтүн-санааҕытын бүтүннүүтүн итэҕэлбит Апостолыгар уонна Архиерейыгар Иисус Христоска туһаайыҥ.