1 Фессалоника христианнарыгар 5:24 - Сибэтиэй Биибилийэ кинигэлэрэ

²⁴ Эһигини Ыҥырааччы эрэбил: Кини итини барытын тиһэҕэр тиэрдиэҕэ.

1 Фессалоника христианнарыгар 5:24 ပူးပေါင်းရင်းမြစ်များ

Саалтыр 100:5

Чугастааҕытын кистээн холуннарааччыны мин суох оҥоруоҕум; улахамсыйа, бэрдимсийэ туттааччыны тулуйа барыам суоҕа.

Саалтыр 138:2

Айыы Тойон, Эн миигин тургутан көрөҥҥүн билэҕин. Эн билэҕин мин турар да, олорор да кэммин, саныыр санаабын ыраахтан өйдүүгүн.

Саалтыр 146:6

Айыы Тойон баттаммыты өрө таһаарар, оттон хара дьайдааҕы сиргэ-буорга быраҕар.

Саалтыр 36:5

Суолгун Айыы Тойоҥҥо туттар, Киниэхэ эрэн, оччоҕо көмөлөһүөҕэ.

Саалтыр 40:10

Бэл эрэммит эйэ-дэмнээх доҕорум, мин килиэппин сиэбит киһи, миигин тэпсээри оҥоһунна.

Саалтыр 89:2

Хайалар төрүөхтэрин инниттэн, Эн сири, аан дойдуну үөскэтиэҥ инниттэн үйэттэн үйэлэргэ Эн – Таҥараҕын.

Саалтыр 92:2

Эн бүрүстүөлүҥ былыр-былыргыттан турар; Эн үйэлэр иннилэриттэн бааргын.

Матфей 24:35

Сир-халлаан суола суох симэлийиэҕэ, оттон Мин тылым симэлийиэ суоҕа.

Иоанн 1:17

Сокуону Таҥара Моисейынан бэрдэрбитэ, оттон тапталы уонна кырдьыгы Иисус Христос аҕалбыта.

Иоанн 3:33

Кини туоһутун ылыммыт киһи Таҥара кырдьыктааҕын бигэргэтэр,

Рим христианнарыгар 8:30

Онон Кини кими анаабытын ыҥырбыта, кими ыҥырбытын буруйтан быыһаабыта, оттон буруйтан быыһаабыт дьонун албан аатырдыбыта.

Рим христианнарыгар 9:24

Кини биһигини, иудейдартан эрэ буолбакка, атын норуоттартан эмиэ ыҥырбыта;

1 Коринф христианнарыгар 1:9

Уолун Иисус Христоһу, биһиги Айыы Тойоммутун кытта ыкса бодоруһарга эһигини ыҥырбыт Таҥара ити курдук эрэбил.

1 Коринф христианнарыгар 10:13

Эһиги көрсүбүт ыарахан быһыыгыт-майгыгыт – киһи тулуйар тургутуута. Таҥара эппит тылын экчи толорор, онон хаһан даҕаны эһигини кыаххыт таһынан тургуттарыа суоҕа; итиэннэ тургутуллар кэмҥитигэр, тулуйаргыт туһугар, эһиэхэ күүс да биэриэҕэ, тахсар суолу да көрдөрүөҕэ.

Галатия христианнарыгар 1:15

Дьэ онтон миигин ийэм иһигэр сылдьыахпыттан талан ылбыт, амарах санаатыттан ыҥырбыт Таҥара Бэйэтин үтүө көҥүлүнэн

2 Фессалоника христианнарыгар 2:14

Ол туһугар Кини, биһиги биллэрэр Евангелиебытын иһитиннэрэн, эһигини Айыы Тойон Иисус Христос килбиэннээх сырдыгар ыҥырбыта.

2 Фессалоника христианнарыгар 3:3

Ол гынан баран Айыы Тойон эрэбил: Кини эһигини бөҕөргөтөн, хара дьайдаахтан көмүскүөҕэ.

2 Тимофейга 1:9

Таҥара биһигини туох эрэ үтүөнү-өҥөнү оҥорбуппут иһин буолбакка, Бэйэтэ эрдэттэн быһаарбыт, ханнык да үйэ үөскүөн инниттэн биһиэхэ Христос Иисуһунан бары илгэлээх үтүөтүн биэрбит буолан быыһаан ылбыта, сибэтиэй олоххо ыҥырбыта.

2 Тимофейга 2:13

биһиги эрэбилэ да суохпут иһин, Кини мэлдьи эрэбил – Бэйэтиттэн аккаастанар кыаҕа суох!»

1 Петр 5:10

Биһигини, Христос Иисуһу итэҕэйбиттэри, үйэлэргэ өлбөөдүйбэт килбиэннээх сырдыгар ыҥырбыт Таҥара – бары илгэлээх үтүөнү Биэрээччи – эһигини, быстах кэмҥэ эрэйдэммиккит кэннэ, Бэйэтинэн эҥкилэ суох гынан бөҕөргөтүөхтүн, күүс-сэниэ киллэрэн халбаҥнаабат оҥоруохтун.

2 Петр 1:3

Биһигини кэрэмэн килбиэнинэн, үтүө быһыытынан ыҥырбыт Таҥараны биллэрэн, Кини дьиҥ итэҕэл олоҕор ирдэнэри барытын Бэйэтин Таҥара күүһүнэн биһиэхэ толору биэрбитэ.

Арыллыы 17:14

Кинилэр Бараан Оҕотун утары охсуһуохтара эрээри, Бараан Оҕото – тойоттор Тойонноро, ыраахтааҕылар Ыраахтааҕылара – кинилэри кыайыаҕа. Таҥара талан ыҥырбыт эрэллээх дьоно Кинини кытта бииргэ сылдьыахтара».