15 Ким да кимиэхэ да куһаҕанынан хардарбатын курдук, өйдөөн сылдьыҥ; бэйэ-бэйэҕитигэр уонна бар дьоҥҥо үтүөнү оҥорорго дьулуһуҥ.
Айыы Тойон Таҥарам, өскөтүн мин чахчы итинник кэбилэммит, итинник мөкүтүк дьүһүлэммит буоллахпына,
Үтүөнү мөкүнэн төлүүр киһи дьиэтиттэн куһаҕан араҕан биэриэ суоҕа.
«Атаҕастаабыттарын иэстэһиллиэ!» – диэмэ; Айыы Тойоҥҥо эрэн, Кини эйигин көмүскүөҕэ.
Өстөөҕүҥ оҕуттаҕына, үөрүмэ, сүһүөҕүн сүтэрдэҕинэ, өрөгөйдөөмө.
«Миэхэ хайдах сыһыаннаспытай да, мин эмиэ киниэхэ оннук сыһыаннаһыам, тугу оҥорбутунан көрөн төлүөм!» – диэмэ.
Өстөөҕүҥ аччык буоллаҕына аһат, утаппыт буоллаҕына утаҕын ханнар;
Оттон Мин эһиэхэ этэбин: өһүөннээх киһиэхэ утарсыма. Ким эмэ эйигин уҥа иэдэскэ оҕустаҕына – киниэхэ атын иэдэскин тоһуйан биэр;
Оттон эһиги өстөөхтөргүтүн таптааҥ, кинилэргэ үтүөнү оҥоруҥ, төттөрү ылыахпыт этэ диэн кэтэспэккэ эрэ иэс биэриҥ, оччоҕо улуу наҕараадаҕа тиксиэххит, Үрдүк Таҥара уолаттара буолуоххут. Ол эбэтэр Кини үтүөҕэ махтамматтарга, өһүөмньүлээхтэргэ да үтүө сыһыаннаах.
Ону көрөн Павел: «Куһаҕаны оҥостума, биһиги бары баарбыт!» – диэн хаһыытыы түспүтэ.
Тапталгыт истиҥ буоллун; куһаҕантан тэйэ туттуҥ, үчүгэйи тутуһуҥ.
Онон эйэ дэмнээх буолуоҕуҥ, итэҕэлбитин бөҕөргөтүһэргэ дьулуһуоҕуҥ.
Туохтан да ордук тапталга талаһыҥ; ол эрээри Тыын атын бэлэхтэригэр эмиэ, ордук пророк дьоҕуругар, дьулуһуҥ.
Тимофей тиийдэҕинэ, киниэхэ ханнык да куттал суоһаабатын курдук көрө-истэ сылдьаарыҥ; кини эмиэ мин курдук Айыы Тойон дьыалатын толоро сылдьар.
Бэйэ-бэйэҕитин үҥсэ-харса сылдьаргыт даҕаны эһиги ааккытын улаханнык түһэрэр. Ити оннугар атаҕастанары тоҕо тулуйбатыгыт? Ити оннугар сүтүктэнэри тоҕо ордорботугут?
Онон бириэмэ өссө баарын тухары, бар дьоҥҥо үтүөнү оҥоро сылдьыаҕыҥ, ордук биир итэҕэллээхтэрбитигэр кыһаллыаҕыҥ.
Онон көрүҥ, сэрэхтээх буолуҥ, толкуйа суох дьон курдук буолбакка, муударай дьон сиэринэн олоруҥ.
Онон эһигиттэн хас биирдии киһи, бэйэтин таптыырыныы, ойоҕун таптыахтаах; оттон дьахтар эриттэн толлуох тустаах.
Тугу барытын тургутан көрүҥ, үтүөнү тутуһуҥ.
Оттон эн, Таҥара киһитэ, итинтэн барытыттан куотаҥҥын, кырдьыктаах, бэриниилээх буоларга, итэҕэйэргэ, таптыырга, тулуйарга, көрсүө майгыланарга дьулус,
Айыы Тойон кулута кими да кытта иирсибэккэ, киһиэхэ барытыгар эйэҕэстик сыһыаннаһыахтаах, үөрэтэр кыахтаах, тулуурдаах буолуохтаах,
кими да куһаҕаннык саҥарбатыннар, этиһиини-иирээни иилээбэтиннэр, чуумпутук сырыттыннар, дьоҥҥо-сэргэҕэ барытыгар өрүү үтүө, сымнаҕас сыһыаннаах буоллуннар.
Дьону барытын кытта эйэ-дэмнээх буоларга, сибэтиэй олохтонорго кыһаллыҥ; сибэтиэй олохтоммокко сылдьан, ким да Айыы Тойону көрүө суоҕа.
Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.
Барыларын ытыктааҥ, бырааттаргытын таптааҥ, Таҥараттан толлуҥ, ыраахтааҕыга ытыктабыллаахтык сыһыаннаһыҥ.
куһаҕаҥҥа куһаҕанынан, үөхсүүгэ үөхсүүнэн хардарымаҥ; төттөрүтүн, алгыһы ыларга ыҥырыллыбыккытын билэ сылдьан, эһигини атаҕастааччылары алҕааҥ.
Таптыыр оҕом, эн куһаҕан холобуру батыһыма, үтүө холобуру батыс. Үтүөнү оҥорор киһи – Таҥара киһитэ, оттон куһаҕаны оҥорор киһи Таҥараны билбэт.
Сүгүрүйээрибин атаҕар бокулуоннуу түспүппэр: «Кэбис, итинник гыныма, – диэбитэ. – Мин эмиэ эйигин да, Иисуһу кэрэһиттиир бырааттаргын да кытта бииргэ сулууспалыыбын. Иисуһу кэрэһиттээһин – Таҥара этэрин дьоҥҥо биллэрии тыына, онон Таҥараҕа сүгүрүй».
«Кэбис, итинник гыныма, – диэбитэ кини. – Мин эйигин, эн пророк бырааттаргын уонна бу кинигэ тылын тутуһаачылары кытта бииргэ Таҥараҕа сулууспалыыбын, Таҥараҕа сүгүрүй!»