1 Фессалоника христианнарыгар 5:14 - Сибэтиэй Биибилийэ кинигэлэрэ

¹⁴ Бырааттарбыт, өссө маннык көрдөһүүлээхпит: най барбыттары сэрэтиҥ, куттаҕастары уоскутуҥ, мөлтөхтөрү өйөөҥ, барыларыгар улуу тулуурдаахтык сыһыаннаһыҥ.

1 Фессалоника христианнарыгар 5:14 ပူးပေါင်းရင်းမြစ်များ

Матфей 12:20

кырдьыгы кыайыыга тиэрдэ илигинэ, эчэйбит оту тосту үктүө суоҕа, симик уоту саба үрүө суоҕа.

Лука 22:32

ол эрээри Мин, эн итэҕэлиҥ энчирээбэтин туһугар, үҥпүтүм. Эн эмиэ кэлин, эргиллэн кэллэххинэ, бырааттаргын бөҕөргөтөөр».

Апостоллар 20:31

Онон сэрэхтээх буолуҥ, үс сыл тухары күннэри-түүннэри утумун быспакка сэрэппиппин, хас биирдиигитин хараҕым уутун тоҕон туран үөрэппиппин умнумаҥ.

Апостоллар 20:35

Тугу да гыммытым иһин, барытыгар маннык үлэлээн-хамсаан кыамматтарга көмөлөһүөхтээхпитин, Айыы Тойон Иисус „ылардааҕар биэрэр ордук алгыстаах“ диэн Бэйэтинэн эппит тылларын умнуо суохтаахпытын холобур буолан көрдөрбүтүм».

Рим христианнарыгар 12:1

Онон, бырааттарым, Таҥара амарах санаатын туһугар эһигиттэн көрдөһөбүн: бэйэҕитин бүүс-бүтүннүү Киниэхэ сөбүлэтэр тыыннаах сибэтиэй сиэртибэ быһыытынан Таҥараҕа бэриниҥ – ол буолуо эһиги Киниэхэ дьиҥ духуобунай сулууспаҕыт.

Рим христианнарыгар 14:1

Итэҕэлэ бөҕөргүү илик киһини кытта, мөккүспэккэ эрэ сыһыаннаһар буолуҥ.

1 Коринф христианнарыгар 4:14

Маны эһигини кыбыһыннараары буолбатах, таптыыр оҕолорбор курдук өйдөтөөрү, суруйабын.

1 Коринф христианнарыгар 8:7

Ол эрээри киһи эрэ барыта маны билэр буолбатах. Сорохтор билиҥҥэ диэри суобастарыгар эмэгэт таҥаралары билинэр буоланнар, кинилэргэ сиэртибэлэммит эти таҥараларга анаммыт сиэртибэ дии санаан сииллэр, инньэ гынан кинилэр ситэ-хото илик суобастара киртийэр.

Галатия христианнарыгар 5:22

Оттон Тыын биһиги сүрэхпитигэр тапталы, үөрүүнү, эйэни-или, кытаанах тулууру, үтүө санааны, амарах быһыыны, итэҕэли,

Эфес христианнарыгар 4:2

сэмэй, көрсүө, тулуурдаах буолуҥ, бэйэ-бэйэҕитин таптааҥ, хардарыта тулуйсуҥ,

Эфес христианнарыгар 4:32

Хардарыта үтүө сыһыаннаах, аһыныгас буолуҥ, Таҥара эһигини Христоһунан бырастыы гыммытын курдук, эһиги эмиэ бэйэ-бэйэҕитин бырастыы гыныҥ.

Колосс христианнарыгар 1:28

Онон ханна да сырыттарбыт, биһиги Христос туһунан иһитиннэрэбит уонна ханнык баҕарар киһини Христос Иисустуун биир буолбут, сиппит-хоппут киһи быһыытынан Таҥара иннигэр туруораары, өйдөтөн-үөрэтэн, бары муудараска уһуйабыт.

2 Фессалоника христианнарыгар 3:15

ол эрээри өстөөххө холоомоҥ, бырааккытын өйдөтөрдүү сэрэтиҥ.

1 Тимофейга 3:3

арыгыһыта суох, илиитин көтөхпөт, бэйэтин кыана туттар, сымнаҕас, дьону-сэргэни кытта иллээх, харчыга ымсыыта суох киһи буолуохтаах.

1 Тимофейга 6:11

Оттон эн, Таҥара киһитэ, итинтэн барытыттан куотаҥҥын, кырдьыктаах, бэриниилээх буоларга, итэҕэйэргэ, таптыырга, тулуйарга, көрсүө майгыланарга дьулус,

2 Тимофейга 4:2

Таҥара тылын иһитиннэрэ сырыт, кэмэ буоллун, кэмэ буолбатын – дьаныардаах буол; итэҕэйээччилэр аньыыларын ыйа-көрдөрө, санааларын көтөҕө сырыт, үөрэтэргэр тулуурдаах буол.

Титкэ 1:10

Бас бэриммэт хадаар майгылаах, хойгур тыллаах-өстөөх, албын-көлдьүн киһи бэрт элбэх. Ордук итэҕэйбит иудейдар ортолоругар.

Титкэ 1:6

пресвитер туох да дьиэгэ-омсото суох, биирдэ эрэ кэргэннэммит киһи буолуохтаах; оҕолоро Таҥараны итэҕэйэр, содур быһыыга-майгыга омнуоламмат, истигэн оҕолор буолуохтаахтар.

Еврейдэргэ 12:12

Онон, доҕотторуом, сэниэтэ эстибит илиигитин өрө көтөҕүҥ, мөлтөөбүт сүһүөххүтүн көннөрүҥ.

Еврейдэргэ 13:3

Хаайыыга сытааччылары, бэйэҕит хаайыыга сытаргыт курдук, өйдүү сылдьыҥ; эрэйи-муҥу көрөөччүлэри, бэйэҕит эрэйдэнэ сылдьаргыт курдук, умнубат буолуҥ.