1 Фессалоника христианнарыгар 4:6 - Сибэтиэй Биибилийэ кинигэлэрэ

⁶ Эһиги, туохха да буоллун, бырааккытын утары сокуону кэһэн ымсыытык быһыыланыа суохтааххыт. Оннук быһыыланыыны барытын Айыы Тойон иэстиир. Бу туһунан биһиги эһиэхэ урут этэн, сэрэтэн турабыт.

1 Фессалоника христианнарыгар 4:6 ပူးပေါင်းရင်းမြစ်များ

Саалтыр 94:1

Кэлиҥ, Айыы Тойоҥҥо ырыата ыллыаҕыҥ; быыһабыллаах очуос хайабытын үөрэ-көтө айхаллыаҕыҥ!

Аман өһө 11:1

Айыы Тойон албын ыйааһыны абааһы көрөр, Кини көнө атыыны-тутууну сөбүлүүр.

Аман өһө 16:11

Сөпкө көрдөрөр ыйааһын – Айыы Тойон ирдэбилэ, мөһөөччүктээх киирэ эмиэ – Кини оҥоһуга.

Аман өһө 20:14

Атыылаһааччы түһэрсэ туран: «Куһаҕан, куһаҕан», – диир эрээри, тэйэ түстэ да, киһиргэммитинэн барар.

Аман өһө 20:23

Сымыйа киирэ – Айыы Тойон хараҕар сидьиҥ суол, сыыһа көрдөрөр ыйааһын – эмиэ түктэри.

Аман өһө 28:24

Ийэлээх аҕатыттан былдьаан ылан баран: «Бу аньыы буолбатах», – диир киһи талабырдьыкка тэҥнээх.

Марк 10:19

„Көссүүлэһимэ, өлөрүмэ, уорума, сымыйанан туоһулаама, албыннаама, ийэлээх-аҕаҕын ытыктаа“ диэн кэриэстэри эн билэҕин».

Лука 12:5

Кимтэн куттаныахтааххытын Мин эһиэхэ этиэм: өлөрөн баран гееннаҕа быраҕар Былаастаахтан эһиги куттанар буолуҥ. Соннук, Киниттэн куттаныҥ диибин эһиэхэ.

Лука 16:28

онно мин биэс бырааттаахпын, кинилэр эмиэ бу сор-муҥ сиригэр кэлбэттэрин туһугар, Лазарь кинилэри сэрэттин“.

Рим христианнарыгар 1:18

Кырдьыгы аньыынан тууйар дьон ханнык баҕарар буруйдарыгар-аньыыларыгар, төттөрү быһыыларыгар халлаантан Таҥара уора-кылына түһэрэ субу кэллэ.

Рим христианнарыгар 12:19

Доҕотторуом, хаһан да куһаҕаны иэстэспэт буолуҥ, иэстэбили Таҥараҕа хаалларыҥ. «„Иэстэбил – Миэнэ, Мин иэстэһиэҕим“, – диир Айыы Тойон» диэн суруллубута.

Рим христианнарыгар 13:4

Салайааччы – эйиэхэ үчүгэй буоларын туһугар Таҥараҕа үлэлиир. Оттон куһаҕаны оҥорор буоллаххына, сэрэн, кини мээнэҕэ болоттоох сылдьыбат: салайааччы, куһаҕаны оҥорооччулары уодьуганнаан, Таҥараҕа сулууспалыыр.

2 Коринф христианнарыгар 7:11

Таҥара туһуттан санаарҕааҥҥыт, көрбөккүт дуо, төһөлөөх кыһалынныгыт-мүһэлиннигит! Төһөлөөх бырастыы гыннаран элэ-была тылгытын эттигит, буруйдаах киһиэхэ кыһыйдыгыт-абардыгыт! Төһөлөөх куттанныгыт, төһөлөөх миигин көрсүөххүтүн баҕардыгыт, айманныгыт, буруйдааҕы накаастыаххытын төһөлөөх күүскэ баҕардыгыт! Инньэ гынан, эһиги бу дьыалаҕа ырааскытын көрдөрдүгүт.

Галатия христианнарыгар 5:21

абааһы көрсүү, өлөрсүү, арыгылааһын, үүнэ-тэһиинэ суох барыы, онтон да атын. Урут сэрэппитим курдук билигин да сэрэтэбин: итинник быһыыланааччылар Таҥара Саарыстыбатыгар тиксибэттэр.

Эфес христианнарыгар 4:17

Онон мин эһиэхэ Айыы Тойон аатыттан өйдөтөн этэбин: мантан инньэ аны сүпсүктээх санаалаах атын норуоттар курдук быһыыланымаҥ.

Эфес христианнарыгар 4:28

Ким урут уорбут, ол аны уорбатын, кыамматтарга бэрсэрдээх буолар туһугар, илиитинэн туһалааҕы оҥорон бары күүһүн ууран үлэлээтин.

Эфес христианнарыгар 5:6

Эһигини ким да көлдьүн тылынан албыннаабатын; бас бэриммэт дьоҥҥо ити инники этиллибит аньыы-хара иһин Таҥара уора-кылына түһэр.

1 Фессалоника христианнарыгар 2:11

Хас биирдиигитин, аҕа оҕолорун такайарыныы өйдөтөммүт, эһигини Бэйэтин Саарыстыбатыгар, килбиэннээх сырдыгар ыҥырбыт Таҥара иннигэр дьоһун олоҕу олороргутугар көрдөһөр этибит. Ону эмиэ билэҕит.

2 Фессалоника христианнарыгар 1:8

Таҥараны билбэттэри уонна Айыы Тойоммут Иисус Христос Евангелиетыгар бас бэриммэттэри суостаах уот ортотугар иэстиирин саҕана, буолуоҕа.

Еврейдэргэ 13:4

Кэргэннии олоххутун бука бары үрдүктүк тутуҥ, ыал дьон, бэйэ-бэйэҕитигэр бэриниилээх буолуҥ; содурдары, көссүүлэһээччилэри Таҥара дьүүллүөҕэ.

Еврейдэргэ 2:6

ким эрэ Суруйууларга бу туһунан дьэҥкэтик этэр: «Киһи диэн кимий? Эн кинини тоҕо өйдүү-саныы сылдьаҕын? Киһи уола диэн кимий? Киниэхэ тоҕо кыһаллар-мүһэллэр буолаҕын?

Иаков 2:6

Эһиги буоллаҕына дьадаҥылары сэнээтигит. Баайдар эһигини атаҕастыыллар, суукка биэрэллэр буолбат дуо?

Иаков 5:4

Бааһынаҕытын көрбүт-харайбыт үлэһиттэргит хамнастарын төлөөбөккөҕүт, ити энэлийэр саҥалара эҥсиллэр, кинилэр энэлгэннэрэ хайыы-үйэ Айыы Тойон Саваоф кулгааҕар тиийдэ!