1 Фессалоника христианнарыгар 2:10 - Сибэтиэй Биибилийэ кинигэлэрэ

¹⁰ Эһиги, итэҕэйээччилэр, иннигитигэр биһиги сибэтиэйдик, кырдьыктаахтык, эҥкилэ суох олорбуппутун бэйэҕит туоһулуугут, Таҥара да туоһулуо.

1 Фессалоника христианнарыгар 2:10 ပူးပေါင်းရင်းမြစ်များ

Лука 23:41

Биһиги сөпкө буруйданныбыт, тугу оҥорбуппутугар сөптөөҕү ыллыбыт, оттон Кини буоллаҕына туох да куһаҕаны оҥорботоҕо».

Апостоллар 20:18

тиийэн кэлбиттэригэр эппитэ: «Мин, Асияҕа үктэниэхпиттэн ыла, манна хайдах олорбуппун эһиги билэҕит.

Апостоллар 20:26

Онон бүгүн кэрэһилиибин: мин суобаһым ыраас, мин эһиэхэ Таҥара көҥүлүн тугу да энчирэппэккэ биллэрдим, онон хайаҕыт да хааныгар буруйум суох.

Апостоллар 24:16

Мин эмиэ кинилэр курдук, суобаһым Таҥара да, дьон да иннигэр өрүүтүн ыраас буоларыгар дьулуһабын.

2 Коринф христианнарыгар 1:12

Биһиги бу дойдуга, чуолаан эһиги ортоҕутугар Таҥараҕа сөбүлэтэр курдук аһаҕастык, истиҥник – сирдээҕи муудараска буолбакка, Таҥара илгэлээх үтүө санаатыгар салайтаран олорбуппутун суобаспыт туоһулуурунан киэн туттабыт.

2 Коринф христианнарыгар 11:11

Тоҕо мин инньэ гынабыный? Эһигини таптаабаппыттан буолуо дуо? Суох, таптыырбын Таҥара билэр. Таҥара үлэтин үкчү биһиги курдук оҥороллорунан хайҕанаары сылтах көрдөөччүлэргэ оннук сылтаҕы мин биэриэм суоҕа. Инникитин да бу суолбун тутуһан иһиэҕим.

2 Коринф христианнарыгар 11:31

Айыы Тойоммут Иисус Христос үйэлэр тухары алгыстаах Аҕата – Таҥара – мин сымыйалаабаппын билэр.

2 Коринф христианнарыгар 4:2

ол оннугар кистэлэҥ сааттаах дьайыылары ууратан, ханнык да албыннааһына, Таҥара тылын токурутуута суох, кырдьыгы аһаҕастык биллэрэн, Таҥара иннигэр бэйэбитин хайа баҕарар киһи суобаһын дьүүлүгэр биэрэбит.

2 Коринф христианнарыгар 5:11

Ол иһин, Айыы Тойонтон толлуу диэн тугун билэр буоламмыт, биһиги бар дьону итэҕэтэ-ааттыы сатыыбыт, оттон бэйэбит киммитин-туохпутун Таҥара көрөн турар. Эһиги да суобаскыт биһигини көрөр диэн мин эрэнэ саныыбын.

2 Коринф христианнарыгар 7:2

Доҕотторуом, биһигиттэн сүрэххитин хатанымаҥ. Биһиги кимиэхэ да куһаҕаны оҥорботохпут, кими да куорҕаллаабатахпыт, кимтэн да барыһыра-туһана сатаабатахпыт.

1 Фессалоника христианнарыгар 2:5

Биһиги хаһан да эһигиттэн тылбытынан албыннаһа, тугу эмэ туһана сатаабатахпытын билэҕит. Таҥара туоһу буолуо.

2 Фессалоника христианнарыгар 3:7

Биһиги холобурбутун хайдах батыһыахтааххытын билэҕит. Эһиэхэ эрдэхпитинэ, биһиги хаһан да иллэҥ сылдьыбатахпыт,

1 Тимофейга 4:12

Эйигин ким да эдэргин диэн сэнээбэтин: итэҕэйээччилэргэ тылгынан-өскүнэн, олоххунан, тапталгынан, ис тыыҥҥынан, итэҕэлгинэн уонна ырааскынан холобур буол.

2 Тимофейга 3:10

Оттон эн туохха барытыгар – үөрэххэ, олоххо, сыалга-сорукка буоллун, итэҕэлгэ, уйугас буолууга, тапталга, тулуурга буоллун – мин суолбунан барбытыҥ;

1 Петр 5:3

Эһиги харалтаҕытыгар бэриллибит үөргэ тойорҕообокко, бэйэҕитинэн туохха барытыгар холобур буолуҥ.