Yowane 8:6 - Yaubada wasana: Buka Hauhauna tupwana

⁶ Teina henamai ta se tole meta iya kabalaukitana, na saha ye hedede kalidiwai unai kabo iya se hegilu. Na Yesu ye dunedobi na nima gigina unai bwatano wa unai ye hetubu ye kulikuli.

Youbada wasana: Buka Houhauna tupwana

⁶ Teina henamai ta se tole meta iya kabalaukitana, na saha ye hedede kalidiwai unai kabo iya se hegilu. Na Yesu ye dunedobi na nimagigina unai bwatano wa unai ye hetubu ye kulikuli.

Yowane 8:6 ပူးပေါင်းရင်းမြစ်များ

Mataiyo 10:16

Ya hetamaligomiu ta kami kao doha mamoe se lulau kedewa kaikaikalasidiyao udiyedi. Unai bena kwa sonoga doha mwata, yo tabu yababa hesau kalimiuyena, doha bunebune.

Mataiyo 15:23

Na Yesu nige saha hesau ye hedede waihiu wa unai. Kabo yona hekahekatao se wane, “Waihiu ta ku hetamali ye tausuwala, matawuwuna ede ye dahikwatakwatakalili.”

Mataiyo 16:1

Paliseya yo Sadusiya tamowaidiyao hekadi se laoma Yesu unai bena se lautonogi. Na se kaibwadai taba bena galewa hekihekinoina hesau ye ginauli se kita.

Mataiyo 19:3

Na Paliseya tamowaidiyao hekadi se laoma bena Yesu se lautonogi, na se henamaiyei se wane, “Gonowana taba tamowai hesau mwanena nuwatu saha hesau debanaena ye inawasei, o ye inawasegaibuimoei?”

Mataiyo 22:18

Na yodi nuwatu yababana wa Yesu kabina ye katako ede ye hededelau udiyedi ye wane, “Komiu taukailupolupo tamowaidiyao. Idohagi to kwa kaipate bena kwa lupohaigau?

Mataiyo 22:35

na luwadi ne unai hesau meta iya laugagayo kabina taukatakalili na ye henuwa bena henamai hesau unai Yesu ye lupoi.

Mataiyo 26:63

Na Yesu nige saha hesau ye hedede, ede taukaitalasam saesaena wa ye hededelau Yesu unai ye wane, “Ya hededelaowa kalimyena, Yaubada maumaulina hesanaena ku kaigwala na ku hededelaoma kalimaiyena: Kowa Keliso, Yaubada Natuna, o nige?”

Maleko 10:2

Huyana ne unai kabo Paliseya tamowaidi hekadi se laoma iya unai bena se laukita ede se henamaiyei se wane, “Taba tamowai hesau mwanena ye inawasei, meta ye dudulai?”

Maleko 12:15

Kabo ka tole o tabu ka toletole?” Yodi kailupolupo Yesu ye kita na ye wane, “Idohagi to bena kwa lautonogigau? Hage, denali hesau kwa leyama ya kita.”

Maleko 3:2

Paliseya tamowaidiyao hekadi Yesu kana mata se wasenei, unai iya se kitasipwanamwanamwaei, kabo Sabati unai tamowai ne ye henamwanamwa e nige. Ena ye henamwanamwa, kabo unai se hegilu.

Maleko 8:11

Na Paliseya tamowaidi se laoma na se hetubu Yesu maiyadi se haikawayagala. Se henuwa bena Yesu se laukita, unai galewa hekihekinoina se kaibwadai kalinawai.

Yowane 8:2

Na malatomtom gagilina hesauna unai ye uyo numa tabuna bakubakuna wa unai. Temenai tamowai gwaudi se tupagogoima iya unai, ede ye tuli na ye hekatadi.