Yowane 4:31 - Yaubada wasana: Buka Hauhauna tupwana

³¹ Waihiu wa ye lauko, na kabo yona hekahekatao wa se hededelau unai se wane, “Taulauhekata, taba kai hesau ku kai.”

Youbada wasana: Buka Houhauna tupwana

³¹ Waihiu wa ye lauko, na kabo Yesu yona hekahekatao wa se hededelau unai se wane, “Labi, taba kai hesau ku kai.”

Yowane 4:31 ပူးပေါင်းရင်းမြစ်များ

Mataiyo 23:7

Na ena se lau kabalokulokune magaidiyao udiyedi se henuwa bena tamowai se laoma ma hekasisidi se lautokiyeidi na se kawayauwedo yo se kawatanuwaga udiyedi.

Mataiyo 23:8

Na komiu tabu se kawatanuwaga kalimiuyena, matawuwuna kami tanuwaga kesega ede yau, na komiu meta doha boga kesega.

Mataiyo 26:25

Ede Yudasi iya kabo Yesu kana ye walohai wa ye wane, “Taulauhekata, ku nuwatui meta yau, e nige?” Na Yesu ye hededelau unai ye wane, “Kowa ku bom ku hededeꞌuyoigo.”

Mataiyo 26:49

Yudasi ye laududulai ye lau Yesu unai na ye wane, “Taulauhekata, yauwedo!” na kabo ye sumtai.

Maleko 11:21

Saha ye tubu wa Petelo nuwana ne unai ye sae ede ye hededelau Yesu unai ye wane, “Tanuwaga, ku kitalau! Lahi kaiwa wa ku kawagulaiyei wa ye pogi.”

Maleko 14:45

Yudasi kabo ye dudulai ye lau Yesu unai na ye wane, “Tanuwaga!”, na ye simtai.

Maleko 9:5

Kabo Petelo ye hededelau Yesu unai ye wane, “Tanuwaga, ye namwakalili to kai inai. Unai taba gwau haiyona ka kabidi, hesau kowa yom, hesau Mose yona, yo hesau Eliya yona.”

Yowane 1:38

Na Yesu ye kaikewabui ye kitadi se hemuhemuliwatani, ede ye henamaiyedi ye wane, “Saha kwa henuwa?” Se hededelau unai se wane, “Labi” (kalina Hebelu unai kaniyona ede Taulauhekata), “haedi ku miyamiya?”

Yowane 1:49

Ede Natanaela ye hededelau unai ye wane, “Taulauhekata, kowa Yaubada natuna, Isalaela yoma wasawasa.”

Yowane 11:8

Yona hekahekatao wa se wane, “Taulauhekata, lahinaidi Dius tauwoyaidi bena se lauwekuigo. Idohagi na bena ta uyo temenai?”

Yowane 3:2

Boniyai hesau unai ye lau Yesu kalinawai na ye wane, “Taulauhekata, kabim ka kata meta kowa taulauhekata Yaubada unai ku laoma. Laulau gigigigibwalidi ku ginaulidi wa nige tamowai hesau gonowana ye ginaulidi. Teina unai ye hemasalaha meta Yaubada iya maiyam.”

Yowane 3:26

Ede se laoma Yowane unai na se wane, “Taulauhekata, tamowai wa maiyam Yolidani hali tanakawasina unai na ku hededehemasalahaꞌusei wa meta hinage ye hebahebabatiso, na tamowai maudoidi se laulau iya kalinawai.”

Yowane 4:30

Na kabo tamowai gwaudi magailaki wa unai se laoma na se lau Yesu hesabana.

Yowane 4:32

Na ye hededelau udiyedi ye wane, “Yau kagu kai meta komiu nige kabina kwa kata.”

Yowane 6:25

Na Gabwa hali tanakawasina wa unai se lobai ede se henamaiyei se wane, “Taulauhekata, kauyana ku laoma?”

Yowane 9:2

Yona hekahekatao Yesu se henamaiyei se wane, “Tanuwaga, kaiteya yona baꞌaya debanawai na tamowai ta matana se gibu? Iya o tamana yo sinana yodi baꞌaya debadiwai?”