Yowane 3:32 - Yaubada wasana: Buka Hauhauna tupwana

³² Saha ye kitadi yo ye lapuidi wa ye hededehemasalahadi. Na iyamo nige hesau ye lapulau yona hedehedede wa udiyedi.

Youbada wasana: Buka Houhauna tupwana

³² Saha ye kitadi yo ye lapuidi wa ye hededehemasalahadi. Na iyamo nige hesau ye lapulau yona hedehedede wa udiyedi.

Yowane 3:32 ပူးပေါင်းရင်းမြစ်များ

Mataiyo 7:8

Matawuwuna ede taukaikaibwada saha se kaibwadai wa kabo se hai, yo tauwasewase saha se wasenei wa kabo se lobai, yo keda kabo ye soke kaiteyadi taukoikoi wa udiyedi.

Yowane 1:11

Ye laoma yona tanoubu ye ginauliꞌusei wa unai, na iyamo yona tamowai wa nige se hailobai.

Yowane 15:15

Yau taba nige ya kataꞌuyoigomiu yogu heyayai tauhaidi, matawuwuna ede heyayai tauhaina kana tanuwaga saha ye ginaginaulidi meta nige kabina ye kata. Na ya kataigomiu kehaguwao, matawuwuna ede ginauli maudoidi Tamagu unai ya lapuidi wa meta ya hemasalahadiko kalimiuwai.

Yowane 18:37

Na Pilato ye hededelau iya unai, ye wane, “Unai kowa meta wasawasa!” Yesu ye hededebui ye wane, “Kowa ku hedededudulai meta yau wasawasa. Mamohoikalili se labasigau yo ya dobima tanoubu ta unai bena hedehedede mamohoina ya hemasalaha tamowai udiyedi. Na kaiteyadi hedehedede mamohoina se henuwa, kabo se lapulaoma kaliguwai.”

Yowane 3:11

Ya hededemamohoi kalimwai: Saha kabidi ka kata meta ka hedehededeidi, yo saha ka kitadi meta ka hededehemasalahadi kalimiuwai. Na iyamo yoma hedehedede ta nige kwa haidi.

Yowane 3:26

Ede se laoma Yowane unai na se wane, “Taulauhekata, tamowai wa maiyam Yolidani hali tanakawasina unai na ku hededehemasalahaꞌusei wa meta hinage ye hebahebabatiso, na tamowai maudoidi se laulau iya kalinawai.”

Yowane 3:33

Na kaiteyadi yona hedehedede wa se hai meta se hemamohoiyei ede Yaubada yona hedehedede wa ye mamohoi.

Yowane 5:20

Tamana iya Natuna ye gadosisiyei, unai ginauli maudoidi ye ginaulidi meta ye hekita. Mamohoi, Tamana ginauli saesaekalilidi kabo ye hemasalahadi Natuna unai, na kabo teina saha ye ginaulidi ta. Unai kabo kwa noko.

Yowane 8:26

Yau kaliguwai meta hedehededemiu se bado kabo udiyedi ya hegilugomiu. Na tauhetamaligauma wa meta mamohoina, yo saha ya lapuhaidi kalinawai meta ya hededegabaedi tanoubu tamowaidiyao kalimiuwai.”