Yowane 19:11 - Yaubada wasana: Buka Hauhauna tupwana

¹¹ Yesu ye hededebui ye wane, “Yau yom tanuwaga gigibwalina ta unai ya miyamiya matawuwuna ede yom gigibwali ne Yaubada ye leyawa. Unai tamowai ne ye mosegabaeigau kalimwai ta, iya yona yababa ye lakikalili na kabo kowa.”

Youbada wasana: Buka Houhauna tupwana

¹¹ Yesu ye hededebui ye wane, “Yau yom tanuwaga gigibwalina ta unai ya miyamiya matawuwuna ede yom gigibwali ne Yaubada ye leyawa. Unai tamowai ne ye mosegabaeigau kalimwai ta, iya yona yababa ye lakikalili na kabo kowa.”

Yowane 19:11 ပူးပေါင်းရင်းမြစ်များ

Mataiyo 26:65

Na kabo taukaitalasam saesaena wa kana kaleko ye pulisidi na ye wane, “Teina tamowai ta meta Yaubada ye hededeheyababa, idohagi to bena tamowai hekadiyo ta laedima na se hedehedede teina tamowai ta hesabana, na yona hededeheyababa maudoidi meta kwa lapuidiko.

Mataiyo 27:2

Ede se pai na se woyaei se lau na se moselaei Gabana Pilato unai.

Mataiyo 6:13

Bena ku kitahetetegai na taba nige ka lulau noho luwanaena, na tauyababa yona nuwatu udiyedi ku gilihaigai.’ ”

Maleko 14:44

Bagubaguna tauwalohai wa hekihekinoi ye hededehesibasibanonohaidi ye wane, “Tamowai ya simtai ne meta iya. Kwa hai na kwa woyahesuwalanamwanamwaei.”

Yowane 18:13

Na bagubaguna meta se woyalaei Kaiyapasi bwasiyana Anase unai. Kaiyapasi iya taukaitalasam saesaena tenem bolimaina ne unai.

Yowane 18:3

Ede ye laoma na tauꞌiyala bodadi yo taukaitalasam tauwoyaidi yo Paliseya yodi taupaisowa hekadi maiyanao. Na osili, lampa yo kabaꞌiyala gogodi se baheidi, na ye woyaidi se lau se lage tenem olibe yawana ne unai.

Yowane 19:10

Ede Pilato ye henamaiꞌuyo ye wane, “Idohagi to nige kalinam? Nige kabina ku kata meta yau yogu gigibwali gonowana kabo ya yailihaigo o ya hesataulogo?”

Yowane 3:27

Yodi hedehedede wa unai Yowane ye hededebui ye wane, “Nige gonowana tamowai hesau paisowa ye haigaibui, na paisowa ye hai ne meta Yaubada ye mosei.

Yowane 7:30

Kabo Yesu bena se kabihekahini, na iyamo nige tamowai hesau ye kabilau unai, matawuwuna yona huya sola nige ye lage.

Yowane 9:41

Yesu ye hededebui ye wane, “Taba ena komiu matamiu se gibu, kabo nige yomi baꞌaya. Na komiu kwa hedede kwa wane, ‘Matamai se lala,’ unai yomi baꞌaya meta sola kalimiuwai.”

Apostolo 2:23

Teina tamowai ta meta Yaubada ye hineli yo ye kaisunuwanonohaiyako na ye mosegabaei kalimiuyena. Na komiu yomi nuwatuyena dagela tamowaidiyao kwa haidi na maidamiyao kwa hesataulo, na ye boita.

Apostolo 3:13

Abelahama, Isako, Yakobo yo kada kulutubu maudoidi yodi Yaubada yona taupaisowa Yesu ye lausini na kabatuli namanamalina unai ye tuli. Huyana Yesu sola tanoubu ta unai meta komiu iya kwa mosegabaei na se unuhemwaloi. Pilato ye henuwa bena ye yailigabaei, na komiu kwa hedede meta Yesu nige kwa henuwa.

Apostolo 4:28

Saha se ginauli wa meta yom gigibwaliyena beyabeyana ku hinelinonohaiyako meta kabo ye tubu.

Yamesi 1:17

Namwa maudoina yo kainauya namwanamwadi yodi kabalaoma meta galewa. Galewa maladi tauhetubudi kalinawai se dobidobima. Iya nige gonowana kana kao ye bui doha ginauli hesau mahana ye sinai na tautauna ne ye buibui. Yaubada meta nige doha tenem.

Yamesi 4:17

Unai, ena kaiteya ye nuwatulobaiyako meta bena yona hineli ne ye ginaulidi nuwadobidobiyena, iyamo ye ginaulidi nuwasaesaeyena, iya meta ye baꞌaya.