Yowane 14:27 - Yaubada wasana: Buka Hauhauna tupwana

²⁷ Nuwadaumwali ya tole kalimiuwai, yogu nuwadaumwali ta ya leyawa. Yau nuwadaumwali ya leyawa ta nige doha tanoubu ye leyawa ne. Tabu nuwamiyao kwa hepilipilidi yo kwa matausi.

Youbada wasana: Buka Houhauna tupwana

²⁷ Nuwadaumwali ya tole kalimiuwai, yogu nuwadaumwali ta ya leyawa. Yau nuwadaumwali ya leyawa ta nige doha tanoubu ye leyawa ne. Tabu nuwamiyao kwa hepilipilidi yo kwa matausi.

Yowane 14:27 ပူးပေါင်းရင်းမြစ်များ

Mataiyo 10:26

Unai, tabu kwa matausiyedi! Ginauli yo nuwatu wadawadamdi maudoidi kabo se masalaha.

Yowane 14:1

“Tabu kwa nuwadubu, Yaubada kwa sunumaei yo yau hinage kwa sunumaeigau.

Yowane 16:33

Teina nuwanuwatu ta ya hedededi kalimiuwai, unai kabo nuwadaumwali kwa hai yau kaliguwai. Tanoubu ta unai komiu kabo pilipili kwa hekalodi. Na nuwamiu se bayao! Matawuwuna yau tanoubu ta wasawasana ya saedikwaiyako.”

Yowane 20:19

Tenem mayadai bagubagunana ne unai na boniyaina unai kabo hekahekatao wa se tupagogoi numa hesau unai na kawakedana se gudui, matawuwuna ede Dius tauwoyaidi se matausiyedi. Na Yesu ye laoma ede luwadi wa unai ye tolo na ye wane, “Nuwamiu se talu!”

Yowane 20:21

Yesu ye hedehededeꞌuyo ye wane, “Nuwamiu se talu! Yau Tamagu ye hetamaligauma, unai komiu hinage kabo ya hetamaligomiu.”

Yowane 20:26

Sabati kesega mulinawai, hekahekatao wa numa wa unai se tupagogoiꞌuyo na Tomasi meta maiyadi. Keda wa se guduyako, iyamo Yesu ye laoma luwadi wa unai ye tolo na ye wane, “Nuwamiu se talu!”

Apostolo 10:36

Wasa namwanamwana Yaubada ye hetamaliyama Isalaela tamowaidiyao udiyedi wa kabina kwa katako, meta nuwadaumwali kedana ede Yesu Keliso. Iya meta tamowai maudoidi yodi guiyau.

Apostolo 18:9

Boniyai hesau unai Paulo yona nuwanuwatu unai Yaubada tautau hesau ye hemasalaha unai, meta Guiyau ye hededelau iya unai ye wane, “Tabu ku matausi, na yom lauguguya ne bena ye laulau! Tabu ku mwanomwanou,

Galatiya 1:3

Taba Tamada Yaubada yo Guiyau Yesu Keliso yodi kabinamwa yo yodi nuwadaumwali se leyawa kalimiuwai.

Galatiya 5:22

Na yaluwa kaniyona ede teina: gadosisi, gwauyala, nuwadaumwali, nuwatalu, kabinamwa, haisagusagu, tolotahitahi,

Galatiya 6:16

Nuwamiu se daumwali yo Yaubada yona katekamkamna yo gadosisi ye laowa teina laugagayo hauhauna ta tauhemuliwatanina maudoimiu kalimiuwai—komiu Yaubada yona Isalaela tamowaidiyao ede.

Kolose 1:2

komiu kama kahao sunuma unai Kolose unai kalimiuwai. Komiu Yaubada yona tamowai tabudiyao, yo kwa tolobayao sunuma unai. Taba tamada Yaubada yona kabinamwa yo yona nuwadaumwali ye lediwa kalimiuwai.

Kolose 1:20

yo iya unai ginauli maudoidi tanoubu ta yo galewa ne udiyedi ye uyoidima kalinawai, na nuwadaumwali ye ginauli Keliso kwasinana unai, iya ede sataulo ne unai ye didima wa.

Kolose 3:15

Maudoimiu ta meta Keliso tauna. Ye yoganegomiu bena nuwadaumwali unai kwa miya. Unai Keliso yona nuwadaumwali bena nuwamiu ye tanuwagaidi, yo bena kwa laulautoki.

Hebelu 13:20

Nuwatalu Yaubadana yoda Guiyau Yesu boita unai ye hetoloꞌuyoi. Kita iya yona mamoe na iya taukitaheteteda saesaena, yo iya kwasinana unai Yaubada talam miyamiyahaina ye hemamohoiyei.

Hebelu 7:2

Yo Abelahama gogo iyala unai ye haiꞌuyoidi wa maudoidi luwadiwai yona taiti ye hai ye mosei Melekisedeka. Hesa Melekisedeka kaniyona ede “laulaududulai wasawasana”, yo hesa Salema kaniyona ede “nuwadaumwali”, unai iya hinage “nuwadaumwali wasawasana”.