Yowane 12:48 - Yaubada wasana: Buka Hauhauna tupwana

⁴⁸ Tausubugau yo yogu hedehedede nige taukabihekahinidi tauhekasadi nonohana ede ye miya. Hedehedede ya hededediko wa, siya kabo kabahegiludi huyagehena ne unai.

Youbada wasana: Buka Houhauna tupwana

⁴⁸ Tausubugau yo yogu hedehedede nige taukabihekahinidi, tauhekasadi nonohana ede ye miya. Hedehedede ya hededediko wa, siya kabo kabahegiludi huyagehena ne unai.

Yowane 12:48 ပူးပေါင်းရင်းမြစ်များ

Mataiyo 10:15

Ya hedededudulai kalimiuyena: Yaubada yona hineli mayadaina ne unai meta kadi hekamkamna se lakikalili, na kabo Sodoma yo Gomola.

Mataiyo 21:42

Yesu ye hededelau udiyedi ye wane, “Kulikuli tabudiyao udiyedi teina hedehedede ta kwa hasili o nige? ‘Taukabinuma weku se laukwatakwataeiꞌusei wa meta ye hemala kabakabinuma wekuna namwanamwana yo saesaekalilina. Teina ta meta Yaubada ye ginauli, na matadaena kitakitana meta ye namwakalili.’ (Same 118:22-23)

Mataiyo 25:31

“Huyana Tau Natuna kabo ye uyoma ma didigana yo ma namanamalina, yo yona anelu maudoidi maidanao, meta kabo yona telona wasawasana yo saesaekalilina unai ye tuli yo ye hemala wasawasa.

Maleko 12:10

Komiu taba kabina kwa kata Buka Tabuna unai saha se kuli wa, ‘Taukabinuma duu se subu na se tolehesuwala, na iyamo iya duu salibebe yo numa tauhebayaona ede.

Maleko 16:16

Kaiteya ye kawamamohoiyeigau yo se hebabatisoi, Yaubada kabo ye hemauli. Na kaiteya nige ye kawamamohoiyeigau, Yaubada kabo ye hekamkamna.

Maleko 8:31

Na kabo Yesu ye hetubu yona hekahekatao ye hekatadi meta Tau Natuna kabo ye kamkamna ginauli maudoidi udiyedi. Na tamowai lakilakidi, taukaitalasam babadadi, yo laugagayo taulauhekata iya kabo se laukwatakwataei, na kabo se unuhemwaloi, na mayadai haiyona mulidiwai kabo ye toloꞌuyo.

Yowane 11:24

Maleta ye hededebui ye wane, “Kabina ya kata ede huya mulimulitana unai boita toloꞌuyona unai kabo ye toloꞌuyo.”

Yowane 5:45

Tabu yomi nuwatu bena Tamagu matanawai kabo ya tolo na ya hegilugomiu. Tauhegilugomiu ede Mose, na komiu yomi nuwatu ede bena iya unai kabo sagu kwa lobai.

Yowane 6:39

Na tauhetamaligau yona nuwatu ede teina: Kaiteyadi ye ledima kaliguwai, meta tabu hesauna ya hetaukwadalele, na hekasa mayadaina unai maudoidi kabo boita unai ya hetoloꞌuyoidi.

Yowane 8:47

Na Yaubada yona tamowai meta saha Yaubada ye hedededi kabo ye lapuidi. Na komiu saha Yaubada ye hedededi meta nige kwa lapuidi, matawuwuna ede komiu nige iya yona tamowai.”

Apostolo 17:31

Matawuwuna mayadai ye toleyako unai kabo yona kaisunuwa tamowaina tanoubu maudoina ye hinelidi, na yona hineli ne kabo dudulai unai. Teina ye hemamohoiyei tamowai maudoidi udiyedi matawuwuna Yesu boita unai ye hetoloꞌuyoi.”

Apostolo 3:23

Ena kowa kaiteya nige ku lapulapulau peloweta ne unai meta kabo Yaubada yona tamowai luwadiyena ye boligabaego na ye tolehesuwalakaliliyego.’ (Dutelonomi 18:15 yo 18 yo 19)

Hebelu 10:25

Tabu yoda tapwalolo koikoigogodi ta miyasuwalaedi doha tamowai hekadi yodi miyamiya ne. Bena yoda sunuma unai ta haihebahebayaoꞌuyoida, matawuwuna kabina ta kata meta yoda Guiyau yona uyoma mayadaina ye hanahanauma.

Hebelu 12:25

Kwa kitanamwanamwa tabu Yaubada kwa kawayagalae. Iya ede ye hededelaowa kalimiuwai. Sinai kudulina unai Yaubada ye hededelau Isalaela tamowaidiyao udiyedi. Na huyadi ne unai yona hedehedede nige se kawakabiyei, ede ye hekamkamnakaliliyeidi. Na galewa ne unai ye hedededobima kalidawai. Na ena yona hedehedede nige ta kawakabiyei, kabo ye hekamkamnakaliliyeda na kabo Isalaela tamowaidiyao kadi hekamkamna wa.

Hebelu 2:3

Unai, ena Yesu yona kabihemauli saesaena ta ta kitahegagili, taba nige Yaubada yona hekamkamna lakilakina ta kaihalei! Teina kabihemauli ta bagubaguna unai Guiyau ye hededegabaei na kaiteyadi se lapui meta se hemamohoiyei kalidawai,

Hebelu 4:12

Matawuwuna Yaubada yona hedehedede meta maumaulina yo gigigigibwalina yo ye matakalili na kabo kelepamatatehalabulabui. Nuwada ye bolilapaidi ye luwu ye lau yoda nuwanuwatu yo yoda hineli mamohoidiyao udiyedi ye lage na ye hinelidi yo ye kitasipwaidi.