Yowane 11:47 - Yaubada wasana: Buka Hauhauna tupwana

⁴⁷ Ede taukaitalasam tauwoyaidi yo Paliseya tamowaidi Sunedeli koigogona se heyoga. Se laomagogoi na se henahenamaiꞌuyoidi se wane, “Teina tamowai ta meta kabikabi gigigigibwalidi gwaudi ye ginaulidi. Na saha kabo ta ginauli?

Youbada wasana: Buka Houhauna tupwana

⁴⁷ Ede taukaitalasam tauwoyaidi yo Paliseya tamowaidi Sunedeli koigogona se heyoga. Se laomagogoi na se henahenamaiꞌuyoidi se wane, “Teina tamowai ta meta laulau gigigigibwalidi gwaudi ye ginaulidi. Na saha kabo ta ginauli?

Yowane 11:47 ပူးပေါင်းရင်းမြစ်များ

Mataiyo 26:3

Na taukaitalasam tauwoyaidi yo magai wa babadadiyao se lagegogoima taukaitalasam saesaena hesana Kaiyapasi yona numa unai,

Mataiyo 5:22

Na yau ya hededelaowa, ena hesau kana kaha ye kouyalayalaei meta iya taba se helauhetala. Na ena tamowai hesau kana kaha ye kawayauyaulei ye wane, ‘Kulum ne nige kaniyona!’, meta iya taba se laei Sunedeli unai na se hekilaino. Na taba hesau kana kaha ye hededeheyababa ye wane, ‘Kowa tamowai yauyaulekalilina, yo Yaubada kana waiunu mamohoi!’, meta iya kabahekilainona ede kaiwa kalakalasina unai.

Maleko 14:1

Mayadai labui mo na kabo Taukiuli yo hinage Pwalawa Nige Yistina Henuwaisinidi, na taukaitalasam tauwoyaidiyao yo laugagayo taulauhekata keda se wasenei meta kailupo sahasahana unai kabo Yesu se hai bena se unuhemwaloi.

Yowane 11:57

Na taukaitalasam tauwoyaidi yo Paliseya tamowaidi meta hedehedede se toleyako tamowai maudoidi udiyedi, ena taba hesau Yesu ye kita, kabo ye laoma tauwoyawoya ne ye hekatadi, na kabo Yesu se kabihekahini.

Yowane 12:19

Na Paliseya tamowaidi se bom yodi se hedehedede se wane, “Sola kwa kita! Nige gonowana saha hesau kabo ta ginauli kalinawai. Kaniyona ede tanoubu maudoina iya se hemuhemuliwatani.”

Yowane 2:11

Teina ta meta laulau gigigigibwalina bagubagunakalilina teha Galili unai magai hesana Kana unai Yesu ye ginauli. Na teina laulau ta unai iya kana kao saesaena mamohoina ye hemasalaha, unai yona hekahekatao iya se sunumai.

Yowane 6:2

Na yona kabalau maudoidi ne udiyedi meta bodalakilaki se hemuhemuliwatani, matawuwuna ede kabikabi gigigigibwalidi ye ginaulidi taukasikasiyebwa udiyedi wa se kitadiko.

Yowane 7:32

Bodalakilaki wa Yesu yona gigibwali wa se hetahetala, na Paliseya tamowaidiyao yodi hedehedede wa se lapui ede maiyadiyao kaitalasam tauwoyaidi kabo numa tabuna kedana taukitahetetena hekadiyo se hetamalidi se lau bena Yesu se hai na se laeyama kalidiwai.

Yowane 7:45

Numa tabuna kedana taukitahetetena wa Yesu yona hedehedede wa se lapuidi ede se uyo taukaitalasam tauwoyaidi yo Paliseya tamowaidiyao wa udiyedi. Kabo tauwoyawoya wa se henamailau udiyedi se wane, “Matawuwuna saha to iya nige kwa hai na kwa woyaiyama?”

Apostolo 5:21

Mala ye tom kabo apostolo wa se mwalaesae numa tabuna bakubakuna wa unai se tolo na se hetubu se lauguguya. Na taukaitalasam saesaena ma kana bodao se lage Sunedeli numana unai. Ede Sunedeli tamowaidiyao yo Isalaela yodi babadao maudoidi se yogagogoidi. Na kabo wasa se hetamalilaei bena apostolo wa se woyaidima.

Apostolo 5:24

Numa tabuna yona polisi kadi tanuwaga yo taukaitalasam tauwoyaidi wa wasa wa se lapui meta se nuwapwanopwano yo se nuwanuwatu saha kabo ye tubu.