Yowane 1:49 - Yaubada wasana: Buka Hauhauna tupwana

⁴⁹ Ede Natanaela ye hededelau unai ye wane, “Taulauhekata, kowa Yaubada natuna, Isalaela yoma wasawasa.”

Youbada wasana: Buka Houhauna tupwana

⁴⁹ Ede Natanaela ye hededelau unai ye wane, “Labi, kowa Yaubada Natuna, Isalaela yoma wasawasa.”

Yowane 1:49 ပူးပေါင်းရင်းမြစ်များ

Mataiyo 14:33

Ede taumiyamiya waga wa unai Yesu se kaihelahui yo se wane, “Mamohoikalili, kowa Yaubada Natuna!”

Mataiyo 2:2

na se henahenamai se wane, “Yudeya yomi wasawasa hauhauna se labasiyako wa, iya ede haedi? Yona huyalabasi kipwalana teha kaluwabu unai ye sae ka kita, ede ka laoma ta bena iya ka tabaꞌohui.”

Mataiyo 21:5

Ye wane, “Kwa hededelau Saiyona natunao udiyedi, ‘Kwa kita yomi wasawasa ye laolaoma kalimiuwai, ye nuwadobidobi yo donki unai ye gelu, na donkina ne meta donki natuna.’ ”

Mataiyo 23:7

Na ena se lau kabalokulokune magaidiyao udiyedi se henuwa bena tamowai se laoma ma hekasisidi se lautokiyeidi na se kawayauwedo yo se kawatanuwaga udiyedi.

Mataiyo 23:8

Na komiu tabu se kawatanuwaga kalimiuyena, matawuwuna kami tanuwaga kesega ede yau, na komiu meta doha boga kesega.

Mataiyo 27:11

Yesu se woyalaei Gabana Pilato unai na ye henamaiyei ye wane, “Kowa Dius yodi wasawasa?” Ede Yesu ye wane, “Aa, saha ku hedede ne mamohoi.”

Mataiyo 27:42

Se wane, “Tamowai hekadiyo ye saguidi na nige gonowana iya ye bom ye saguꞌuyoi. Na ye wane bena iya kita Isalaela yoda wasawasa! Taba sataulo ne unai ye pesadobima kabo ka kawamamohoiyei.

Mataiyo 4:3

Na taunohonoho wa ye laoma kalinaena ye wane, “Ena kowa Yaubada natuna, kabo ku hededelau weku ne udiyedi se hemala pwalawa.”

Maleko 15:32

Teina Keliso ta, iya Dius yodi wasawasa, taba sataulo ne unai ye pesadobima, kabo ka kita yo ka kawamamohoiyei.” Tamowai labui maiyanao se hesataulodi wa Yesu hinage se hagahagasiyei.

Yowane 1:18

Sola nige tamowai hesau Yaubada ye kita, na natukesekesegana ye bom mo. Iya meta Yaubada, yo Tamana maiyana se kawakeha, yo iya Tamana ye hemasalahayako kalidawai.

Yowane 1:34

Ya kitayako yo ya hemamohoiyei meta iya Yaubada natuna.”

Yowane 1:38

Na Yesu ye kaikewabui ye kitadi se hemuhemuliwatani, ede ye henamaiyedi ye wane, “Saha kwa henuwa?” Se hededelau unai se wane, “Labi” (kalina Hebelu unai kaniyona ede Taulauhekata), “haedi ku miyamiya?”

Yowane 1:50

Yesu ye wane, “Yom kawamamohoi ne matawuwuna ede ya hededelaowa kalimwai meta ya kitago kaiwa guninawai ku miyamiya. Na sola kabo ginauli saesaedi ku kitadi na kabo teina.”

Yowane 18:37

Na Pilato ye hededelau iya unai, ye wane, “Unai kowa meta wasawasa!” Yesu ye hededebui ye wane, “Kowa ku hedededudulai meta yau wasawasa. Mamohoikalili se labasigau yo ya dobima tanoubu ta unai bena hedehedede mamohoina ya hemasalaha tamowai udiyedi. Na kaiteyadi hedehedede mamohoina se henuwa, kabo se lapulaoma kaliguwai.”

Yowane 4:31

Waihiu wa ye lauko, na kabo yona hekahekatao wa se hededelau unai se wane, “Taulauhekata, taba kai hesau ku kai.”