Maleko 7:7 - Yaubada wasana: Buka Hauhauna tupwana

⁷ Siya yodi hedebasaegau nige kaniyona, matawuwuna tamowai yodi laugagayo mo se hekahekatadi.’ (Aisaiya 29:13)

Youbada wasana: Buka Houhauna tupwana

⁷ Yodi kaihelahuigau meta nige kaniyona, matawuwuna tamowai yodi laugagayo mo se hekahekatadi.’ (Aisaiya 29:13)

Maleko 7:7 ပူးပေါင်းရင်းမြစ်များ

Mataiyo 15:9

Yodi tapwalolo kaliguyena meta nige kaniyodi. Laugagayo saha se lauhekataedi meta tamowai mo se ginaulidi.’ ” (Aisaiya 29:13)

Mataiyo 6:7

Na ena kwa tapwalolo, tabu yomi hedehedede kwa laulaubodaiꞌuyoidi, doha Yaubada nige kabina taukata yodi tapwalolo. Siya yodi nuwatu meta bena tapwalolo se heloha, na kabo yodi yaubada ye lapuidi.

Kolose 2:22

Teina laugagayo ta meta tamowaigaibu yodi sonoga yo yodi lauhekata. Na tanoubu ginaulidi se laugagayoidi wa meta ta hepaisowadi na kabo se gehe.

Taitasi 3:9

Na haikawayagala yauyauledi, yo kulutubu dededi, yo laugagayo haikawayagaladi ku kaihaleidi, matawuwuna nige kaniyodi yo nige gonowana se saguida.

Yamesi 1:26

Ena tamowai hesau ye hedede meta iya tapwalolo kabikabidi ye ginauliwatanidi, na nige gonowana memenana ye kitahetetenamwanamwaei, kabo unai ye bom ye lupoꞌuyoi, na yona tapwalolo kabikabidi ne meta nige kaniyodi.

Yamesi 2:20

Tamowai yauyaulena, kabo ya hemasalaha kalimwai sunuma nige paipaisowana unai meta nige gonowana ye hemaulida.