Mataiyo 6:9 - Youbada wasana: Buka Houhauna tupwana

⁹ Unai taba komiu kwa tapwalolo doha teina: ‘Tamamai galewa ne unai! Kowa hesam ka hededetausaei.

Yaubada wasana: Buka Hauhauna tupwana

⁹ Unai taba komiu kwa tapwalolo doha teina: ‘Tamamai galewa ne unai! Kowa hesam ka hededetausaei.

Mataiyo 6:9 ပူးပေါင်းရင်းမြစ်များ

Mataiyo 10:29

Pene kesega unai gonowana pekopeko labui ta hemaisadi. Iyamo Tamamiu galewa ne unai, iya ye nuwatukaliliyeidi. Taba hesau ye beku, meta kabina ye kata.

Mataiyo 23:9

Tabu tanoubu ta tamowaina hesau kwa katai meta iya tamamiu, matawuwuna tamamiu kesega ede galewa ne unai.

Mataiyo 26:29

Ya hededelaowa kalimiuyena, taba nige wine kaniyona masina ta ya numaꞌuyoi kana sigana ee Tamagu yona basileiya unai komiu yo yau kabo ta numaꞌuyoi.”

Mataiyo 26:42

Helabuina ye uyo ye tapwalolo ye wane, “Tamagu, ena nige kamwasa hesau unai bena kamkamna keyakana ta ku haigabaei, na ku henuwa bena ya numa, takiyede yom nuwatu kabo ya lauwatani.”

Mataiyo 5:16

Unai bena tamowai yomi laulau namwanamwadi se kitadi doha mala wa, yo tamamiu galewa ne unai se hedebasaei.”

Mataiyo 5:48

Yomi miyamiya ne udiyedi bena kwa namwa yo kwa dudulaikalili, doha tamamiu galewa ne unai iya ye namwa yo ye dudulaikalili.”

Mataiyo 6:14

[Tapwalolo wa ye hekatadi ye gehe kabo ye hedehededeꞌuyo ye wane,] “Tauheyababagomiu yodi yababa bena kwa nuwatugabaeidi, kabo Tamamiu galewa ne unai hinage yomi yababa ye nuwatugabaeidi.

Mataiyo 6:6

Na ena ku tapwalolo, meta ku mwalae yom numa kalonaena, keda ku gudu na ku tapwalolo Tamam unai, iya ede teha wadawadamnaena yo teha maudoidi udiyedi taumiya. Na Tamam ginauli wadawadamdi taukitadi, iya kabo ye kainauyaigo.

Mataiyo 7:11

Komiu tamowai yabayababadi, iyamo gonowana kabo ginauli namwanamwadiyao kwa moseidi natumiyao udiyedi. Na tamamiu galewa ne unai ye nonohakalili kabo kainauya namwanamwadi ye moseidi taukaibwada ne udiyedi.”

Yowane 20:17

Yesu ye hededelau unai ye wane, “Tabu ku kabikabilaoma kaliguwai, matawuwuna yau sola nige ya sae tamagu unai. Na ku lau kagu kahao yodi ku hedehedede meta yau ya seuseuyo Tamagu iya ede Tamamiu, yo yogu Yaubada iya ede hinage yomi Yaubada unai.”

Galatiya 1:1

Yau Apostolo Paulo yo Guiyau tauhemuliwatanina maudoidi maiyaguwao, leta ta ka kuli na ka hetamali ye laowa Guiyau taukawamamohoiyena maudoimiu teha Galatiya unai taumiya kalimiuyena. Nige tamowai se kaisunuwaigau bena ya hemala apostolo, na Yesu Keliso yo Tamana Yaubada, iya Yesu boita unai ye hetoloꞌuyoi wa, se kaisunuwaigau.

Galatiya 4:6

Komiu meta Yaubada natunao, unai Yaubada Natuna yaluwana ye hetamaliyama nuwada ta udiyedi na ye hekatada na ta yogayogasae Yaubada unai ta wane, “Aba, Tamagu!”

1 Timoti 6:16

iya ye bom mo miyamiyahaina yo yona kabamiya dawayana nige gonowana ta lau ta hanahanawui, sola nige tamowai hesau iya kana kao ye kita, yo taba nige gonowana tamowai hesau iya ye kita. Taba huya maudoina hekasisi yo gigibwali se sae iya unai. Mamohoi.

1 Petelo 1:17

Yaubada tamowai nige ye hekasisigaibui, na maudoidi yodi laulau udiyedi kabo ye hekasadi. Iya kwa katai Tamamiu. Unai yomi miyamiya tanoubu ta unai doha laolaoma ne meta Yaubada taba kwa hekasisikaliliyei.

Hemasalaha 4:11

“Yoma Guiyau, kowa ede yoma Yaubada. Ku namwakalili, unai ka hedebasaego yo ka hekasisiyego, yo yom gigibwali debanawai ka tabaꞌohuigo. Matawuwuna kowa ginauli maudoidi tauhetubudi yo yom nuwanuwatu unai se tubu yo se miya.”

Hemasalaha 5:12

Se wana ma kalinalakilakidi se wane, “Mamoe Natuna! Kowa se unuhemwaloigo. Kowa ku bom mo gonowana kabo yom gigibwali, wasawasa, sibasiba, yo bayao yo kam kao saesaena mamohoina debadiwai ka hedebasaego yo ka hekasisiyeigo.”