Mataiyo 14:3 - Youbada wasana: Buka Houhauna tupwana

^3-4 Heloda meta kana kaha Pilipo mwanena Helodiyasi ye kwayai. Na Yowane ye hedehededelau unai ye wane, “Kowa laugagayo ku utusi, taba tabu kam kaha mwanena ne ku tawatawasolai!” Ede Heloda ye hedede na Yowane se hai se pai na se tole numatutuguduyena.

Yaubada wasana: Buka Hauhauna tupwana

^3-4 Yowane Babatiso yona boita wasana ede doha teina: Heloda kana kaha Pilipi mwanena hesana ede Helodiyasi. Na Heloda bwasiyana waihiu wa ye kwayai ede Yowane ye hedehededelau unai ye wane, “Saha ku ginauli ta nige ye dudulai!” Unai Heloda Yowane ye hai ye pai na ye tole numatutuguduyena.

Mataiyo 14:3 ပူးပေါင်းရင်းမြစ်များ

Mataiyo 11:2

Na Yowane Babatiso meta numatutugudu unai, na Keliso yona paisowa wa wasana ye lapui na ye nuwalabulabui. Ede yona hekahekatao ye hetamalidi se lau Yesu unai

Mataiyo 14:6

Na Heloda yona huyalabasi mayadaina henuwaisinina kaikaigogona unai, ede Helodiyasi natuna waihiu meta Heloda ma kana taumana kadi ye sobu. Yona sobu wa unai Heloda nuwana ye namwakalili

Mataiyo 4:12

Huya hesau Yesu wasa ye lapui meta Yowane se haiyako na numatutugudu unai se tole. Ede Yudeya ye laugabaei na ye uyo Galili.

Maleko 6:14

Heloda wasawasa Yesu wasana ye lapui, matawuwuna Yesu hesana wa tamowai maudoidi kabina se kata. Hekadi se wane, “Nuwana Yowane Babatiso iya boita unai ye toloꞌuyoma, unai ede gigibwalina ne kalinawai na laulau gigigigibwalidi ye ginaginaulidi.”

Maleko 6:17

[Yowane yona boita wasana ede teina:] Heloda meta kana kaha Pilipo mwanena ye tawasolai, na Yowane ye hedehedede ye wane, “Kowa laugagayo ku utusi, taba tabu kam kaha mwanena ku tawatawasolai!” Na Heloda ye henuwa bena Helodiyasi nuwana ye henamwa, unai ye hedede na Yowane se hai se pai na se tole numatutugudu unai.

Maleko 6:19

Na Helodiyasi Yowane ye kouyalayalakaliliyei, na ye henuwa bena ye unuhemwaloi. Iyamo nige gonowana,

Maleko 6:22

Helodiyasi natuna waihiu kabo ye laoma na siya matadiwai ye sobu. Heloda yo kana taumana wa nuwadi se namwakalili, unai ye hededelau hasala wa unai, ye wane, “Kowa kam henuhenuwa saha kabo ya leyawa.”

Maleko 8:15

Yesu ye guguyaidi ye wane, “Kwa nanabuꞌuyoigomiu! Tabu Paliseya yo Heloda yodi yisti udiyedi se lupohaigomiu!”

Apostolo 12:1

Huyana ne unai Heloda wasawasa ekalesiya tamowaidiyao hekadiyo ye haidi bena kabo ye hekamkamnadi.

Apostolo 4:27

Ye mamohoikalili, Heloda yo Pontiusi Pilato yo Isalaela yo dagela tamowaidiyao maudoidi se tupagogoi magai ta unai bena yom heyayai tauhaina tabuna Yesu unai se haikabi. Iya ede yom kaisunuwa tamowaina.