Hemasalaha 21:3 - Youbada wasana: Buka Houhauna tupwana

³ Yo telona ne unai kalina lakilakina ye laolaoma ya lapui ye wane, “Kwa kita ne! Yaubada yona kabamiya ede tamowai luwadiyena. Kabo maiyanao se miya yo siya kabo yona tamowai. Yaubada, iya ede yodi Yaubada, iya kabo maiyadi.

Hemasalaha 21:3 ပူးပေါင်းရင်းမြစ်များ

Yowane 1:14

Hedehedede wa ye hemala tamowai, na maiyamai ka miya. Yo kana kao saesaena mamohoina ka kitayako, iya ede Yaubada natukesekesegana mo kana kao saesaena mamohoina. Natu ta meta Tamana Yaubada unai ye laoma yo kalinawai kabinamwa yo mamohoina se mwayau.

Yowane 14:23

Na Yesu ye hededebui ye wane, “Ena tamowai hesau ye gadosisiyeigau, iya kabo yogu lauhekata wa ye kawakabiyeidi. Tamagu kabo ye gadosisiyei, yo Tamagu maiyagu kabo ka laoma iya maiyamai ka miya.

2 Kolinito 6:16

Gonowana Yaubada yona Numa Tabuna yo koitau yodi talam kesega se ginauli na se laomakesega? Nigele! Na kita meta Yaubada maumaulina yona Numa Tabuna. Iya ede doha Yaubada ye hedede ye wane, “Yau kabo maidaguwao ka miya yo luwadiyena ya sae yo ya dobi. Yau kabo siya yodi Yaubada na siya kabo yau yogu tamowai.” (Lewitikasi 26:12)

2 Kolinito 6:18

Yo ye wane, “ ‘Yau kabo ya hemala tamamiu yo komiu kabo kwa hemala natuguwao,’ teina ta Guiyau Gigibwali Saesaekalilina yona hedehedede.” (2 Samuwela 7:14, 7:8).

1 Tesalonika 3:11

Unai Yaubada Tamada yo yoda Guiyau Yesu siya taba yoma kamwasa se hemasalaha na ka laowa kalimiuwai.

Hebelu 11:16

Iyamo se henuwa magai namwanamwana se nayanayai iya ede galewa ne unai. Unai Yaubada nige ye mwadine bena iya se katai yodi Yaubada, matawuwuna yodi magai lakilakina ye kabinonohaiyako.

Hebelu 8:10

Na Guiyau ye wane, Teina talam ta kabo ya ginauli Isalaela tamowaidi udiyedi, tenem huyana ne mulinawai. Yau yogu laugagayo kabo ya toledi kuludi ne udiyedi yo ya kulidi nuwadi ne udiyedi. Yau kabo yodi Yaubada, yo siya yau yogu tamowai.

Hebelu 8:2

yo kabatabaꞌohu unai ye paipaisowa. Kabatabaꞌohu ta Logulogu Tabuna mamohoina Guiyau ye ginauli na nige tamowai se ginauli.

Hemasalaha 10:4

Huyana tulutululu haligigi-labui wa se hedehedede meta bena ya hetubu ya kulikuli, na kalina hesau galewa ne unai ya lapui ye wane, “Saha tulutululu haligigi-labui se hedededi ta ku nuwatukasinidi na tabu ku kulikulidobiyedi.”

Hemasalaha 10:8

Kabo kalina galewa ne unai ya lapuiꞌusei wa ye hededeꞌuyo kaliguwai ye wane, “Ku lau anelu gabwa yo tano kewadi udiyedi ye totolo ne kalinawai, na nimana ne unai buka nokuna kalakalanonohana wa ku hai.”

Hemasalaha 12:10

Kabo kalina lakilakina hesau galewa ne unai ya lapui ye wane, “Teina mahana ta unai meta Yaubada yona kabihemauli yo yona wasawasa gigibwalina yo yona kaisunuwa tamowaina yona tanuwaga gigibwalina se masalaha. Matawuwuna ede kada kahao tauhegihegiludi wa ye gabadobiyeiyako tanoubu ta unai. Nabada wa unai iya meta yoda Yaubada matanawai ye totolo na ye hegihegiludi mayadai yo boniyai unai.

Hemasalaha 21:7

Kaiteyadi se tolokesegai, siya teina ginauli maudoidi ta kabo se haidi, yo yau kabo yodi Yaubada yo siya kabo yau natuguwao.

Hemasalaha 22:3

Temenai taba nige tamowai o ginauli hesau Yaubada kabo ye kitaheyababa. Na Yaubada yo Mamoe Natuna yodi telona meta magai lakilakina wa luwanawai, na yona heyayai tauhaidi kabo iya se tabaꞌohui.

Hemasalaha 7:15

Teina unai ede siya Yaubada yona telona talanuwanawai se totolo yo mayadai yo boniyai yona Numa Tabuna unai se tabatabaꞌohu, yo iya telona unai tautuli ne kabo loguloguna unai se miya.