Hemasalaha 19:4 - Youbada wasana: Buka Houhauna tupwana

⁴ Yo babadao 24 yo suisui maumaulidi hasi wa se guliyaboyabomdobi na Yaubada yona telona unai ye tutuli wa se kaihelahui yo se yogahilakilaki se wane, “Mamohoi! Haleluiya!”

Hemasalaha 19:4 ပူးပေါင်းရင်းမြစ်များ

Mataiyo 28:20

yo ginauli maudoidi ya hedehededeidi kalimiuyena wa bena kwa hekatadi na se miyawatanidi. Na mamohoikalili, yau kabo huya maudoina maidamiu, ye lau ee tanoubu ta yona huyagehe.”

Mataiyo 6:13

Bena ku kitahetetegai na taba nige ka lulau noho luwanaena, na tauyababa yona nuwatu udiyedi ku gilihaigai.’”

1 Kolinito 14:16

Taba yaluwam unai Yaubada ku hedehedebasaei kalina Yaluwa Tabuna ye haiyawa wa unai, meta idohagi kabo tamowai hekadiyo siya kainauya ne nige tauhaina se nuwatulobai na maidamwao Yaubada kwa hedebasaei? Idohagi kabo se saguigo Yaubada laulautokiyeina ta unai, ena taba saha ku hedehededeidi ne meta nige se nuwatulobaidi?

Hemasalaha 15:7

Kabo suisui maumaulidi hasi wa hesauna gaeba gole kesega kesega ye moseidi anelu haligigi-labui wa udiyedi. Teina gaeba ta meta Yaubada Miyamiyahaina yona kouyalayala udiyedi se mwayau.

Hemasalaha 19:1

Teina ginaulidi ta mulidiwai kabo dagugu hesau ya lapui doha bodalakilaki kalinadi galewa ne unai se yogahilakilaki se wane, “Haleluiya! Kabihemauli yo didiga yo gigibwali meta yoda Yaubada iya yona,

Hemasalaha 19:3

Na kabo boda lakilakina wa se yogahiꞌuyo se wane, “Haleluiya! Ye kalasi na kasuna wa ye sae nige kana siga.”

Hemasalaha 19:6

Kabo dagugu hesau ya lapui doha bodalakilaki, yo doha kabaita, yo doha tulutululu dagugulakilakidi, se yogayogahi se wane, “Haleluiya! Yoda Guiyau Yaubada Gigibwalikalilina, iya ye wasawasa yo ye tanuwaga.

Hemasalaha 5:14

Kabo ginauli maumaulidi hasi wa se wane, “Mamohoi”, yo babadao wa se guliyaboyabomdobi na Yaubada yo Mamoe Natuna wa se kaihelahuidi.