Hemasalaha 18:21 - Youbada wasana: Buka Houhauna tupwana

²¹ Kabo anelu bayabayaona weku lakilakina ye lakaisini na ye tuudobiyei gabwa ne unai, na ye wane, “Doha teina kabo Yaubada ma kouyalayalana na Babiloni magai lakilakina ne ye tuudobiyei, na taba nige ye taumasalahaꞌuyo.

Hemasalaha 18:21 ပူးပေါင်းရင်းမြစ်များ

Hemasalaha 10:1

Na kabo anelu gigigigibwalina hesau ya kita galewa ne unai ye dobidobima. Kana kaleko meta yada ye luwui, na kuluna kewana ne unai meta wali, yo kana kao ne dawayana doha mahana, yo kaena kadi kao doha duu kalakalapulupululudi.

Hemasalaha 12:8

Na delegoni wa nige yona bayao gonowana ye saedikwaidi, ede iya yo yona anelu bodana wa galewa ne unai se tuuhepesadi.

Hemasalaha 16:20

Bwanabwanaluwa yo koya tupidi maudoidi se tauwadam.

Hemasalaha 18:10

Kedalohalohawai se totolo, matawuwuna hekamkamna ye hekalo wa se matausiyei, na se wane, “Kapole! Kapole Babiloni, kowa magai lakilakina yo bayabayaona! Iyamo mahana kubwakubwana mo unai kam heyababa ku lobai!”

Hemasalaha 18:22

Babiloni, kowa kalimwai taba nige hapu taukaikaiheyaidi yo higo yo bwagigi tauyuhidi yo taukaiheya tohotohonadi hekadi yodi kaiheya dagugudi se lapuꞌuyoidi kalimwai. Paisowa udoiꞌudoi taunimapaisowaidi taba nige se lobaiꞌuyoidi, yo witi kabagiligili wekuna daguguna taba nige se lapuꞌuyoidi kalimwai.

Hemasalaha 20:11

Kabo telona lakilakina posiposina yo unai taututuli wa ya kitadi. Yona taumasalaha unai meta tanoubu yo galewa se sigisuwala na se tauwadamkalikalili.

Hemasalaha 5:2

Yo anelu gigigigibwalina ya kita kalina lakilakina unai ye udaꞌudai ye wane, “Kaiteya yona dudulai gonogonowana kabo dedeli haligigi-labui ne ye haigabaedi na buka nokuna ne ye soke?”