Hemasalaha 17:5 - Youbada wasana: Buka Houhauna tupwana

⁵ Debana wa unai meta hesa wadawadamna kulikulina doha teina: “Babiloni, magai saesaena, kowa sinesineo ganaganawalidi yo laulau nuwamatamatausidi sinadi.”

Hemasalaha 17:5 ပူးပေါင်းရင်းမြစ်များ

Pilipi 3:19

Siya se laulau kadi heyababa hesabadi. Yodi yaubada meta bogadi, yo yodi didiga ede yodi laulau nuwamwadimwadinedi udiyedi. Yodi nuwanuwatu ede tanoubu ta ginaulidiyao mo udiyedi.

Hemasalaha 1:20

Kipwala haligigi-labui nimakahatugu unai ku kitadi wa yo hinage lampa kabatoledi haligigi-labui wa kaniyodi wadawadamdi ede teina: Kipwala haligigi-labui wa meta siya ede ekalesiya bodadi haligigi-labui yodi anelu, yo lampa kabatoledi haligigi-labui wa meta siya ede ekalesiya bodadi haligigi-labui.”

Hemasalaha 11:8

Sinalediyao kabo magai lakilakina kamwasalakina ne unai se balabala. Magai ta hesana wadawadamna se katai Sodoma o Aikupito. Teina meta siya hinage yodi Guiyau kabahesataulona magaina.

Hemasalaha 14:8

Anelu bagubagunana ye lau na kabo helabuina ye mulitama ye wane, “Ye tatagwaligwali, ye tatagwaligwali! Magai lakilakina Babiloni ye tatagwaligwaliko. Iya yona gadosisi bikibikidi doha waina bayabayaona unai tamowai ye henumadi. Teina unai basileiya maudoidi ye woyahesuwaladi na se baꞌaya.”

Hemasalaha 16:19

Magai lakilakina Babiloni wa ye taigali teha haiyona, yo basileiya udoiꞌudoi udiyedi magai lakilakidi maudoidi se tatagwaligwali. Tenem unai Yaubada magai lakilakina Babiloni wa yona laulau yabayababadi ye nuwatuidi. Na yona kouyalayala ne meta doha waina bayabayaokalilina ye ini na unai ye henuma.

Hemasalaha 17:1

Anelu haligigi-labui wa siya gaeba haligigi-labui se kabikabidi wa meta hesauna ye laoma na ye hededelaoma kaliguwai ye wane, “Ku laoma, waihiu ganaganawalina saesaena waila gwaudi dedekadiyena ye tutuli ne kana hekamkamna ya hekitago.

Hemasalaha 17:2

Na tanoubu ta yodi wasawasa maiyadi se ganawali, yo yona laulau bikibikidi wa meta doha waina bayabayaona unai tanoubu tamowaidi se numayauyaule.”

Hemasalaha 17:7

Kabo anelu wa ye hededelaoma kaliguwai ye wane, “Idohagi to ku siliyatakalili? Waihiu ne yo suisui kulukulunao haligigi-labui yo donanao saudoudoi unai ye gelu ne kaniyodi wadawadamdi kabo ya hededehemasalahadi kalimwai.

Hemasalaha 18:2

Kalinalakilaki unai ye yoga ye wane, “Ye tatagwaligwali, ye tatagwaligali! Babiloni magaina saesaena ye tatagwaligwaliko! Iya ye hemala demoni yo yaluwa bikibikidi maudoidi yodi kabamiya yo manuwa bidabidadi yo suisui bidabidadi yo nuwamatamatausidi maudoidi yodi kabamiya.

Hemasalaha 18:21

Kabo anelu bayabayaona weku lakilakina ye lakaisini na ye tuudobiyei gabwa ne unai, na ye wane, “Doha teina kabo Yaubada ma kouyalayalana na Babiloni magai lakilakina ne ye tuudobiyei, na taba nige ye taumasalahaꞌuyo.

Hemasalaha 19:2

matawuwuna yona hekasa maudoidi ta se mamohoi yo se dudulai. Iya meta waihiu ganaganawalina saesaena wa ye hekilainoyako. Waihiu wa tanoubu ta tauheyababana yona laulau bikibikidi ne udiyedi, yo Yaubada yona heyayai tauhaidi kwasinadi ye hebwalilidi. Unai kadi gum Yaubada ye haidi.”

Hemasalaha 7:3

“Yaumai kwa guduguduidi kabo tabu tano o gabwa o kaiwa se heyababadi kana siga yoda Yaubada yona taupaisowa debadi udiyedi hekihekinoi ta ka toledi.”