Hemasalaha 17:16 - Youbada wasana: Buka Houhauna tupwana

¹⁶ Dona saudoudoi yo suisui pulupululuna ku kitadi wa meta waihiu ganaganawalina saesaena wa kabo se hewaiunu. Yona gogo maudoidi kabo se haidi, yo yona kaleko kabo se pulisihaidi na ma taugaibuna. Kabo bulumana se kai yo kabitoledi kabo kaiwa kalakalasina unai se gabudi.

Hemasalaha 17:16 ပူးပေါင်းရင်းမြစ်များ

Hemasalaha 12:3

Kabo tautau hesauꞌuyo galewa ne unai ye masalaha. Unai delegoni lakilakina pulupululuna ya kita. Kuluna meta haligigi-labui na maudoidi meta ma kadi kolona gagilidiyao, yo donana meta badodi saudoudoi.

Hemasalaha 16:12

Kabo anelu hehaligigi-kesegana yona gaeba ye inigabaei Yupalata sagasagana lakilakina kewanawai, ede wailana wa ye pitali, na unai wasawasa tamowaidiyao yo yodi tauꞌiyala tamowaidiyao tupwa kaluwabu unai yodi keda ye kabinonohai.

Hemasalaha 17:10

Siya meta hinage wasawasao haligigi-labui: haligigi se boitako, kesega ede iya sola ye tanutanuwaga, na mulimulitakalilina ede sola kabo ye laoma. Na ye laoma, kabo ye miya huyakubwakubwa mo.

Hemasalaha 18:19

Kabo kahusa se hesulusaedi kuludi ne udiyedi, na se siyayau yo se doukalili na se wane, “Kapole! Kapole kowa magai lakilakina. Kowa yom wasawasaena waga tanuwagadiyao se gogo! Na huyakubwakubwa mo unai ku tatagwaligwali.”

Hemasalaha 18:8

Unai mayadai kesega unai kabo hekamkamna ye lobai, siya ede boita, nuwadubu yo hasahasali. Kabo kaiwa kalakalasina unai ye kalasi ye lau ee ye taukwadalele, matawuwuna Guiyau Yaubada iya tauhekasana ne ye gigibwalikalili.”

Hemasalaha 19:18

Unai kabo wasawasa, iyala babadadi, yo tamowai bayabayaodi bulumadi kwa kaidi, yo hinage hosi yo taugeluidi yo tamowai maudoidi bulumadi kwa kaidi, siya ede yailihai tamowaidi yo heyayai tauhaidi, tamowai dobidobidi yo tamowai saesaedi!”