Hemasalaha 15:3 - Youbada wasana: Buka Houhauna tupwana

³ Na Yaubada yona heyayai tauhaina Mose kana wana yo Mamoe Natuna kana wana se wanaidi se wane, “Guiyau, kowa Yaubada Gigibwalikalilina! Kowa ginauli lakilakidi yo saesaedi ku ginaulidi. Yom laulau se dudulai yo se mamohoi. Kowa basileiya maudoidi yodi wasawasa.

Hemasalaha 15:3 ပူးပေါင်းရင်းမြစ်များ

Yowane 1:17

Mose unai laugagayo wa se laoma, na Yesu Keliso unai kabinamwa yo mamohoina se laoma.

1 Timoti 1:17

Huya maudoina nige kana siga bena hekasisi yo hededetausaei se sae yoda wasawasa miyamiyahaina ne unai. Iya nige gonowana ye boita yo nige gonowana ta kita, iya ye bom mo Yaubada. Mamohoi.

Hebelu 3:5

Mose nuwana ye tolekesegai Yaubada yona numa paisowana unai, na iya meta heyayai tauhaina mo. Yona paisowa wa meta saha kabo Yaubada huya matadawai ye hemasalahadi ne tautaudi.

Hemasalaha 1:8

Guiyau ye wane, “Yau Alepa yo Omega, ginauli maudoidi yodi kabahetubu yo yodi kabagehe. Yau ede wau teina, huya bagubagunana unai, yo huya sola kabo se laoma ne udiyedi. Yau Guiyau Yaubada Gigibwalikalilina.”

Hemasalaha 11:17

se wane, “Guiyau, kowa Yaubada Gigibwalikalilina. Kowa ede wau teina yo huya bagubagunana unai. Ka lautokiyeigo, matawuwuna ede yom gigibwali lakilakikalilina unai ku hetubu tanoubu ta ku tanuwagai.

Hemasalaha 14:3

Na tamowai 144 tausani wa wana hauhauna se wanai Yaubada yona telona yo suisui maumaulidi hasi yo babadao wa talanuwadiwai. Nige gonowana hesau wana ta ye wanai, na siya taudi 144 tausani tanoubu ta unai Yaubada ye yailihaidiko wa se bom mo gonowadi wana ta se wanai.

Hemasalaha 14:8

Anelu bagubagunana ye lau na kabo helabuina ye mulitama ye wane, “Ye tatagwaligwali, ye tatagwaligwali! Magai lakilakina Babiloni ye tatagwaligwaliko. Iya yona gadosisi bikibikidi doha waina bayabayaona unai tamowai ye henumadi. Teina unai basileiya maudoidi ye woyahesuwaladi na se baꞌaya.”

Hemasalaha 17:14

Wasawasa saudoudoi yo suisui wa kabo Mamoe Natuna se iyalai, na Mamoe Natuna kabo ye saedikwaidi, matawuwuna ede iya guiyau yodi Guiyau yo wasawasa yodi Wasawasa. Yo iya maiyanao meta yona yogayogahai yo kaisunuwa yo tautolotahitahi tamowaidi.”

Hemasalaha 19:16

Iya lakwana unai na kana kaleko ne unai meta hesana hesau kulikulina. Iya ede: Wasawasa yodi Wasawasa yo guiyau yodi Guiyau.

Hemasalaha 19:2

matawuwuna yona hekasa maudoidi ta se mamohoi yo se dudulai. Iya meta waihiu ganaganawalina saesaena wa ye hekilainoyako. Waihiu wa tanoubu ta tauheyababana yona laulau bikibikidi ne udiyedi, yo Yaubada yona heyayai tauhaidi kwasinadi ye hebwalilidi. Unai kadi gum Yaubada ye haidi.”

Hemasalaha 4:8

Ginauli maumaulidi hasi wa meta kesega kesega pepenao haligigi-kesega (6) yo taudi maudoina yo pepedi gunidiyao udiyedi meta mata se hemwayaudi. Mayadai yo boniyai udiyedi nige se kaiyawasi na se hedehedebasae se wane, “Tabuna, tabuna, tabuna, kowa Guiyau Yaubada Gigibwalikalilina. Kowa ede huya bagubagunana unai, wau teina, yo huya sola kabo se laoma ne udiyedi.”