Hemasalaha 14:7 - Youbada wasana: Buka Houhauna tupwana

⁷ Ye hedehedede ma kalinalakilakina ye wane, “Yaubada bena kwa hekasisiyei yo kwa hededetausaei, matawuwuna hekasa mahanana ye lagemako. Galewa yo tanoubu yo gabwa yo waila bonobonowasidi tauhetubudi wa kwa kaihelahui.”

Hemasalaha 14:7 ပူးပေါင်းရင်းမြစ်များ

Mataiyo 25:13

[Na Yesu ye hededehasahasaidi ye wane,] “Unai bena kwa silasilawa, matawuwuna ede Tau Natuna yona laoma mayadaina yo mahanana meta nige kabina kwa kata.”

Apostolo 14:15

“Kama bodao, idohagi to doha teina kwa ginauli? Kai meta tamowaigaibu doha komiu. Na wasa namwanamwana ka leyama yo ka hededelaowa bena yomi laulau nige kaniyodi ta kwa tolehesuwaladi na kwa nuwabui Yaubada maumaulina unai. Galewa yo tanoubu yo gabwa yo hinage ginauli maudoidi udiyedi se bawa, ginauli maudoidi ta tauginaulidi ede iya.

1 Petelo 4:7

Na ginauli maudoidi tanoubu ta unai kadi siga ye hanahanaumako, unai ede bena kwa silasilawa yo nuwanuwatu dudulaidi udiyedi kwa miya, na unai gonowana kwa tapwalolo.

Hemasalaha 11:13

Tenem mahanana ne unai mwanikunikulakilaki ye tubu. Na Yaubada magai lakilakina wa ye boli teha saudoudoi na teha kesega meta ye tatagwaligwali. Mwanikuniku wa unai meta tamowai badona 7,000 se boita. Na siya taumaumauli maudoidi se matausikalikalili, ede Yaubada galewa ne unai se kaihelahui.

Hemasalaha 11:18

Tanoubu ta basileiyadi se koipilikalikaliliko, na yom huyakouyalayala mayadaina meta ye lagema. Mahanana ye lagema bena tauboiboita ku tolehekasadi, yo yom heyayai tauhaidi peloweta wa, yo yom tamowai, yo siya kaiteyadi hesam tauhekasisiyeina, gagilidi yo lakilakidi, kainauya kabo ku moseidi. Yo mahanana ne unai kabo hinage tanoubu ta tauheyababana ku heyababadi.”

Hemasalaha 15:4

Oo Guiyau, tamowai maudoidi bena se hekasisiyego yo se hededetausaego, matawuwuna kowa ku bom ku tabu. Basileiya maudoidi kabo se laoma se kaihelahuigo, matawuwuna yom laulau dudulaidi ku hemasalahadi se kitadiko.”

Hemasalaha 16:9

Unai mahana gigibwalina lakilakina wa tamowai ye gabuheyababadi, iyamo yodi laulau yabayababadi udiyedi meta siya nige se nuwabui na Yaubada se hededetausae, na se tolo ede Yaubada, iya yababa lakilakidi tanuwagadi wa, hesana se hededeheyaheyababa.

Hemasalaha 18:10

Kedalohalohawai se totolo, matawuwuna hekamkamna ye hekalo wa se matausiyei, na se wane, “Kapole! Kapole Babiloni, kowa magai lakilakina yo bayabayaona! Iyamo mahana kubwakubwana mo unai kam heyababa ku lobai!”

Hemasalaha 18:17

Iyamo mahana kubwakubwana mo unai wasawasa maudoidi ta se tauwadam!” Taukune yodi waga kapinadi, yo waga unai taugelu yo waga taupaisowaidi maudoidi, yo siya kaiteyadi gabwa ne unai yodi namwanamwa se haihaidi meta kedalohalohawai kabo se totolo.

Hemasalaha 18:19

Kabo kahusa se hesulusaedi kuludi ne udiyedi, na se siyayau yo se doukalili na se wane, “Kapole! Kapole kowa magai lakilakina. Kowa yom wasawasaena waga tanuwagadiyao se gogo! Na huyakubwakubwa mo unai ku tatagwaligwali.”

Hemasalaha 19:5

Kabo telona wa unai kalina hesau ye laoma ye wane, “Yoda Yaubada kwa hedebasaei, komiu yona heyayai tauhaidi yo tauhekasisiyeina, komiu tamowai dobidobidi yo tamowai saesaedi.”

Hemasalaha 4:11

“Yoma Guiyau, kowa ede yoma Yaubada. Ku namwakalili, unai ka hedebasaego yo ka hekasisiyego, yo yom gigibwali debanawai ka tabaꞌohuigo. Matawuwuna kowa ginauli maudoidi tauhetubudi yo yom nuwanuwatu unai se tubu yo se miya.”

Hemasalaha 4:9

Na huyana ginauli maumaulidi hasi wa yodi hedebasae yo hekasisi yo lautoki se mosei iya telona unai tautuli yo miyamiyahaina wa kalinawai,

Hemasalaha 8:10

Anelu hehaiyonana yona bwagigi ye yuhi, kabo kipwala lakilakina ye kalapulupululu doha osili galewa ne unai ye bekudobi. Na Yaubada sagasaga yo waila bonobonowasidi maudoidi ye hekasadi teha haiyona, na teha kesega unai kipwala wa ye taludobi.