Hemasalaha 12:2 - Youbada wasana: Buka Houhauna tupwana

² Waihiu wa meta ye diyaka. Na yona huyalabalaba ye hanahanauma, na kamkamnana debanawai ede ye doudou.

Hemasalaha 12:2 ပူးပေါင်းရင်းမြစ်များ

Mataiyo 24:8

Ginauli saha se tubu ne meta ginauli nuwamatamatausidiyao sola kabo se laoma ne yodi kabahetubu ede.

Yowane 16:21

Waihiu diyadiyakana bena ye labalaba meta kabo ye kamkamnakalili, matawuwuna yona labalaba mahanana ye lage. Na huyana natuna ye labasi meta yona kamkamna wa ye nuwaluluhiyei, matawuwuna ede natuna wa ye labasiyamako tanoubu ta unai. Teina ta meta ye hemala yona gwauyala.

Galatiya 4:19

Natuguwao, debamiuyena meta kamkamna lakilakina ya hekaloꞌuyoi doha labalaba kamkamnana, na kamkamna ta kabo ye lau ee Keliso kana kao ye masalaha yo ye tubu kalimiuyena.

Galatiya 4:27

Iya ede kulikuli tabuna unai se kuliyako se wane, “Kowa waihiu kobokobosina nige natum, bena ku gwauyala. Kowa nige labalaba kamkamnana hesau kamnana ku lapui, iyamo bena ku wana yo ku gwauyala, matawuwuna waihiu miyamiyagologolowana natunao kabo se badokalili na kabo waihiu tawatawasolana.” (Aisaiya 54:1)

Hemasalaha 12:4

Na delegoni kipwala maudoidi ye hekasadi teha haiyona, na giuna wa unai teha kesega kipwalana galewa ne unai ye kuyahebekudima tanoubu ta unai. Na waihiu wa nige bayaona kabo ye labalaba na talanuwana wa unai meta delegoni ye totolo na ye nayanaya bena waihiu ne natuna ye labasi kabo ye kai.