Titə 3:9 - Maktub gə́ To gə Kəmee

⁹ Nɛ ta dəji mbə gə́ dəji ləm, gə ta gə́ wɔji dɔ ginka dəwje ləm, gə takɔl ləma, gə tamaḭ gə́ wɔji dɔ godndu lé ləm tɔ, ɔs dee rəw, mbata dee to gə́ taje gə́ to gə́ né el ləm, to gə mḭdé ba ləm tɔ.

Titə 3:9 ပူးပေါင်းရင်းမြစ်များ

Maktub gə́ wɔji dɔ Jɔb 15:3

See taje gə́ gə mḭdé ba, Gə taje gə́ askəm ra né kára el ɓa, yeḛ a taa ne dɔ rəa wa.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Njé gə́ Kɔrḭtə 8:1

Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree.

1 Timote 4:7

Sutaje gə́ gə mḭdé ba gə́ ko̰ denéje pa lé unda ɓad.

2 Timote 2:14

Maji kolé meḛ dee dɔ taje’g neelé, tɔg dee ne no̰ Ala’g mba kar dee d’əw rɔ dee maḭ na̰ ta dɔ tapa dee’g, mbata maḭta gə́ togə́bè to gə́ né el nɛ yee tuji dee gə́ d’oo taree gə mbi dee.

2 Timote 2:16

Maji kari uba ta gə́ gə mḭdé ba ləm, gə ta gə́ kori-kori ləm tɔ ya̰ mbata deḛ gə́ njépa taje gə́ togə́bè lé d’a kɔs ne Ala rəw kəm dee gə́ kédé-kédé ləm,

2 Timote 2:23

Ta dəji mbə gə́ gə mḭdé ba lé ɔs rəw gə́ raŋg mbata i gər gao ta dəji gə́ togə́bè ɓa oji kɔl ya.

Titə 1:14

mba kar dee nai dɔ sutaje’g lə Jibje əsé dɔ torndu dəwje gə́ d’uba kankəmta d’ya̰ lé el ləm tɔ.

Maktub gə́ Jak ula ne ar ngan-Allaje 4:1

See rɔ gə́ dəwje rɔ na̰ lé see ginee ḭ ra wa. Gin kəm ŋgununu gə́ to mbuna sí’g lé see ḭ ra ɓəi wa. Mal néje gə́ ula pər meḛ sí’g lé see yee ɓa gə́ gin koma̰ gə́ barkəmrɔ síje d’oma̰ gə na̰ el wa.