Titə 3:3 - Maktub gə́ To gə Kəmee

³ Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Titə 3:3 ပူးပေါင်းရင်းမြစ်များ

Gḭ-Néje 38:9

Nɛ Onan lé gər gao to gə́ ŋganje neelé d’a to kea̰ yeḛ-je el ndá loo gə́ yeḛ to gə dené lə ŋgokea̰ lé ndá yeḛ sané mán rəa naŋg kad mba karee oji ŋgon tor ŋgokea̰’g lé el.

Gḭ-Néje 39:16

Yeḛ ŋgəm kubu lə Jisəb mbɔree’g saar ɓé-Jisepje tel ree kəi.

Pakɔsje 36:2

Ta gə́ ərm lə njeramajel lé To dɔɓəŋgəree’g kəi kɔrɔg, Ɓəl Ala yeḛ oo gə́ né kəmee’g el.

Gosota-Kəmkàrje 8:5

Seḭ gə́ gərje né el lé Maji kar sí ndooje loo-kɔrkəmné, Seḭ mbəje lé Maji kar sí ndooje gosonégər tɔ.

Gosota-Kəmkàrje 9:6

Maji kar sí ubaje négərel lé yá̰je Ndá a síje tɔɓəi Seḭ a njaaje dan rəw’g lə gosonégər!

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Abdias 1:3

Ti gə́ i ti rɔi lé ɓa ari rəm ne ya, I gə́ ra ɓee mee bolè mbalje’g, I gə́ loo-sii to dɔ looje gə́ tar, I gə́ ula rɔi pana: See na̰ ɓa a kɔsi kalaŋ kilai naŋg wa lé,

Matiyo 21:29

Yeḛ ilá keneŋ pana: Ma m’ndigi el. Gée gə́ gogo yeḛ la̰ji toree mée’g ndá tel ɔd aw keneŋ.

Lugu 21:8

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el. Njé gə́ na̰je d’a kun rim ree ne d’a pana: To ma nja ndá ndəa nai dəb ya. Nɛ ndolèje goo dee el.

Tagə́maji gə́ Ja̰ ndang 8:34

Jeju tel ila dee keneŋ pana: Ma m’ula sí təsərə, nana ɓa gə́ ula rəa dan kaiya’g mbiriri ndá yeḛ to ɓər lə kaiya ya.

Njé gə́ Rɔmə 11:30

To gə́ kédé lé seḭ nja alje ta ta Ala’g ɓa mbɔl dɔ kalta lə Israɛlje lé ɓasinè seḭ iŋgaje ne meekɔrjol lə Ala lé ɓəi,

Njé gə́ Rɔmə 6:12

Maji kar kaiya uba dɔ sí si tar el ləm, telje rɔ sí goo malee gə́ ra sí’g el ləm tɔ.

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

Njé gə́ Rɔmə 6:6

Jeḛ n’gər gao dəw gə́ ləw gə́ wɔji dɔ darɔ sí lé ɗaree səa na̰’d kaar kag-dəs’g mba kar darɔ sí gə́ to ɓər lə kaiya lé tuji ne ɓó gə mba kar sí n’toje ne ɓərje lə kaiya lé gogo el ŋga.

2 Njé gə́ Kɔrḭtə 12:20

Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g.

Njé gə́ Galati 6:3

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya.

Njé gə́ Kolosə 1:21

Seḭje gə́ kédé seḭ undaje rɔ sí ɓad rɔ Ala’g ləm, takə̰ji lə sí gə néra gə́ majel lə sí lé seḭ toje ne njéba̰je ləa ləm tɔ lé ɓasinè mbɔl dɔ kwəi gə́ ŋgonee oso vad wəi gə darəa lé ɓa yeḛ udu ne kəm ba̰ lə sí jigi,

Njé gə́ Kolosə 3:7

Kédé lé seḭje kara seḭ njaaje mbuna deḛje’g neelé loo gə́ seḭ síje ne dan kaiyaje’g neelé ɓəi.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

2 Timote 3:6

Njé gə́ na̰je mbuna dee’g lé ta̰d kudu na̰’g mee kəije’g lə dəwje ndá mbə-denéje gə́ takə̰jije lə dee àr el ləm, to gə́ njékaiyaje gə́ mal néje gə́ ɓəd-ɓəd wa meḛ dee ləm tɔ lé d’wa dee gə́ ɓər.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Maktub gə́ Jak ula ne ar ngan-Allaje 1:26

Ɓó lé dəw gə́ rara ɓa, ə̰ji mée’g pana: Neḛ n’to dəw gə́ tədkag Ala, nɛ yeḛ ar təa to kwɔji el ndá yeḛ ər kəm rəa, kag Ala gə́ yeḛ pana: Neḛ təd lé to né gə́ sḭ ɓəi tɔ.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.