Titə 2:12 - Maktub gə́ To gə Kəmee

¹² Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Titə 2:12 ပူးပေါင်းရင်းမြစ်များ

Pakɔsje 105:45

Gə mba kar dee tɔs ne kəm dee bao-bao dɔ ndukunje’g ləa lé ləm, Gə mba kar dee d’aa ne dɔ godndiaje kər-kər ləm tɔ. Pidije Njesigənea̰.

Pakɔsje 4:3

Seḭ dəwje lé see ndɔ gə́ ra ɓa seḭ a kəwje rɔ sí Kulaje sul dɔ rɔnduba’g ləm wa. See ndɔ gə́ ra ɓa seḭ a kəwje rɔ sí Ndigije néje gə́ gə mḭdé ba ləm, Ǝsé ndolèje goo taŋgɔmje ləm tɔ wa.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Matiyo 12:32

Nana ɓa gə́ ila ta dɔ Ŋgon-dəw’g lé ndá Ala a koo loo kar mée ti mbidi dɔ’g ya. Nɛ nana ɓa gə́ a kila ndɔl dɔ Ndilmeenda’g ndá Ala a koo loo kar mée ti mbidi dɔ’g wəl nee el ləm, əsé ləbje gə́ a gə teḛ el ləm tɔ.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Lugu 1:75

J’a njaa nea̰’g gə́ njémeendaje gə njémeekarabasurje Ndɔ sí ndɔ sí gə́ j’a si gə kəmə lə sí lé ləm tɔ.

Tagə́maji gə́ Ja̰ ndang 14:30

M’a koo loo kula sí ta yaa̰ el ŋga, mbata mbai gə́ naŋg neelé si aw gə́ nee. Nɛ yeḛ askəm ra səm né kára el.

Tagə́maji gə́ Ja̰ ndang 6:25

Deḛ d’iŋgá kel turá nu ndá dəjee pana: Mbai see i teḛ loo gə́ nee’g kàr ban wa.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Néra Njékaḭkulaje 24:25

Nɛ loo gə́ Pool pata wɔji ne dɔ meekarabasur ləm, gə kunda kəmkàr dɔ rɔ’g ləma, gə rəwta-gaŋg gə́ a gə ree ləm tɔ ndá Pelis ɓəl ulá pana: Sa rɔi ɓasinè aw. Loo gə́ m’a kiŋga loo ɓa m’a kula-kula ɓari ɓəi.

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Njé gə́ Rɔmə 6:12

Maji kar kaiya uba dɔ sí si tar el ləm, telje rɔ sí goo malee gə́ ra sí’g el ləm tɔ.

Njé gə́ Rɔmə 6:19

Tapa dəwje ɓa m’un gosee m’ula sí ne mbata kunda ndolé lə darɔ sí lé. To gə́ seḭ waje dəb rɔ sí gə́ ɓər lə ram-né gə néra gə́ kori-kori mba kuru ne dan néra gə́ kori-kori’g ndá ɓasinè lé maji kar sí waje rɔ sí gə́ ɓər lə meekarabasur gə mba teḛ ne gə́ dəwje gə́ to gə kəmee lé.

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Galati 1:4

Yeḛ nja ya̰ rəa ar yoo mbata kaiya lə sí, mba kwa sí wɔgədɔ kɔr sí dan néra gə́ majel gə́ dɔ naŋg nee mee ləb gə́ ɓasinè’g to gə́ mee Ala Bɔ síjeḛ wɔji lé tɔ.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Njé gə́ Epesə 2:2

gə́ seḭ ya̰je rɔ sí keneŋ yag kédé loo gə́ seḭ taaje kila gɔl dəwje gə́ dɔ naŋg nee, ndolèje ne goo mbai gə́ njeko̰ɓee gə́ pən dara gə́ to ndil gə́ ra kula ɓasinè meḛ njékaltaje’g lé ləm tɔ.

Njé gə́ Kolosə 1:22

mba kar sí teḛje aarje nea̰’g gə́ njémeendaje ləm, mba meḛ sí ila ɓal el ləma, mba kar ta kára kara wa dɔ sí’g el ləm tɔ.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

1 Njé gə́ Tesalonikə 4:9

Ta gə́ wɔji dɔ kunda ŋgako̰ síje dan kəm sí’g lé to né gə́ seḭ awje ndòo maktubee el, mbata Ala nja ndoo sí ar sí gərje loo kunda na̰ dan kəm na̰’d mba̰ ya.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Timote 6:9

Nɛ deḛ gə́ ndigi tel baoje lé d’oso ne dan nékər’g ləm, gə dan gum’g ləm tɔ, mal némbəje gə néyèrje gə́ ɓugu dəwje dan tuji’g ar dee tuji ne pugudu lé ra dee tɔ.

2 Timote 3:12

Tɔgərɔ ya, dəwje lai gə́ ndigi ra ɓee gin Kristi’g təd ne kag Ala ndá d’a kula kəm dee ndòo ya.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Ǝbrəje 8:11

Dəw kára kara a ndoo maree əsé ŋgokea̰ pana: Maji kar sí gərje Mbaidɔmbaije, a pa bèe el ŋga, Mbata deḛ lai d’a gərm təsərə, Un kudee dɔ dəwje gə́ gɔ-gɔ saar teḛ ne dɔ deḛ gə́ boo-boo mbuna dee’g ya.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 3:11

To gə́ néje lai neelé d’a gə roo dula-dula togə́bè nɛ ɓəd ɓa see seḭ a toje dəwje gə́ to gə kəmee gə goo panjaa sí ləm, gə néra sí gə́ aw gə goo ka̰ Ala ləm tɔ lé el wa.

1 Ja̰ 2:27

Kɔr gə́ yeḛ ɔr sí unda sí gə kəmee lé nai sə sí ɓəi, yee ɓa seḭ awje ne ndòo njendoo sí né dɔ maree’g el ŋga, nɛ to gə́ ndia gə́ yeḛ tɔr dɔ sí’g lé to né gə́ tɔgərɔ ɓó to né gə́ ŋgɔm el, yeḛ nja ɓa a ndoo sí néje lai lé ndá maji kar sí naije səa gə goo ta gə́ seḭ taaje mba̰ lé tɔ.

1 Ja̰ 2:6

Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.

1 Ja̰ 5:19

Jeḛ n’gər gao, jeḛ lé n’to gə́ ka̰ Ala ləm, loo gə́ naŋg nee bura nai gel siŋgamoŋ lə njetakori’g ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.

Loo gə́ killa rea kəm Ja̰’g 14:12

Yee neelé to meekai sam-sam lə dee gə́ to gə kəmee gə́ d’aa dɔ godnduje lə Ala kər-kər ləm, d’aar njaŋg dɔ meekun gə́ deḛ d’un d’ar Jeju ləm tɔ.