Titə 1:9 - Maktub gə́ To gə Kəmee

⁹ Kankəmta gə́ deḛ ndée ɓa maji karee wa mée dɔ’g, yee ɓa yeḛ a kaskəm ndəji dee ne ta ndoo gə́ àr lé ləm, a kal ne gin njémaḭtaje ləm tɔ.

Titə 1:9 ပူးပေါင်းရင်းမြစ်များ

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 27:6

Ta néram gə́ to gə dɔ najee lé M’aar keneŋ njaŋg ɓó m’a rəm keneŋ el. Meem ila ta dɔ ndɔje’g ləm kára kara el.

Gosota-Kəmkàrje 23:23

Iŋga kankəmta ndá rabee ndogee el, Kəmkàr gə tandoo gə gosonégər kara ra sə dee bèe ya tɔ.

Néra Njékaḭkulaje 18:28

Mbata yeḛ maḭta gə Jibje kəm dəwje’g təsərə tɔji dee gə goo ta gə́ to mee maktub gə́ to gə kəmee lé ar dee d’oo to gə́ Jeju lé to gə́ Kristi ya.

1 Njé gə́ Kɔrḭtə 14:24

Ɓó lé deḛ lai gə́ d’isi keneŋ tegginta ɓa njetar-Ala əsé dəw gə́ ḭ raŋg andə mbuna dee’g ndá ta gə́ d’ɔr lé a kun dəa ləm, a kwá ləma

1 Njé gə́ Tesalonikə 5:21

Nɛ tenje néje lai, waje meḛ sí ndər dɔ néje gə́ maji’g.

2 Njé gə́ Tesalonikə 2:15

Bèe ndá, ŋgako̰ síje, aarje dɔ gɔl sí’g njaŋg ləm, waje meḛ sí kɔgərɔ dɔ ta gə́ jeḛ ndòo sí’g, yeḛ gə́ jeḛ m’pa gə ta sí gə yeḛ gə́ ndaŋg gə maktub ɓa j’ar sí lé ləm tɔ.

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

1 Timote 1:15

Ta neelé to ta gə́ gəd ya ləm, to ta gə́ kəm kar nana kara taa ɔm mée dɔ’g jəb-jəb ləm tɔ: Jeju Kristi ree naŋg nee mba kaji njékaiyaje, nɛ ma nja m’to gə́ doŋgɔr lə dee.

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 4:9

Ta neelé to kankəmta gə́ kəm taa kɔm məəi dɔ’g jəb-jəb ya.

1 Timote 6:3

Ɓó lé nana ɓa ndoo dee ta gə́ to ɓəd ɓó reḛ́ dɔ kankəmta’g lə Jeju Kristi Mbaidɔmbaije lé el ləm, əsé dɔ kwa Ala mée’g gə goo rəbee el ləm tɔ

2 Timote 1:13

Tɔs kəmi dɔ kankəmta gə́ i oo tam’g, ra née gə meekun ləm, gə meenoji gə́ ḭ rɔ Jeju Kristi’g ləm tɔ.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

2 Timote 2:25

Deḛ gə́ d’oma̰ səa kara yeḛ a gɔl dee gə ndu noji ya mba kar Ala ar dee d’un ne kəm dee rəw dɔ kaiya’g lə dee mba kar kəm dee inja dɔ kankəmta’g tɔ.

2 Timote 3:14

I lé ta gə́ i ndoo, taa gə məəi lé maji kari aar keneŋ njaŋg mbata dəw gə́ njendooi néje neelé i gəree gao.

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

Titə 1:11

Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ.

Titə 2:1

I lé maji kari ula dee ta néje gə́ d’aw na̰’d gə ta ndoo gə́ gəd lé.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.

Loo gə́ killa rea kəm Ja̰’g 2:25

Nɛ dɔgea̰ gə́ nai gə́ seḭ iŋgaje lé waje kɔgərɔ saar m’a ree keneŋ ɓəi.

Loo gə́ killa rea kəm Ja̰’g 3:11

Waga ɓa m’a ree ɓəi. Wa néje gə́ to jii’g lé kəgəgə mba kar dəw kára kara taa dɔgugu ləi el.

Loo gə́ killa rea kəm Ja̰’g 3:3

Ar məəi olé dɔ ta gə́ i ndoo’g taa gə məəi ləm, reḛ́ keneŋ rḛ́-rḛ́ ləm tɔ ndá wa ndòo rɔi dɔ kaiya’g ləi tɔ. Ɓó lé i teḛ kəmi el ndá m’a teḛ dɔi’g asəna gə njeɓogo bèe nɛ i a gər kàree gə́ m’a gə teḛ ne dɔi’g el.