Titə 1:7 - Maktub gə́ To gə Kəmee

⁷ Mbata kisi gə́ dəw gə́ njegelgodo ɓa gə́ kuma̰ karee to ne njekaa dɔ kula lə Ala lé. Maji karee to njekəsta el ləm, əsé njera oŋg kalaŋ el ləm, əsé a to ɓər lə kido el ləm, əsé a ra né kərm-kərm el ləma, əsé a to njeko̰laolar el ləm tɔ.

Titə 1:7 ပူးပေါင်းရင်းမြစ်များ

Gḭ-Néje 49:6

Ma lé m’ɔm sə dee na̰’d dɔ tapa dee’g gə goo ŋgəḭ el ləm, Ndiləm ɔm sə dee na̰’d loo-kwa-dɔ-na̰’g lə dee el ləm tɔ! Mbata deḛ tɔl dəwje gə goo oŋg gə́ to meḛ dee’g ləm, Deḛ tḭja kwɔi bɔ maŋgje lé Gə goo meeyèr lə dee lé ləm tɔ.

Gosota-Kəmkàrje 14:17

Dəw gə́ oŋg ḭ səa kalaŋ lé ra némbə, Dəw gə́ gosɔyèr taa mée pəl-pəl ndá d’ə̰jee bəḭ-bəḭ tɔ.

Gosota-Kəmkàrje 15:18

Dəw gə́ njemeekḭ jugugu ɔs gel takɔlje, Nɛ yeḛ gə́ ar oŋg ḭ səa kalaŋ el lé Gɔl takɔl na̰ ya.

Gosota-Kəmkàrje 16:32

Yeḛ gə́ ar oŋg ḭ səa kalaŋ el lé Maji unda bao-rɔ ləm, Yeḛ gə́ to dəw dɔ rəa lé ɓa Maji unda yeḛ gə́ njetaa ɓee-booje ləm tɔ.

Njekillamber 7:9

Maji kari ḭ kalaŋ ra oŋg el Mbata oŋg lé ra ɓee meḛ mbəje’g.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Ejekel 44:21

Njekinjanéməs kára kara a kai mán-nduú gə́ mḭ loo gə́ yeḛ a kandə mee gadloo gə́ kəi kɔrɔg lé el.

Ləbije 10:9

Loo gə́ seḭ a gə ka̰dje kəi-kubu-kiŋga-na̰’g ndá i gə ŋganije na̰’d lé seḭ a kaije mán-nduú gə́ mḭ el ləm, əsé nékai gə́ mḭ el ləm tɔ, nà seḭ a kwəije, yee neelé a to godndu gə́ a to gə no̰ mbata lə ŋgaka síje gə́ kédé-kédé

Matiyo 24:45

See na̰ ɓa gə́ kura gə́ majikoji gə́ inja paw gə́ mbai ləa aree si dɔ kuramareeje’g gə mba kai dee nésɔ dee gə lée-lée lé wa.

Lugu 12:42

Mbaidɔmbaije ilá keneŋ pana: See na̰ ɓa gə́ kura gə́ to majikoji gə́ inja paw gə́ mbai ləa aree si gə́ njekaa dɔ kuraje’g ləa gə́ raŋg gə mba kai dee nésɔ dee gə lée-lée lé wa.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

Njé gə́ Pilibə 1:1

Ma Pool, jeḛ gə́ Timote, kuraje lə Jeju Kristi lé jeḛ ndaŋg maktub neelé j’ar sí-seḭ gə́ toje gə kəmee gə́ ɔmje na̰’d gə Jeju Kristi gə́ sije Pilibə ləm, j’ar njékaa dɔ Eglisəje gə njékaa dɔ néje lə Eglisəje ləm tɔ.

Titə 1:5

Yee ɓa ma m’ya̰’i ne Krètə mba kari gɔl néje lai gə́ lal gɔl gə́ to gə goo rəbee el ɓəi ləm, mba kunda ŋgatɔgje gə ɓee kára-kára lai gə goo rəw gə́ ma m’wɔji lé ləm tɔ.

Titə 2:3

Maji kula denéje gə́ tɔg lé mba kar néra dee inja paw gə meenda ləm, kar dee d’unda nani el ləm, kar dee d’wa rɔ dee gə́ ɓərje lə kido el ləma, kar dee ndoo ne dəwje ta gə́ maji ləm tɔ.

1 Piɛrə 4:10

Nana ɓa gə́ Ala aree nénoji lé ndá maji karee ar mareeje mbo̰ səa na̰ dɔ’g. Togə́bè ɓa seḭ a toje ne kankəm njékaa dɔ nénojije lə Ala gə́ ɓəd-ɓəd lé ya.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.