Titə 1:5 - Maktub gə́ To gə Kəmee

⁵ Yee ɓa ma m’ya̰’i ne Krètə mba kari gɔl néje lai gə́ lal gɔl gə́ to gə goo rəbee el ɓəi ləm, mba kunda ŋgatɔgje gə ɓee kára-kára lai gə goo rəw gə́ ma m’wɔji lé ləm tɔ.

Titə 1:5 ပူးပေါင်းရင်းမြစ်များ

1 Sôrta Gḭka-Israɛlje 6:32

gə́ to ŋgolə Mali gə́ to ŋgolə Musi gə́ to ŋgolə Merari gə́ to ŋgolə Ləbi.

Njekillamber 12:9

Njekilamber lé to gə́ njekəmkàr ɓa goo kára ba el nɛ yeḛ ndoo koso-dəwje loo gər-gin-né ləm, yeḛ tən gosotaje bula ləm, yeḛ ə̰də gel dee ləma, yeḛ unda dee gə nduree-nduree ləm tɔ.

Esai 44:7

See na̰ ɓa pata néje gə́ d’a gə ree kédé To gə́ ma m’pa ne taree Un kudee mee ndəa’g m’unda ne dəwje gə́ ləw lé wa. Maji karee pa taree am m’oo! Maji karee pata néje gə́ nai no̰ sí’g ləm, Gə néje gə́ d’a gə ree gogo lé ləm tɔ.

Ləbije 14:42

D’a kodo kɔr mbalje gə́ raŋg mba tula dee tor nje gə́ kédé’g tɔɓəi d’a kodo bɔrɔ gə́ raŋg mba rḛdə ne mee kəi lé mbiao̰-mbiao̰ tɔ.

Néra Njékaḭkulaje 11:30

D’ɔm néje lə dee ji Barnabas gə Sool’g d’ar dee d’aw ne d’ar ŋgatɔgje lé tɔ.

Néra Njékaḭkulaje 14:23

Deḛ d’ɔr ŋgatɔgje mee Eglisəje gə loo kára-kára lai tɔɓəi loo gə́ deḛ ra tamaji ɓa d’ɔg meḛ dee ɓoo ɓəi ndá d’ɔm dee ne ji Mbaidɔmbaije’g yeḛ gə́ d’un meḛ dee d’aree lé.

Néra Njékaḭkulaje 2:11

gə Kretəje ləma, gə Arabəje ləm tɔ lé see j’aar na̰’d j’oo ndu dəwje neelé d’ɔr gin néra Ala gə́ maji dum gə ta koji sí koji sí to gə́ ban ɓa bèe wa.

Néra Njékaḭkulaje 27:12

Tɔɓəi to gə́ kəmkai neelé to maji kəm si keneŋ naḭ kuli el ndá deḛ gə́ d’wɔji mba kḭ kwa rɔ dee kɔgərɔ kaw teḛ Penis, kəmkai gə́ Krètə gə́ to par gə́ dɔkɔl gə́ par gə́ dɔ-gó ləm, gə par gə́ dɔgel gə́ par gə́ bər ləm tɔ mba ra naḭ kul keneŋ lé deḛ bula d’unda mar deeje.

Néra Njékaḭkulaje 27:13

Lel ḭ gə́ dɔgel bèe dan pə-pə ar dee d’ə̰ji meḛ dee’g pana: Né gə́ n’wɔjije lé ɔm neḛje keneŋ ya ndá d’ɔr riŋgi-kwa-bato d’ila mée’g d’aw gə kaar koŋgo gə́ dɔgoré-loo gə́ Krètə.

Néra Njékaḭkulaje 27:21

D’usɔ né el ləw ba. Yen ŋga Pool ḭta dan dee’g ula dee pana: Wah dəwje, to kəm kar sí ooje ta ləm loo gə́ m’pana: A kḭje Krètə el ɓəi, bèe ɓa gə mba kar tuji oso dɔ sí’g el ləm gə dɔ néje gə́ lə sí el ləm tɔ.

Néra Njékaḭkulaje 27:7

Ndɔ sí bula j’aw mán jan-jan saar n’tuga loo teḛ, j’oo dɔ Nidə no̰ sí’g dil, nɛ j’oo loo kwa naŋg keneŋ el mbata lel ɔs sí rəw. Jeḛ n’dəs dɔgoré-loo lə Krètə, par gə́ ɓee lə Salmɔnə.

1 Njé gə́ Kɔrḭtə 11:34

Ɓó lé nana ɓa mbuna sí’g ɓa ɓoo tɔlee ndá maji karee sɔ né kəi ləa-yeḛ, yee ɓa maji unda kar sí waje dɔ na̰ ilaje ne ta dɔ sí’g. Ges taje gə́ nai lé m’a gɔl kar sí loo gə́ m’a teḛ rɔ sí’g lé ɓəi.

1 Njé gə́ Kɔrḭtə 14:40

Maji kar néra sí lai wa bea ləm, gə aw na̰’d béréré ləm tɔ.

1 Njé gə́ Kɔrḭtə 4:17

Gelee gə́ nee ɓa ma m’ula ne Timote rɔ sí’g, yeḛ to ŋgonəm gə́ to gə́ ŋgonkəm, yeḛ to gə́ majikoji no̰ Mbaidɔmbaije’g lé tɔ. Yeḛ nja ɓa a nja̰ gin néram gə́ wɔji dɔ Jeju Kristi gə́ ma m’ndoo dee taree mee Eglisəje gə loo kára-kára lai lé.

Njé gə́ Kolosə 2:5

Mbata ɓó lé darɔm godo rɔ sí’g kara ndiləm nai sə sí ya, am m’oo néje lai gə́ seḭ raje mbuna na̰’d to gə goo rəbee ləm, seḭ aarje njaŋg dan meekun’g lə sí gin Kristi’g lé ləm tɔ ɓa m’ra ne rɔlel ya.

1 Timote 1:3

Ma m’olé məəi dɔ ta gə́ ma m’ndəjii loo gə́ m’ḭ rɔi’g mba kaw Masedoinə ɓa m’ɔgi naŋg Epesə mba kari ndəji njé gə́ na̰je kar dee d’un ta ndooje gə́ raŋg ndoo ne mar deeje el ŋga ləm,

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

Titə 1:12

Njekɔrginta lə dee-deḛ kara pata wɔji ne dɔ dee pana: Njé gə́ Krètə, njétədndataje ləm, njékuba meḛjoŋgje ləma, gə njé gə́ dab uru kəi meḛ dee’g ləm tɔ.