Titə 1:14 - Maktub gə́ To gə Kəmee

¹⁴ mba kar dee nai dɔ sutaje’g lə Jibje əsé dɔ torndu dəwje gə́ d’uba kankəmta d’ya̰ lé el ləm tɔ.

Titə 1:14 ပူးပေါင်းရင်းမြစ်များ

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Mark 7:7

Deḛ d’wam meḛ dee gə mḭdé-mḭdé ba ləm, Deḛ ndoo dee torndu dəwje ba ləm tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Kolosə 2:22

Ta ndooje neelé ɓó lé taaje rəgm raje née ndá a tujije ne. See tum gin dee dɔ ne tornduje gə ta ndooje gə́ ka̰ dəwje ba el wa.

2 Timote 4:4

D’a kun mbi dee rəw dɔ kankəmta’g, nɛ d’a kur mbi dee njor gə́ dɔ sutaje’g.

Titə 3:11

mbata i gər gao, dəw gə́ togə́bè lé to dəw gə́ ndəm rəw ləm, ta kaiya gə́ yeḛ ra lé nja tegginee ɔm dəa’g ləm tɔ.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

2 Piɛrə 2:22

Néra dee lé gosota ɔr taree aree to njai ya pana: Bisi lé tel o̰ tɔmé ləa gogo lé ləm, ko̰ bər kara ndogo mán sugu-sugu mba̰ ɓa tel aw ula rəa dan bɔrɔ mán’g gə́ ḭ njem-njem’g rogo rəa keneŋ ɓəi ləm tɔ.