Titə 1:13 - Maktub gə́ To gə Kəmee

¹³ Ta nee gə́ yeḛ ɔr lé to gə́ kankəmta ya. Bèe ndá maji kari pa sə dee ta gə́ nuŋga so mba kar meekun lə dee inja ne paw ləm,

Titə 1:13 ပူးပေါင်းရင်းမြစ်များ

Pakɔsje 119:80

Maji kar məəm to goo kára ba bərəŋ gə́ dɔ godnduije’g Gə mba kar rɔkul tɔm ne jo̰dɔrɔ el.

Pakɔsje 141:5

Ɓó lé dəw gə́ njera nédana undam ndá Ma m’oo gə́ né gə́ maji gə́ yeḛ ra səm ya, Ɓó lé yeḛ aar wɔjim kəmkàr kara To ubu ɓa yeḛ wa ne dɔm ləm tɔ, Ndá m’a kwa dɔm kɔr keneŋ el, Nɛ m’a kḭ gə tamaji ləm gɔl kára ɓəi Mba koma̰ ne gə némeeyèrje lə dee.

Gosota-Kəmkàrje 27:5

Ta gə́ pa səi kəmi’g təsərə lé Maji unda ndigi na̰ gə́ gə dɔ mundu.

Ləbije 19:17

Seḭ a kwaje ŋgako̰ síje gə meḛ sí el, lé riri kara seḭ a ndaŋgje mar síje dɔ néra deeje’g, nɛ seḭ a karje ta kaiya wa dɔ sí gə mba dee el.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

1 Timote 5:20

Deḛ gə́ d’wa gam rɔ dee dɔ kaiya’g lə dee ndá al gin dee gə́ raga gə mba kar mar deeje ɓəl ne.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Titə 2:15

I ɓa yḛ̀, maji kari ndoo dee taje neelé ləm, tɔg dee ne ləm, ndəji dee to gə́ njeŋgɔ-ɓee bèe ləm tɔ. Maji kar dəw kára kara ndɔli ne el.

Titə 2:2

Maji kar tɔg-dəwje d’isi lɔm ləm, d’ai meḛ dee sam-sam ləma, d’a tɔ meḛ dee ga̰-ga̰ ləm tɔ. Maji kar dee to bao-meekunje ləm, gə bao-meenojije ləma, gə bao-meekilaje ləm tɔ.