Teḛ-Raga 9:6 - Maktub gə́ To gə Kəmee

⁶ Un kudee bèlè lookaree lé ndá Njesigənea̰ ra togə́bè ya tɔ. Nékulje lə njé gə́ Ejiptə lai-lai d’wəi, nɛ mbuna nékulje’g lə Israɛlje lé da gə́ kára kara wəi keneŋ el.

Teḛ-Raga 9:6 ပူးပေါင်းရင်းမြစ်များ

Pakɔsje 78:48

Yeḛ uba nékulje lə dee ya̰ dee dan ndi kwɔji’g ləm, Ar pər gə́ dara tɔl koso-nékulje lə dee ləm tɔ.

Pakɔsje 78:50

Yeḛ ya̰ loo ar oŋg ləa ɓugu dɔ dee’g Ɓó taa dee ta yoo’g el ləm, Yeḛ ya̰ dee yag ta yoo-koso’g ləm tɔ.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Teḛ-Raga 12:29

Dan loo bab ndá Njesigənea̰ tɔl ŋgandərje lai-lai mee ɓee gə́ Ejiptə, un kudee dɔ ŋgondər Parao̰’g, yeḛ gə́ si dɔ kalimbai’g saar teḛ ne dɔ ŋgondər ɓər gə́ si mee kəi daŋgai’g, saar teḛ ne dɔ ŋgandər daje’g tɔ.

Teḛ-Raga 8:22

Moyis ilá keneŋ pana: Yee ɓa to nékəmra el mbata nékinjanéməsje gə́ j’a kun kar Ala lə sí gə́ Njesigənea̰ lé to né gə́ to kḛji kəm Ejiptəje’g. Bèe ɓa ɓó lé jeḛ j’inja nékinjanéməsje gə́ to kḛji kəm dee’g j’ar Ala kəm dee-deḛ’g lé see d’a tila sí gə kɔri-ər el wa.

Teḛ-Raga 9:25

Ndi kwɔji lé unda néje lai gə́ to mee ndɔje’g ɓeeko̰ gə́ Ejiptə lai un kudee dɔ dəwje’g saar teḛ ne dɔ daje’g tɔ, ndi kwɔji neelé unda muje lai-lai gə́ to walá ləm, gə təd kagje lai gə́ to walá ləm tɔ.

Teḛ-Raga 9:26

Nɛ mee ɓee gə́ Gosen, loo gə́ Israɛlje d’isi keneŋ ya kára ba ɓa ndi kwɔji neelé oso keneŋ teŋ el.

Teḛ-Raga 9:4

Njesigənea̰ a kɔr kəm nékulje lə Israɛlje ɓəd ləm, gə ka̰ njé gə́ Ejiptə ɓəd ləm tɔ, ndá mbuna njé gə́ ka̰ njé gə́ Israɛl lé yeḛ gə́ kára kara a kwəi el.

Teḛ-Raga 9:5

Njesigənea̰ wɔji ndəa njaŋg pana: Bèlè ɓa Njesigənea̰ a ra togə́bè mee ɓee’g nee ya.