Teḛ-Raga 9:29 - Maktub gə́ To gə Kəmee

²⁹ Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Teḛ-Raga 9:29 ပူးပေါင်းရင်းမြစ်များ

1 Mbaije 8:22

Salomo̰ aar no̰ loo-nékinjaməs’g lə Njesigənea̰ kəm koso-dəwje gə́ Israɛl, yeḛ ula jia par gə́ dara pana:

1 Mbaije 8:38

ɓó lé dəw kára əsé koso-dəwje ləi gə́ Israɛl lai d’ar ndu ra tamaji əsé ra ndòo d’ar ndu no̰ lə dee ɓar, ar nana kara gər doo gə́ to mée’g ɓa ula jia par gə́ rɔ kəi’g neelé ndá

Esdras 9:5

Yen ŋga loo gə́ kàr kḭjanémes gə́ kàrkemetag teḛ mba̰ ndá m’ḭta dan rɔkul’g ləm, gə kubuje ləm gə yee gə́ boi yul gə́ dɔ maree’d gə́ m’til lé ləm tɔ ndá m’ɔs kəjim naŋg m’ula jim par gə́ rɔ Njesigənea̰ Ala’g ləm,

Maktub gə́ wɔji dɔ Jɔb 11:13

Nɛ i lé maji kari tel məəi par gə́ rɔ Ala’g ləi ləm, Maji kari ula jii ndiŋ gə́ rəa’g gə tamaji ləi ləm tɔ.

Pakɔsje 135:6

Néje lai gə́ Njesigənea̰ ndigi lé ndá yeḛ ra ya, Néje gə́ mee dara’g gə dɔ naŋg nee ləm, Dan baa-boo-kadje’g gə dan ɓul manje’g lé ləm tɔ.

Pakɔsje 143:6

M’odo jim m’ula ndiŋ gə́ rɔi’g ya ləm, Ŋgaw məəm əmə biriri-biriri gooi’g Asəna gə dɔ naŋg gə́ tudu kurum-kurum Gə́ ndiŋga mán keneŋ bèe ləm tɔ.

Pakɔsje 50:12

Ɓó lé ɓó tɔlm ndá m’a kulai taree el Mbata dɔ naŋg to kama gə néje lai gə́ to keneŋ.

Teḛ-Raga 19:5

Ɓasinè lé ɓó lé seḭ ooje ndum ləm, gə seḭ aarje dɔ ndu manrɔ’g ləm ləm tɔ ndá seḭ a toje dəwje ləm ma ya doŋgɔ mbuna dəwje’g lai mbata dɔ naŋg nee lai lé to kama ya ,

Teḛ-Raga 20:11

Mbata mee ndɔje gə́ misa̰ lé Njesigənea̰ unda dara gə naŋg gə baa-boo-kad gə néje lai gə́ to keneŋ lé ndá ndɔ gə́ njekɔm’g siri lé yeḛ wa rəa keneŋ, gelee gə́ nee ɓa Njesigənea̰ tɔr ne ndia dɔ ndɔ-kwa-rɔ’g ləm, undá ne gə kəmee ləm tɔ.

Teḛ-Raga 8:22

Moyis ilá keneŋ pana: Yee ɓa to nékəmra el mbata nékinjanéməsje gə́ j’a kun kar Ala lə sí gə́ Njesigənea̰ lé to né gə́ to kḛji kəm Ejiptəje’g. Bèe ɓa ɓó lé jeḛ j’inja nékinjanéməsje gə́ to kḛji kəm dee’g j’ar Ala kəm dee-deḛ’g lé see d’a tila sí gə kɔri-ər el wa.

Teḛ-Raga 8:6

Yeḛ ilá’g pana: Bèlè ya. Ndá Moyis pana: A to togə́bè ya mba kari gər ne to gə́ dəw kára kara to tana gə Ala lə sí gə́ Njesigənea̰ el.

Teḛ-Raga 9:33

Moyis unda loo mee kəi’g lə Parao̰ teḛ mba kaw raga gir ɓee-boo’g ndá yeḛ odo jia par gə́ rɔ Njesigənea̰’g, bèe ɓa ndi əw ne rəa ndaŋg ləm, ndi kwɔji kara gaŋg ne ŋgəji ləma, ndi oso ne naŋg teŋ el ŋga ləm tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

1 Njé gə́ Kɔrḭtə 10:26

Mbata naŋg neelé gə néje lai gə́ to keneŋ lé to gə́ ka̰ Mbaidɔmbaije ya.

1 Njé gə́ Kɔrḭtə 10:28

Nɛ ɓó lé dəw ula sí pana: Né gə́ neelé d’inja gə́ məs pole ne né ndá maji kar sí sɔje el gə mbəa-yeḛ gə́ njekula sí taree ləm, gə mba meḛ sí gə́ to kərm ləm tɔ.

Tel tura Godndu 10:14

Aa ooje, Ala lə sí gə́ Njesigənea̰ lé ɓa dara gə́ to dɔ na̰’d dɔ na̰’d lé to kea̰ ləm, gə naŋg nee gə néje lai gə́ to keneŋ to kea̰ ləm tɔ.