Teḛ-Raga 9:26 - Maktub gə́ To gə Kəmee

²⁶ Nɛ mee ɓee gə́ Gosen, loo gə́ Israɛlje d’isi keneŋ ya kára ba ɓa ndi kwɔji neelé oso keneŋ teŋ el.

Teḛ-Raga 9:26 ပူးပေါင်းရင်းမြစ်များ

Teḛ-Raga 10:23

Deḛ d’oo rɔ na̰ el ləm, dəw ḭ loo-siée’g aw raŋg el ləm tɔ, as ndɔ munda. Nɛ looje lai gə́ Israɛlje d’isi keneŋ lé loo àr keneŋ ya.

Teḛ-Raga 11:7

Nɛ mbuna Israɛlje’g lai lé un kudee dɔ dəwje’g saar teḛ ne dɔ nékulje’g lai lé bisi kára kara a kinja miḭ el, mba kar sí gərje ne gao to gə́ Njesigənea̰ lé ɔr kəm Ejiptəje ɓəd ləm, ɔr kəm Israɛlje kara ɓəd ləm tɔ.

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Teḛ-Raga 8:19

N’a kunda kəm dəwje lə neḛ ɓəd ləm, n’a kunda kəm dəwje ləi ɓəd ləm tɔ. Nétɔji neelé a teḛ bèlè ya.

Teḛ-Raga 9:4

Njesigənea̰ a kɔr kəm nékulje lə Israɛlje ɓəd ləm, gə ka̰ njé gə́ Ejiptə ɓəd ləm tɔ, ndá mbuna njé gə́ ka̰ njé gə́ Israɛl lé yeḛ gə́ kára kara a kwəi el.

Teḛ-Raga 9:6

Un kudee bèlè lookaree lé ndá Njesigənea̰ ra togə́bè ya tɔ. Nékulje lə njé gə́ Ejiptə lai-lai d’wəi, nɛ mbuna nékulje’g lə Israɛlje lé da gə́ kára kara wəi keneŋ el.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.