Teḛ-Raga 9:24 - Maktub gə́ To gə Kəmee

²⁴ Ndi ər gə kwɔji bai-bai ləm, pər kara pélé na̰ gə ndi kwɔji ləm tɔ, ndi kwɔji neelé al dɔ loo sula ləm, dəw oo garee togə́bè un kudee ndɔ tum gin ɓeeko̰ gə́ Ejiptə nee el ya saar ɓəi.

Teḛ-Raga 9:24 ပူးပေါင်းရင်းမြစ်များ

Maktub gə́ wɔji dɔ Jɔb 38:23

Gə́ ma m’ŋgəm ɓəd gə mba ndɔ nékəmndoo ləm, Gə mba ndɔ rɔ gə́ rɔ na̰ ləm tɔ wa.

Pakɔsje 105:32

Yeḛ ar kwɔji ər tor ndi’g ləm, Yeḛ ar ndo̰ pərje taa loo pəl-pəl mee ɓee’g lə dee ləm tɔ.

Pakɔsje 18:13

Loo gə́ ndogó nea̰’g lé sané mumje Gə kwɔji gə kɔr pərje kad-kad.

Teḛ-Raga 10:6

Beedéje lé d’a rusu kəije ləi tub-tub ləm, gə kəije lə kuraje ləi lai ləma, gə kəije lə njé gə́ Ejiptə lai ləm tɔ. Bɔbije-je gə bɔ bɔbije-je lé un kudee mee ndəa gə́ d’isi dɔ naŋg nee saar teḛ ɓogənè kara deḛ d’oo né gə́ togə́bè el ya ɓəi. Moyis lé sa rəa mee kəi’g lə Parao̰ gə́ raga.

Teḛ-Raga 9:18

aa oo, bèlè gə kàr gə́ togə́bè ndá n’a kar ndi kwɔji gə́ al dɔ loo sula ər dɔ sí’g, ndi kwɔji neelé dəw oo garee gə́ togə́bè ɓee gə́ Ejiptə gɔl kára el, un kudee ndɔ tum gin ɓee gə́ nee el ya saar ɓəi.

Teḛ-Raga 9:23

Moyis ula kag-tɔs ləa par gə́ dara, ndá Njesigənea̰ ar ndi ndaŋg ləm, ar ndi kwɔji ər ləma, pər kara o̰ dɔ naŋg kənənə-kənənə ləm tɔ. Njesigənea̰ ar ndi kwɔji ər dɔ naŋg ɓee gə́ Ejiptə’g.

Teḛ-Raga 9:25

Ndi kwɔji lé unda néje lai gə́ to mee ndɔje’g ɓeeko̰ gə́ Ejiptə lai un kudee dɔ dəwje’g saar teḛ ne dɔ daje’g tɔ, ndi kwɔji neelé unda muje lai-lai gə́ to walá ləm, gə təd kagje lai gə́ to walá ləm tɔ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Ejekel 1:4

Ma m’aa loo gərərə ndá aa oo, lel ḭ gigigi ləm, gə kil-lə-ndi gə́ ḭ udu loo pḛ-pḛ ləma, gə pər gə́ tɔ na̰ ar ndogó ləa ɔr loo jol-jol ləm tɔ lé ḭ par gə́ dɔgel ree. Ŋgaw danee ndɔḭ to gə́ larkas gə́ d’usu d’aree ndɔḭ wər-wər gə́ ḭ dan pər’d bèe.

Ejekel 13:13

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: N’a kar lel-ndi ula mbḭ-mbḭ dan boo-oŋg’d lə neḛ ləm, ndi bura-boo a tɔ kub kər dan oŋg’d lə neḛ ləm tɔ, tɔɓəi ndi kwɔji a jura naŋg wururu-wururu gə mba tuji loo pugudu-pugudu.

Matiyo 24:21

Mbata ndəa neelé némeeko̰ gə́ a gə ra sí lé a kal dɔ loo sula. D’oo garee togə́bè ndɔ tum gin naŋg nee saar ɓasinè lé el ɓəi ləm, d’a koo garee gə́ togə́bè gogo nda̰ bèe el ləm tɔ.