Teḛ-Raga 8:6 - Maktub gə́ To gə Kəmee

⁶ Yeḛ ilá’g pana: Bèlè ya. Ndá Moyis pana: A to togə́bè ya mba kari gər ne to gə́ dəw kára kara to tana gə Ala lə sí gə́ Njesigənea̰ el.

Teḛ-Raga 8:6 ပူးပေါင်းရင်းမြစ်များ

2 Samel 7:22

Gelee gə́ nee ɓa i to gə́ boo, Njesigənea̰ Ala! Mbata njetana səi godo ləm, gari-i Ala godo gə goo néje lai gə́ jeḛ j’oo gə mbi sí neelé ya ləm tɔ.

2 Sôrta Gḭka Israɛlje 6:14

Yeḛ pa ne pana: Ǝi Njesigənea̰, Ala lə Israɛlje. Ala gə́ to gə́ i bèe lé godo mee dara’g ləm, gə dɔ naŋg nee ləm tɔ: i aa dɔ manrɔ ləi gə meekarabasur gə́ mbata kuraje ləi gə́ njaa nɔḭ’g gə meendakaḭ lé.

Pakɔsje 105:30

Kurkuduje d’aw dèm-dèm to gə́ turje bèe mee ɓee’g Saar teḛ ne mee kəije’g lə mbaije lə dee.

Pakɔsje 78:45

Yeḛ ula gə kəm mbàje dɔ dee’g ar dee to̰ dee ləma, Yeḛ ula gə́ kurkuduje dɔ dee’g ar dee tuji néje lə dee ləm tɔ.

Pakɔsje 86:8

Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Teḛ-Raga 10:2

A to togə́bè mba kari ndaji taree ar ŋgoni gə́ diŋgam ləm, gə ŋgon mee ŋgoni gə́ diŋgam ləm tɔ, mba kar dee d’oo ne né gə́ ma m’ra gə njé gə́ Ejiptə ləm, gə nétɔjije gə́ ma m’ar dee nduba ne rɔ dee mbuna dee’g ləm tɔ. Bèe ɓa seḭ a gərje ne to gə́ ma m’to Njesigənea̰ ya.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 7:19

Njesigənea̰ ula Moyis pana: Ula Aaro̰ pana: Un kag-tɔs ləi ndá ula jii ndiŋ dɔ manje’g lə njé gə́ Ejiptə lé dɔ baaje’g lə dee ləm, dɔ kəm-rəw-manje’g lə dee ləm, dɔ duu-manje’g lə dee ləma, gə dɔ kəm-mán-ɓarje’g lə dee ləm tɔ. Manje neelé d’a tel to gə́ məs, tɔɓəi məs lé a to gə looje lai mee ɓee gə́ Ejiptə ya, mee nékaimanje gə́ ra gə kag əsé gə mbal ləm tɔ.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Esai 43:10

Njesigənea̰ pana: Seḭ nja toje njékɔrgootaje ləm Seḭ gə kura ləm gə́ ma m’ɔree Gə mba kar sí gərje gao ləm, Kar sí ɔmje meḛ sí dɔm’g ooje to gə́ to ma nja ləm tɔ. Ma m’to gə́ dɔtar Ɓó Ala gə́ njekunda rəa nɔm’g Ɓa m’orè gée ɓəi lé godo ləm, Yeḛ gə́ a korè goom kara godo ləm tɔ.

Ləbije 11:12

Dee lai gə́ d’aw dan mán’d gə́ lal jer dee gə lal ŋgwɔi dee tɔ ndá seḭ a koo deeje gə́ néje gə́ to kḛji.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 4:35

Seḭ nja toje njékɔrgoo néje neelé gə mba kar sí gərje gao to gə́ Njesigənea̰ ya kára ba to Ala ɓó garee gə́ raŋg godo.

Loo gə́ killa rea kəm Ja̰’g 16:13

Ma m’oo ndilje gə́ yèr munda gə́ to d’asəna gə kurkuduje bèe lé teḛ ta dakɔb’g ləm, gə ta da’g ləma, gə ta njetegginta gə́ ŋgɔm lé ləm tɔ.