Teḛ-Raga 8:3 - Maktub gə́ To gə Kəmee

³ Nɛ njéra némɔrije lé kara deḛ ra togə́bè tɔ, gə goo némɔrije lə dee lé. Deḛ d’ar kurkuduje tal mee ɓeeko̰ gə́ Ejiptə ya tɔ.

Teḛ-Raga 8:3 ပူးပေါင်းရင်းမြစ်များ

2 Sôrta Gḭka Israɛlje 22:11

Nɛ Josabeat, ŋgolə mbai gə́ dené un Joas, ŋgolə Akajia dan ŋgalə mbai’g loo gə́ d’aw tɔl dee’g lé, yeḛ ilá ji njeŋgəmee’g mee kəi gə́ tiraje to keneŋ. Bèe ɓa Josabeat, ŋgolə Joram, mbai gə́ dené gə́ to dené lə Jeojoda yeḛ gə́ njekinjanéməs ləm, gə ko̰ kɔnan Akajiaje ləm tɔ lé unee iya kəm Atali’g aree lal tɔlee.

Pakɔsje 105:30

Kurkuduje d’aw dèm-dèm to gə́ turje bèe mee ɓee’g Saar teḛ ne mee kəije’g lə mbaije lə dee.

Teḛ-Raga 10:6

Beedéje lé d’a rusu kəije ləi tub-tub ləm, gə kəije lə kuraje ləi lai ləma, gə kəije lə njé gə́ Ejiptə lai ləm tɔ. Bɔbije-je gə bɔ bɔbije-je lé un kudee mee ndəa gə́ d’isi dɔ naŋg nee saar teḛ ɓogənè kara deḛ d’oo né gə́ togə́bè el ya ɓəi. Moyis lé sa rəa mee kəi’g lə Parao̰ gə́ raga.

Teḛ-Raga 12:34

Koso-dəwje lé d’odo nduji gə́ deḛ loḭ gə́ d’ɔm néti keneŋ nɛ ti el ɓəi. Néloḭ-binaje lə dee kara deḛ tɔ gə kubu d’odo dɔ bag dee tɔ.

Teḛ-Raga 7:11

Nɛ Parao̰ ula kula ɓar njékəmkàrje gə njésukəm mar deeje ləm tɔ, tɔɓəi njéra némɔrije gə́ Ejiptə lé némɔrije lə dee-deḛ kara ar dee ra togə́bè tɔ.

Teḛ-Raga 8:11

Parao̰ lé oo to gə́ né gə́ kədərə nee ɔr dəa’g wuduru ŋga ndá yeḛ ar mée ndər ya ɓəi, tɔɓəi yeḛ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé.

Teḛ-Raga 8:2

Aaro̰ ula jia ndiŋ dɔ manje gə́ Ejiptə’g, ndá kurkuduje tal taa loo pəl-pəl mee ɓee gə́ Ejiptə.

Teḛ-Raga 8:4

Parao̰ ɓar Moyis gə Aaro̰ ula dee pana: Raje tamaji ta Njesigənea̰’g mba karee ɔr kurkuduje neelé dɔm’g pam ləm, gə dɔ dəwje’g ləm kara ləm tɔ, ndá m’a kya̰ loo kar dəwje neelé d’aw d’aw d’inja nékinjanéməsje d’ar Njesigənea̰ ya.